خبطت مكينة الفتك كم يكلف توضيب المكينه او الي عنده علم عن اسعار المكاين النضيفه

[ابو ميار_]

السلام عليكم ورحمة الله وبركاته
عندي موتري فتك 2006 وخبطت المكينه
الي عنده علم عن سعر التوضيب الله يجزاكم خير و سعر المكاين
ووين احصل ورش شغلهم نظيف او تشاليح عندهم مكاين نظيفه

[ابوراكان تبوك]

التوظيب زي الترميم ماتدري وش تحتاج قطع وكم مقدار الخرط

عموما حدد منطقتك حتى يفيدوك الشباب بالورش الزينة

والله يعوضك خير

[أبوصالح9]

اشور عليك توضب موترك او تطق لك مكينة لكزس تراها ناجحة اذا طبقتها صح

التشاليح لاتقربهم الا اذا تبي تنبش مكينة من موتر تعرفه وتعرف ممشاه

[مطر وسم]

الصناعيه القديمه بالرياض عندهم ورش متخصصين بالمكائن المستورده لجميع السيارات نيسان وتايوتا وكوري عندهم مكائن موضبه ومستعمله استعمال قليل عليها ضمان الظاهر سته شهور خذ منهم احسن من التوضيب هنا انا ماخذ مكينه كوريلا من عندهم من سنتين والحمدالله ماشيه معي تمام ما تغيرت

موفق اخوي

[ابو ميار_]

طيب بالله ياشباب بالنسبه للاسعار كم للتوضيب او مكينه مستخدمه
انا المشكله ماني من الرياض وودي تكون عندي فكره عن الاسعار اقرب شي لي القصيم او الرياض
والف شكر لكم

[ms662]

التوضيب يحدد سعره القطع الي راح تغير وهذا مايبين الا بعد فتح المكينه
مكائن مستعمله من 15 ألف وطالع حسب النظافه والموديل وكلها تخضع لذمة البائع

[ms662]

سبب التخبيط وشو؟؟؟

[فتك08]

بالنسبة لسعر التوضيب يكون بعد فك المكينة و بناءا على نوع القطع المطلوب تغييرها و هذا يحدده واحد ثقة و يخاف الله و اذا بتوضب شف الخضير بالقصيم ثقة و امين و لو تسأل بتحصل غيره و من ناحية التشاليح انتبه منهم