المساعد الشخصي الرقمي

مشاهدة النسخة كاملة : مشكلة حرارة ال 454 سوبر بان


alwali
18/08/2016, 02:11 AM
كيف الحال يا شباب
قريت موضوع بخصوص بلف الحرارة (الثرموستات ) حق السوبر بان 454 موديل 1995
يقولون انهم كانوا يبدلونه ببلف حق كابرس حجم 160 لكن اي موديل ؟؟؟

موتري كل السنين اللي طافت مايشكي من شي بس بدلت الثرموستات اصلي مثل اللي كان عليه حجم 195 وانصدمت من الحراره كانت الثلث وبعد التبديل على طول صارت تحت النص امشي واقف ماتتحرك
في ناس قالوا يمكن من الثرموستات فيا فعيب او انها حق يوكن من موديل 2000 وفوق حرارتهم تحت النص
على العموم لقيت ثرموستات حراره حق سوبر حجم 350 بس قارنته بالي عندي طلع قطره كبير
وكان حجم 160

سويت غسيل بالجهاز حق السلندر والراديتر وكان نظيف
ولم يتغير شي
لاحد يقول شيل الثرموستات
كهرووب
18/08/2016, 04:21 PM
السلام عليكم ورحمة الله وبركاته

بدل الثرموستات بمقاس اصغر راح تنزل الحرارة مقاس 195 يفتح على درجة 90 مئوية ولو تركب مقاس 160 يفتح على درجة 71 مئوية
alwali
18/08/2016, 07:27 PM
وعليكم السلام
لقيت مقاس 160 بس ماتركب عندي
حجمها كبير
شنو اقول حق قطع الغيار اطلب اي موديل
alwali
19/08/2016, 11:31 AM
صبحكم الله بالخير تو جاي من محلات قطع الغيار قالوا لي مستحيل تحصل مقاس 160 مثل الحجم اللي عندك
لأن حق الوكالة حجمه صغير مقاس 195
قالي اعطيك مقاس 160بس وده مخرطه وقص منه صحيح هذا الكلام لأنه مراح يركب عندك
قلت له مال كابرس يركب قال لا يختلف
م س س
20/08/2016, 11:54 PM
كلامهم صحيح توديه المخرطة ويشيلون من حوافه لين يسير نفس مقاس حافة بلف الحرارة الأول وبيفتح البلف على حرارة 72 مئوي 160فهرنهايت بدلاً من الأول اللي يفتح على 88 مئوي 190فهرنهايت لكن فيه اشكاليه إذا ركبته بيسير عندك الـRPM مرتفع يعني بيكون على ألف دورة تقريباً بدون المكيف ومع المكيف بيتعدى ألف دورة ويزيد صرف البنزين وبيسبب نتعة في القير لما تغير من دي أو ريوس لأن دورات المحرك مرتفعة عن وضعه الطبيعي المشكلة انه مبرمج بهذه الطريقة لازم توصل الحرارة حول 88درجة وتبدء دورات المحرك بالنزول . لا يوجد مجال لتغيير هذه البرمجة فخله على بلف بلده .
SGL
21/08/2016, 01:04 AM
http://www.mekshat.com/vb/showthread.php?469720-%C8%E1%DD-%C7%E1%CD%D1%C7%D1%E5
أدخل هالموضوع وبتستفيد إن شاء الله
alwali
22/08/2016, 03:20 AM
صحيح كلامكم ميه في الميه وبخليه على وضعه افضل
الظاهر الثرموستات اللي انا مغيرها كانت تعبانه وماتعمل بالشكل المضبوط وكانت الحراره على الثلث
والان الثرموستات جديدة وثبتت الحراره اقل من النص بشرطه
وامس ضربت عليه مشوار 800 كيلو والحراره ماتغيرت وحتى وقفت حول الساعه ارتفعت الحراره الى النص وما تعدته
ولما مشيت اشتغل اوتوماتيك المروحه وردت لتحت النص

جزاكم الله خير ما قصرتوا والله يحفظكم
1824
22/08/2016, 08:39 PM
الموضوع في الثرموستات غيره بنوع غير
alwali
23/08/2016, 02:03 AM
السلام عليكم
اليوم طحت على السبب في ارتفاع الحرارة مع اني كنت مستبعده
كلش المروحة سبحان الله اذا ارتفعت الحراره اسمع له حنه وهذا شي طبيعي
وفحصه الميكانيكي وقال سليم
بس انا قلت خلني ابدله والمفاجأة نزلت الحراره وصارت على الثلث مثل ما كان قبل
واذا طولت بالوقفه ترتفع الى قبل النص بشرطه واذا مشيت على طول تنزل الى الثلث
حبيت اني افيدكم