صوت الفرامل طيّــــــــــــــــــر عقلي.!!!!!!!!!!

[خلي شموعي]

السلام عليكم ورحمة الله وبركاته


المشكله :صوت عالي جدا من الفرامل الخلفي(جهه وحده بس) اثناء الدعس ... (نظام هوبات خلفيه زي الامام)

في البدايه غيرت الفحمات مانفع(طبعا الفحمات الماني والاصلي غير متوفربسبب موديل السياره بنز (86)

شحمت ظهر الفحمات مع المسامير وحتى الهوب نفسه شحمته بس عشان لو يسكت شوي .. مانفع

خرطت الهوب... مانفع

بدلت الفحمات مره ثانيه بنوع ثاني.. مانفع

ركبت هوب جديد.. مانفع

وش الدبره ياجماعه..؟؟

هل المشكله من الكليبر او البستم نفسه وهل فيه حل مختصر (تركيب ربل او ماشابه)

ولا المشكله قماشات الجلنط مع علمي ان نظام الهوبات الخلفي مايمسك فيه القماشات .. يعني القماشات للجلنط فقط .. او انا غلطان



وش اسوي يااهل الخبره افيدوني اهل الحاره يشتكون من الازعاج كل ماوقفت وانا وين اودي وجهي

[rashid8989]

وعليكم السلام
انا صارت معى هالسالفه وبسيطه جدا لكن مادرى شلون اشرحك ماعرف اسامى القطع لكن الفنى قام بادخال مفك براغي طويل من خلال فتحة الرنج ودفع بها (الصاجه ) مانى عارف اسمها بالضبط كانت تحتك مع الكليبر او الهوب عند دوران العجله , ولكن انت تقول الصوت فقط عند الدعسه يعنى احتمال كبير انك عندما تدعس يتحرك ماسك القماشات قليلا ويحتك مع الصاجه . والله اعلم

[خلي شموعي]

الصاجه ماشفت عليها ملاحظه ولكن سأراجعها شكرا لك اخوي.

والي عنده زود علم لا يبخل

[عمررر الحربي]

اخوي فيه منتجات متخصصه بتخفيف صوت الفرامل تسمى disk brake quiet

اكتبها بقوقل وابحث عن افضل ماركه وغالبا تكون في اعلى النتائج

وهذا مثال شفته يستعمل بأكثر من فيديو

تمنياتي لك بالتوفيق :)



http://shop.advanceautoparts.com/wcsstore/CVWEB/staticproductimage//N3223/large/7040066_crc_05017_pri_larg.jpg

مثال اخر

http://farm5.static.flickr.com/4055/4594213104_a4d0a88170.jpg

مثال 3

http://i109.photobucket.com/albums/n64/lsejlowe/Jeep%20Overland/Napa%20Brake%20Pads%20Rotors%20and%20Calipers/DSC02783.jpg

[الحربي حاتم]

بارك الله فيك ياعمر

[ناصح]

طيب البنز اذكر فيه حساسات تحك في الهوب للتنبيه على انتهاء الفحمات

قد يكون لها علاقة

[خلي شموعي]

اخوي فيه منتجات متخصصه بتخفيف صوت الفرامل تسمى disk brake quiet

اكتبها بقوقل وابحث عن افضل ماركه وغالبا تكون في اعلى النتائج

وهذا مثال شفته يستعمل بأكثر من فيديو

تمنياتي لك بالتوفيق :)




والله ياخوي عمر ماخليت محل مادورت فيه من أصغر محل في الصناعيه الى ساكو

والمشكله اني دهنت ظهر الفحمات بشحم ولا حتى تغير الصوت

[خلي شموعي]

طيب البنز اذكر فيه حساسات تحك في الهوب للتنبيه على انتهاء الفحمات

قد يكون لها علاقة

صحيح كلامك لكن هذي موجوده في الفحمات الاماميه..

تحياتي

[SGL]

أخوي دام الفرامل الخلفي بموترك نفس الأمامي فحمات وكليبر أبيك تشيك على مشابك الفحمات يمكن تحك بالهوب بسبب تركيب غلط أو منعفطه وبخصوص الجلنط أتوقع إنه مستقل له أقمشه هلال صغير داخل الهوب يعني تفك الهوب بعدين تشوفها

[خلي شموعي]

أخوي دام الفرامل الخلفي بموترك نفس الأمامي فحمات وكليبر أبيك تشيك على مشابك الفحمات يمكن تحك بالهوب بسبب تركيب غلط أو منعفطه وبخصوص الجلنط أتوقع إنه مستقل له أقمشه هلال صغير داخل الهوب يعني تفك الهوب بعدين تشوفها

الفحمات انا مركبها بنفسي وبصراحه مانتبهت للمشابك مع الهوب ... جاري التشييك

[عمررر الحربي]

