السب والشتم والكلام البذيء على القناة العامة على اللاسلكي الرياض

[خالد الشمري20]

السلام عليكم ورحمة الله وبركاته


الحمد لله وحده لاشريك له والصلاة والسلام على رسول الله



أخواني الحمد لله شريت جهاز ايكوم أمس وكنت أقرأ من بعض الأخوان من زمان يشتكون من السب والشتام على اللاسلكي


حتى تأكدت وسمعت بأذني ما سمعت أول ماشغلت الجهاز سمعت كلام طيب ولله الحمد على القناة العامة


بعدها شغلته العصر أمس وسمعت كلام أسمحو لي على الكلمات إلي أبي أقولها لكن لتعرفون مدى سفال ما يقولون


يا أخوان بعض المتراسلين أن [] المزابل كلها أنظف من لسانه [] أكرمكم الله

كلام فاحش قذر قذر بما تعنيه الكلمة كلام تقشعر منها الأبدان كلام خالي من الحياء المروءه والرجولة والشهامه والكرامه والنبل


يقول رسول الله صلى الله عليه وسلم :


{] ليسَ المؤمِنُ بالطعانِ ، ولَا اللعانَ ، ولا الفاحِشَ ، ولا البذيءَ [}


الراوي : عبدالله بن مسعود
المحدث : الألباني
المصدر : صحيح الجامع
الصفحة أو الرقم : 5381
خلاصة حكم المحدث : صحيح




وش الحل مع هذه الأشكال هذي،


نبي نتراسل بكلام طيب يرضي الله ليس بشكل هذا وش الحل يا أخوان


القناة العامة رقمها [] ظ،ظ¤ظ¤.ظ×ظ× []

[ناصح]

وعليكم السلام ورحمة الله وبركاته

وهل يكب الناس على وجوهمم في النار إلا بحصائد السنتهم

بالصور توصيات مهمة لأصحاب الأجهزة الاسلكية (http://www.mekshat.com/vb/showthread.php?t=26831&page=1&pp=15)

[الحربي حاتم]

لاحول ولا قوة إلا بالله

[نسمات]

انا أرى ان الحل هو في تجاهل الشخص اللي يتكلم بكلام غير طيب
وصدقوني لو الجميع تجاهلوه ولا كأنه موجود سوف يحسب حساب لكلامه
اما اذا وجد من يرد عليه ويواجهه فسوف يزداد سوء
وبالله التوفيق

[وحداني بعرعر]

الحل بسيط جدا جدا ً ...........................

اولا اقول الله يهديه ويصلح حالة ...
ثانيا اذا ماكان محترم ويسب وكلامه بذيء واللي يطلع من فمه مثل مايطلع من أسفله أسحب عليه :D فهو أصلا حكم على نفسه واختصر لك تعريفه بنفسه .. بس الله الله بالسيفون الأصلي ميد إن إنقلاند :good2:

[4200]

الله يهديهم القناه العامه مهمه خصوصاً لاهل الحلال او اصحاب القنص ولاكن مانقول الا عسى الله يهدي الجميع

[رويلي]

https://pbs.twimg.com/media/BbRl6_OCIAAzzjU.jpg


خلها على ربك. بالخارج الكلام بين المراسلين احترام ومودة وتشجيع للهواية
اما هنا للاسف كل واحد يعكس تربيته والبيئة اللي هو عايش فيها والمحيطة به الا من رحم ربي.
الحل برأيي طنش واعتبره مثله مثل الكلب اعزكم الله اللي ينبح
هيئة الاتصالات تتحمل جزء من المشكلة
لو سهلت امور الترخيص وامور الكول ساين كان ماشفت العبث اللي حاصل وكان كل واحد يعرف حدوده

[هاوي الجكس]

افضل حل لا تشغله الا في حاجته

سواء في كشته او قنص وما سواه

تبي الصدق في الرياض ماعندك الا بزران ولا ناس قليلة حيا الا من رحم ربي

مع احترامي للباقين

[عاشق لاسلكي]

موضوع من اهم ما يكون

وباعتقادي ان المشكلة الاساس بعيدا عن الاشخاص الي يسبون هي مشكلة هيئة الاتصالات
لو تلاحظون ان تردد بعيد المدى hf لو حاولت تدخل له بدون رخصة ماراح يرد عليك احد فضلا عن انه مراقب بشكل اكبر

نتخيل طيب ان هيئة الاتصالات عملت الاتي:
فتحت المجال لرخصة فئة 2 وهي تردد العامة vhf 144.000-146.000
جعلت الامر سهل للفئة هذي والاختبار ميسر جدا وغير معقد(فئة 1 بعيد المدى خله صعب مافي مشكلة)
منعت اي مراسل منعا باتا وتأخذ تعهد على كل مراسل غير مرخص وتسحب عدته كما حدث في زمن مضى

بالطريقة هذي ماراح يراسل الا المرخص ولو تبي تراسل يكون سهل عليك تاخذ الرخصة
وكذا لو صدر اي خطأ من اي مراسل راح يكون معروف عند هيئة الاتصالات موقعه وبياناته كاملة
وبكل سهولة يتعاملون معه حسب النظام

بالشكل هذا الي حاب المراسلة ماراح ينقطع لانه سهل ياخذ رخصة
والي اخلاقة زفت ولا همه ان رب العالمين مطلع عليه وعلى كلامه البذيئ راح يوقف بالنظام
ويفكوننا من شره


لذلك اقول ان سبب المشكلة ليس المراسلين ابدا بل هيئة الاتصالات نفسها
نظام تسهل على قاتل انه يحصل سلاح وتقول ان القاتل اخطأ في استعماله غير صحيح

شدد على غير المرخصين وامنعهم من المراسلة وسهل الاختبار وشجع المراسلين عليه
علشان الجميع يقدر يرخص كذا تكون حليت المشلكة من عدة جوانب
اخلاقيا ماراح يجي السيء ولو اساء يمكس
وكذلك امنيا
وبشكل عام صارت السيطرة للهيئة وليس للمحلات
لكن غباء من الهيئة الي جالس يصير والله المستعان

[الشمري مكشات]

لاحول ولا قوة الا بالله