لمبه المكينه وكود الخطا P0011

[rrelaex]

السلام عليكم ورحمه الله وبركاته
ما اطولها عليكم (وقتكم ثمين)
معي يوكن دينالي 2007
كنت اعاني من انخفاض ضغط الزيت الى تحت الربع
وتعبت كثير معها جربت حلول كثيره وخسرت مبالغ
لين اقنعني احد مهندسين اي سي ديلكو ان مع الحراره يخف الزيت وبالتالي يصبح خفيف ويقل الضغط على طرمبه الزيت ويقل الضغط يعني الوضع عادي
المهم اني غيرت حساسعمود تيمينق من فتره ما اخذت 7 شهور

سافرت البحرين والامور تمام بس وانا راجع في الطريق فجأه اشتغلت لمبه المكينه وخفت صراحه لاني وسط خط
المهم ان قلت يمكن حساس الشكمان وتركته قلت يطفي بعد يوم
المشكله انه ماطفى ورحت عند بترومين لانه اقرب شي مني وعندهم كمبيوتر
وطلع رمز الخطأ P0011 وقالي انه تبع حساس الكامشفت وانا بصراحه مدري وش هالحساس و وين مكانه
قلت له يحذف الخطا والحين يومين ما اشتغلت اللمبه

هل عندكم فكره عنها يارجال !!
افيدوني تراني غشيم بالسيارات

[motlq]

اكتب نوع السيارة ورمز الخطا في قوقل واعمل بحث يمكن تجد حلول

[rrelaex]

عملت بحث في قوقل لكن كله بالانقليزي حتى لو ترجمته مو مفهوم وحتى لو فهمته مراح اعرف شي بالسياره
لاني مو خبره بالسيارات كثير

[rrelaex]

ماحد يعرف !!
المشكله مابي اسلم نفسي لعمال الصناعيه
لان كل واحد بيقول شي وبخسر على الفاضي

[راعي المقانيص]

فيه تطبيق ياغالي في سوق قوقل للاندرويد اسمه ( اكواد اعطال السيارات OBDII ) حمل التطبيق وحط رمز الكود ويعطيك النتيجه بالعربي

وهذا شعار التطبيق

https://lh5.ggpht.com/dKQ3X290EdmnBYCF7nddS2dsAT37CU4oRDlSHAVMAjvNezk3C5 36_uDjfzSuuxcPxw=w300

[قمة افرست]

السلام عليكم ورحمه الله وبركاته
ما اطولها عليكم (وقتكم ثمين)
معي يوكن دينالي 2007
كنت اعاني من انخفاض ضغط الزيت الى تحت الربع
وتعبت كثير معها جربت حلول كثيره وخسرت مبالغ
لين اقنعني احد مهندسين اي سي ديلكو ان مع الحراره يخف الزيت وبالتالي يصبح خفيف ويقل الضغط على طرمبه الزيت ويقل الضغط يعني الوضع عادي
المهم اني غيرت حساسعمود تيمينق من فتره ما اخذت 7 شهور

سافرت البحرين والامور تمام بس وانا راجع في الطريق فجأه اشتغلت لمبه المكينه وخفت صراحه لاني وسط خط
المهم ان قلت يمكن حساس الشكمان وتركته قلت يطفي بعد يوم
المشكله انه ماطفى ورحت عند بترومين لانه اقرب شي مني وعندهم كمبيوتر
وطلع رمز الخطأ P0011 وقالي انه تبع حساس الكامشفت وانا بصراحه مدري وش هالحساس و وين مكانه
قلت له يحذف الخطا والحين يومين ما اشتغلت اللمبه

هل عندكم فكره عنها يارجال !!
افيدوني تراني غشيم بالسيارات

رمز الخطاء كما ذكرالمهندس صحيح يرتبط بحسا س الكام شفت
Camshaft position sensor


ولا ياثر الا اذا صار تقطيع او تفتفه غيره او نظفه
ويمكن ولعت اللمبة من كربون او شي كذا لان دور الحساس قراءة نسبة الاشعال

واي تفته اوكربون تولع اللمبة لانه مرتبط بحساس الثروتل ويسجل الكمبيوتر الخطاء دون وجوده واذا مسحت الخطاء بفصل اصبع البطارية زي إعادة تشغيل للكمبيوتر يختفي الخطاء لانه غير موجود أساسا
عموما لاتخاف اذا صار تقطيع او تفتفه افحص واذا طلع نفس الخطاء غير الحساس بعد التأكد أولا من سبب التقطيع هل هو الحساس او أخطاء أخرى
ولاله علاقة بضغط الزيت ( الساعه )
الي قالك ان اثناء ارتفاع حرارة الزيت تنزل الساعه حقت الزيت صحيح ي حالة اذا نوع الزيت خفيف اخف من 10 دبليو 30 والأفضل تراقب ضغط الزيت تحت الربع اذا مستمر يدل على مشكلة بصوفة الطرمبة او ضعف بالطرمبة