الفحمات انا مركبها بنفسي وبصراحه مانتبهت للمشابك مع الهوب ... جاري التشييك

بشرنا اخوي نفع الحل او لا

الشحم ماتوقع يفيد لانه يسيح مع ادنى حرارة ويصير زيت بالاضافة الى انه مايستحمل الضغط يعني بس تلمس الفرامل يكون طلع مع الجوانب

تمنياتي لك بالتوفيق

[SGL]

الفحمات انا مركبها بنفسي وبصراحه مانتبهت للمشابك مع الهوب ... جاري التشييك

نسيت أقولك :D
الجهه اللي يصدر منها الصوت هل الفحمات تنمسح فيها بسرعة بعكس الجهه الثانية السليمه؟
أخاف الكليبر شاد يعني يمسك بقوة وأكثر من الثاني

[خلي شموعي]

نسيت أقولك :D
الجهه اللي يصدر منها الصوت هل الفحمات تنمسح فيها بسرعة بعكس الجهه الثانية السليمه؟
أخاف الكليبر شاد يعني يمسك بقوة وأكثر من الثاني

والله مادري والمشكله اني غيرت الفحمات ثلاث مرات كلها جديده فـــ صعب اني الاحض الفرق

على فكره انا شيكت على المشابك وغيرتها بوحده من التشليح وللحين ماجربت السياره ..

[خلي شموعي]

للاسف ماتغير شي والصوت مازال موجود

الحين وش الراي ياجماعه مابقي الا اغير الكليبر هل تتوقعون يكون السبب

ملاحظه مهمه نسيت اذكرها الصوت مايجي الا بعد استخدام الفرامل ..يعني لما تكون بارده مايجي صوت

[SGL]

للاسف ماتغير شي والصوت مازال موجود

الحين وش الراي ياجماعه مابقي الا اغير الكليبر هل تتوقعون يكون السبب

ملاحظه مهمه نسيت اذكرها الصوت مايجي الا بعد استخدام الفرامل ..يعني لما تكون بارده مايجي صوت

أخوي فك الكليبر وفك البستن ونظفه وصنفره وخل شغلك نظيف وبعدين سوي تنسيم للهواء زين يعني مايبقى غير زيت جديد نظيف أصلي بالمواسير والكليبرات وجرب موترك بعدها كل هالشغل تصلحه بنفسك على رواق ووقت التنسيم إستعين بصديق

[خلي شموعي]

أخوي فك الكليبر وفك البستن ونظفه وصنفره وخل شغلك نظيف وبعدين سوي تنسيم للهواء زين يعني مايبقى غير زيت جديد نظيف أصلي بالمواسير والكليبرات وجرب موترك بعدها كل هالشغل تصلحه بنفسك على رواق ووقت التنسيم إستعين بصديق


والله مافي احد حولي كل عمري اشتغل لحالي ودايم اتوهق وبالنسبه للبستن ماقد فكيته ولا اعرفله ولكن اذا السبب منه اغير الكليبر كامل تشليح ماهو غالي بس اهم شي يروح الصوت

سأوافيكم بالنتائج ان شاء الله

[خلي شموعي]

النتائج

تغيير ثلاث أنواع فحمات + تشحيـــم + تنظيف + تغيير الهوب + تغيير مثبت الفحمات + تغيير الكليبر كامل

وبعد كل هذا الصوت مازال موجود!!!!!!!!

السياره هذي ماهي طبيعيه وانا قررت اسلم نفسي للواقع واتغاضى عن المشكله

[SGL]

النتائج

تغيير ثلاث أنواع فحمات + تشحيـــم + تنظيف + تغيير الهوب + تغيير مثبت الفحمات + تغيير الكليبر كامل

وبعد كل هذا الصوت مازال موجود!!!!!!!!

السياره هذي ماهي طبيعيه وانا قررت اسلم نفسي للواقع واتغاضى عن المشكله

ماودي تغير الكليبر كامل وتخسر نفسك:(
فيه مواد كثيرة يستخدمونها للصوت وبعضهم يستخدم بخاخ اس ديلكو خاص للفرامل وفيه شحم خاص تحطه على نفس الهوب وتمشي بالموتر بعدها هذا الشحم بعض الأحيان نحصله مع الفحمات يوم نشتريها لبعض المواتر مثل هوندا وسمعت إنه ينباع وين مدري يمكن بمحلات غيار الألماني أو هوندا

[خلي شموعي]

اشكرك لتجاوبك اخوي وبالنسبه للشحم اعتقد لو ينفع كان نفع شحم الرمان الي حطيته على الأقل لو مؤقت

[SGL]

أمش عليه لفترة وبعدها فك الفحمات وشوفها في فرق بينها وبين الجهه الثانية يعني ممسوحه والجهه السليمه الفحمات ممتازه
المشكلة الثانية قد صارت معي قاعدة الكليبر كانت تلحق الهوب وتحك فيه المقصود القاعدة اللي يركب عليها الكليبر شيك فقط بدون ماتشتري وتخسر