تثبيت لون الشاهي

[مجتهد***]

السلام عليكم
من خلال سؤال أهل الخبرة
و التجربة العملية
توصلت لطريقة تثبيت لون الشاهي عند اللون ألي يعجبك

الطريقه سهلة و بصيطة

بعد ما يصل الشاهي عند الون الطلوب ( ثبت السرعة ) أسف ثبت اللون

يكون تثبيت اللون بوضع نقطة واحدة من الليمون

الليمون يثبت اللون و يصفي الشاهي و يحافظ على الحديد في الجسم

[zoom10]

معلومه جديده وغريبه ... بس يثبت لون الشاهي ويخرب طعمه هههههههههههههههه

شاكر لك

[مجتهد***]

أخوي زووم التجربة خير برهان
نقطة و احدة ما تخرب الطعم

[ابو عدي الحاتمي]

شكرا اخوي مجتهد على الطرح

بس لازم اجرب وبعدين اعلق على موضوعك

[الجهني]

يعطيك العافية اخوي

[ابو ســــاره]

معلومة جديده ! جزاك الله خير
انا بالنسبه لي اذا اردت تثبيت الخدره والون ازله في ابريق ثاني وبذلك يبقى الورق في الابريق والشاهي الخادر في الابريق الجديد وحطه جنب النار لا يعقد ولا يتغير طعمه حتى اخر رشفه .

[ولد شقرا]

خيطين زعفران وحبة هال

ويبقى اللون والطعم رهيب

[الشمالي 77]

اذا زان الشاهي .......صبه في بطنك بالعافيه كذا يثبت:d

امزح معك

[باترول98]

الله يهديك ليمون طلع شاهي باليمون ماطلع شاهي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[طبيب بيطري]

طريقة الو مرة نسمع بها بس نجرب ونشوف

بس طريقة ابو سارة يكمن تكون هي الاقرب

تحياتي لك،،،،

[الأطلسي]

مير ما يمديه يخدر إلا وهو خالص .....

ومشكور على الموضوع الرائع

[عزبة بر]

مشكور ياخوي ...

[نسناس ليل]

اشكرك على هالمعلومه الجيده .. بس انا من وجهة نظري اظبط وزنيه الشاهي وبعده عن النار مجرد حرارة خفيفه على شان ما يبرد وبعدين كل ما كان ( البريق) حجمه صغير او متوسط يكون الشغل عدل 100% وبعدين يصير له طعم لانه بيخلص على طول وراح تذبح البريق الثاني هههههههههههههه

ومعلومه بسيطه للجميع المفروض شاهي التلقيمه لازم يغسل في مصفاه او ما يسمونه (شاخول ) اختلفت الاسماء والغرض واحد لان الشوائب اللي فيه هي اللي تعطي مراره بالشاهي .. ودمتم سالمين
من تالي صرت فيلسوف زماني

[عاشق السيل]

وعليكم السلام ورحمة الله وبركاته ،،،

معلومة رائعة بيض الله وجهك ،، بس ترى الليمون يغير طعم الشاهي وهذي عن تجارب كثيرة !!

وأنا أنصح وبقوة لكل مصاب بالرشح والزكام إنه يتقهوى شاهي معصور فيه ليمون عادي أو أبوزهيرة تراه مفيد جدا جدا جدا وسريع المفعول ،،،

أما طريقتي في تثبيت اللون هو استخدام شاي ليبتون ( فرط ) كمية قليلة بالبريق وخمس دقايق يخدر وأتحداك يتغير لونه لو خليته ساعات !!!!

آسف على الإطالة وتقبل مروري يالغالي .....

[ابراهيم2008]

معلومه جديدة
الله يعطيك العافية

[راعي دسمه]

اذا زان الشاهي .......صبه في بطنك بالعافيه كذا يثبت:d

امزح معك
ههههه
صحيح افضل طريقه الله لايهينك
الشاهي اعرف وزنيته ولايحتاج تثبيت

[ربيع قرطبه]

اللى اعرفه اذا الشاهى مطبوخ فى البريق الغضار الاصلى او مزلول الشاهى فى ابريق الغضار

ما يتغير لونه لفتره طويله ... حتى القهوه فيه ما تسود

وسلمت يالغالى

[منصورالمنصوري]

معلومة جديده ! جزاك الله خير

[abomohanad]

مشكورين على الافاد:good: ه

[الحربي 20008]

يعطيك العافيه على المعلومه الجديده



وازيدك بتجربتي الشخصيه في تثبيت اللون للشاهي وهي انه اذا وصل اللون المطلوب للشاهي رش على الابريق من الخارج ماء بارد ويثبت اللون


تحياتي للجميع

[آلشوووق]

طريقه حلوة

يسلمووووو

[ابو سعود !]

فيه معلومه قديمه عارفينها
بعد ما يخدر الشاهي على اللون اللي ترغبه صب مويه على الأبريق من الخارج ويثبت على لونه .

[النداوي HZ2AF]

الي أعرفه أنا انه تطلع الشاهي منه يعني يوجد أباريق خاصة تضع الشاهي في شبه مصفاة وبعد ما تصل للون المطلوب تخرج الشاهي وبكذى ما يتغير اللون بإذن الله

[الحرالمهوي]

مشكور يالغالي

[مشعل العيسى]

معلومه جديده وغريبه ... بس يثبت لون الشاهي ويخرب طعمه هههههههههههههههه

شاكر لك

حلوه اعجبتني تخرب طعمه ....

[I COM.COM]

معلومة جديدة ؛ الله يعطيك العافية

منكم نستفيد لكن ازيد على معلوماتكم ، فيه طريقة لتثبيت لون الشاهي سهلة ومجربة وهي اذا شفت لون الشاهي مضبوط تصب اقل من نص فنجال ماء حار مغلي ونصيحة لاتكثر عشان مايحوس الطعم .

[ابو الفهدة]

مشكووووووور يعطيك العافية

[NOYEB]

شكرا على المعلومة

[سطام vip]

الله يعطيك العافيه على هالمعلومه

ومثل ما قالوا الاخوان كل واحد له طريقه

بس انا احب اسوي الشاهي في ابريق صغير

واخليه يخدر في البطن احسن له هههههه

دمت في حفظ المولى