شوف المقطع ممكن يفيدك مرتبط بماذكرت وجميع سيارت حي ام متشابهه
https://www.youtube.com/watch?v=cvXenStkoOI



والله اعلم
وان شاء الله باقي الاخوه يفيدونك اكثر

[rrelaex]

مشكور اخوي كلامك مضبوط
بس السياره مافيها تفتفه ولا تقطيع
لكن بعض الاحيان اذا اشتغلت لمبه المكينه احس اذا عشقت القير تصير نفس الدقه شوي
واحيان لا يكون طبيعي

[rrelaex]

اخوي البرنامج يحتاج قطعه بلوتوث تركب بالسياره

[rrelaex]

طيب يالغالي هل تغيير الحساس مكلف ماديا او لا ؟

[قمة افرست]

طيب يالغالي هل تغيير الحساس مكلف ماديا او لا ؟

الحساس تغييره غير مكلف
ولاكن نقطه مهمه الحساس ذا قليل يخرب
وأجهزة الكشف تطلعه غالبا انه خربان لايوجد تاثير مباشر
لانه مرتبط بحساس اخر أي كتمه اوتقطيعه يسجلها الكمبيوتر خاصة زي ماذكرت فعلا مع التعشيق دون خلل يطلع ذا الحساس في الفحص لاتسوي شي مالم تظهر علامات واضحه
يعني لو تقطع اوتطفي ابحث عن السبب ممكن طرمبة بنزين اتساخ حساس الثروتل او الثروتل يحتاج تنظيف
للتوضيح دوره أي اختلاف بدورة المحرك الاشعال بسجل الخطاء ومو شرط يكون خربان دام مافيه تقطيع واضح سليم

الأهم راقب ضغط الزيت
استخدم زيت 10 دبليو 30
والله اعلم

[rrelaex]

والله يالغالي احترت الحين اكثر محلات غيار الزيت الموثوقين مثل بترومين واي سي ديلكو يقولون حط نفس المكتوب على غطاء الزيت ما اعرف رقمه حاليا لكن اتوقع انه اخف شي وركبت ابو 5 الاف لان اخر مره صار الزيت اسود كثير قبل يعدي 8 الاف قلت بحط ابو 5 الاف عشان اغيره سريع

والله يالخوي مع هالحر الزيت اول ما اشغل السياره بالنص واذا حمت تحت الربع بس انه يرتفع مع دعسه البنزين ..

والزيت مع الوقع يقلب اسود واخر مره سويت تنضيف مكينه من داخل

والمسكله اذا مشيت عليه 3000 كيلو يطلع لي بشاشه المعلومات الزيت ناقص واروح ازيده

[قمة افرست]

والله يالغالي احترت الحين اكثر محلات غيار الزيت الموثوقين مثل بترومين واي سي ديلكو يقولون حط نفس المكتوب على غطاء الزيت ما اعرف رقمه حاليا لكن اتوقع انه اخف شي وركبت ابو 5 الاف لان اخر مره صار الزيت اسود كثير قبل يعدي 8 الاف قلت بحط ابو 5 الاف عشان اغيره سريع

والله يالخوي مع هالحر الزيت اول ما اشغل السياره بالنص واذا حمت تحت الربع بس انه يرتفع مع دعسه البنزين ..

والزيت مع الوقع يقلب اسود واخر مره سويت تنضيف مكينه من داخل

والمسكله اذا مشيت عليه 3000 كيلو يطلع لي بشاشه المعلومات الزيت ناقص واروح ازيده

زيت 5 دبليو 30 ماينفع لاجواءنا
درجة حرارة الزيت تبداء من تحت الصفر واحنا ماشاء مع الصبح فوق 30
وهذا يفقد الزيت لزوجته
والثقيل مايمشي مع طرمبةزيت الجموس
حط زيت 10 دبليو 30 وراح تلاقي ضغط ساعة الزيت اوك وبنفس الوقت ماهو ثقيل
زي ماذكرت لك 5 دبليو 30 لمناطق ثلوج عشان اول ماتشغل الصبح يكون فيه سهولة في سحب الزيت لزوجته خفيفه

[rrelaex]

ان شاء الله مع غيار الزيت الجاي احط 10 دبليو 30
لان ما باقي كثير على غيار الزيت

لكن بسالك يالغالي الحين هذا 10 دبليو 30 يكفي امشي فيه 10000 كيلو صح ؟

[قمة افرست]

ان شاء الله مع غيار الزيت الجاي احط 10 دبليو 30
لان ما باقي كثير على غيار الزيت

لكن بسالك يالغالي الحين هذا 10 دبليو 30 يكفي امشي فيه 10000 كيلو صح ؟
5الاف كيلو
اذا كثرت 6