لغزي . جمعٍ ياجماعة . واصفه . !؟!....الحل:خلفات....حله:الدمرجي&&& اول لغز يطرح صوتي

[ابوذيبان]

السلام عليكم . ومساء الطيب

اليكم الجديد
بمناسبة موسم التمور وخراف التمر قلت


يامنـقــي . في الرطب . يا خـارفه .. اطـرد الطيـر. المـهـيـض لالفا


اتصــــدد . عـن مشــاعـر جـارفة .. وناح قمري . في نخلكم واختفا


اختــفـى وســط النـخيــل الوارفة .. المهـيـض ليـت لو لحـظـة غفا


واستــوى للقـاف شــاعر صارفه .. صارفه صرف السبايك واحتفا


احتــفـا. بأبـيـــات جــت متحـالفة .. من مشاعر صدق ماعنكم خفا


والسـكـون اللـي سبـق يالعـاصفة .. دمــر .الحـب المعـتـق وانكفا


والصــقــيــع اللي تكـون عـارفه .. جـمـد .الاشواق في دم الصفا


ويـن رحـتـي ياصـدوق العـاطفة .. قلبـي.. قلبي.. بالمـواجع اكتفا


ويـن .. ياروحٍ.. معي.. متـوالفة .. ليه رحتـي في غيـاهيـب الجفا


يـوم .. كنـتـي بالمحــيا شـارفة .. الله اكبـر كيـف تعـطـيـن القفا


ياضلوعٍ .. بالصدر ..متـخـالفة .. اندهي بأسـمــه.. وقولي له افا


ليـه.. كنـك.. في عذابـي حالفة .. وليه جمر. الشوق يالطربة طفا


دمعتي .. بالعـين حارت واقـفة .. ماحـفـظـها غيـر مـرجـي الوفا


روح.. وحدة .. بيننا مـتناصفة .. وان تلاقن .. اتـحـد سـر الشفا


علها صدفـة .. تجي لـو طارفة .. واستـلـذ النـوم . ياحضن الدفا


(اللغز)


لغـزي جـمـعٍ ياجمـاعة واصفه .. الدواء عنده . وبإذن الله شفا


اولـه روحي . وقـلبـي . والفه .. واخره .. ياللاسف راح وجفا

:butt3: ملف صوتي هنا (http://www.rr1r.net/download18281.html):butt3:

:butt3: ملف صوتي (http://www.rr1r.net/download18284.html)للغز :butt3:

وسلامتكم:heart:

[badr2003]

صح لسانك ملايين
محاولة
مناحل
منى مدينة منى بالقرب من مكة
حل رحل وابتعد

[حمد؟؟]

صح لسانك والله ابوذيبان


ماشاء الله تبارك الله


معلومه قريت القصيده قبل الملف الصوت

وبعده انتبه للملف الصوت والحمد الله

وبعد الاستماع والاستمتاع عرفت اني قريته بشكل المطلوب


وهذا يدل على حرصك على توصيل الكلمه بالشكل المطلوب


وانت سالم ولاهنت على الابداع


والرمعه والله لسى مافكرت فيها

[قوافي ( أم نهار )]

وعليكم السلام ورحمة الله وبركاته
الله الله
صح لسانك ابو منصور ابيات مميزه ولغز طيب باذن الله
تحياتي وتقديري واحترامي

[ابوذيبان]

صح لسانك ملايين
محاولة
مناحل
منى مدينة منى بالقرب من مكة
حل رحل وابتعد


صح قلبك يالغالي . المبهر بدر ولاهنت

مازال يابعدي

وياهلاااااااااااا

[ابوذيبان]

صح لسانك والله ابوذيبان


ماشاء الله تبارك الله


معلومه قريت القصيده قبل الملف الصوت

وبعده انتبه للملف الصوت والحمد الله

وبعد الاستماع والاستمتاع عرفت اني قريته بشكل المطلوب


وهذا يدل على حرصك على توصيل الكلمه بالشكل المطلوب


وانت سالم ولاهنت على الابداع


والرمعه والله لسى مافكرت فيها

صح قلبك يالغالي . النابغة حمد ولاهنت

متعك الله بكل خير وسعادة . آمين

نجرب الصوتي . ونشوف

تمت اضافة رابط اللغز الصوتي

وحياك الله في كل وقت

وياهلاااااااا

[ابوذيبان]

وعليكم السلام ورحمة الله وبركاته
الله الله
صح لسانك ابو منصور ابيات مميزه ولغز طيب باذن الله
تحياتي وتقديري واحترامي

صح قلبك استاذتنا الجليلة . قوافي

التميز بما تقدمينة للخيمة واهلها والمنتدى بوجه عام

بارك في عمرك

تشرفنا بحضورك وياهلااااااااااااا

[حمد؟؟]

محاولة رمعه



صيدله مفرد صيدلي

الصيد هوايه

دله مدري كيف افسرها لاكن دله عن الحق او غوى عن الحق

[ابوذيبان]

هلابك ياحمدنا

لازال يابعدي

[badr2003]

ثانية يابو ذيبان
نوافل
نو مطر
افل رحل

[ابوذيبان]

هلابك يابدرنا

مازال يابعدي

[عليق بري]

صح لسانك يالشامخ
وسلمت على الشامخة ..



محاولة :

ابوال (الابل) : اب & وال ...

[الدمرجي]

صح لسانك شاعرنا المبدع ابوذيبان حي الله هالصوت مبدعنا

رمعه مظلعه

اسراب

الف
سراب

[ابوذيبان]

صح لسانك يالشامخ
وسلمت على الشامخة ..



محاولة :

ابوال (الابل) : اب & وال ...

صح قلبك يالغالي . عليق بري . ولاهنت

من يجالسكم . لازم يشمخ . لاعدمتكم

ابوال الابل . اسم مركب

واللغز يقول . الدواء عنده . اما ابوال الابل . هي الدواء كما في الحديث الشريف

انتظر القاتلة

[ابوذيبان]

صح لسانك شاعرنا المبدع ابوذيبان حي الله هالصوت مبدعنا

رمعه مظلعه

اسراب

الف
سراب

صح قلبك يالغالي . الدمرجي ولاهنت

الله يبقيك ويسلمك يالغلااااااااااااا

مازال يابعدي

وياهلاااااااااااااااا

[يمكن شاعر]

عليكم السلام
صح لساانك ملايييين يابومنصور
وصح منطوقك وكلك لاهنت ي غالي

[الدمرجي]

استلم يابومنصور هالرمعه على نغم فااااااااات الميعاد


حليب الخلفات

الخل
فات

[يمكن شاعر]

لاهنت ي غالي
محاوله مع النشاما
بلسمات (مسكنات)
بل= ابل روحك وقلبك والفه
مات= راح

[عدم الانحياز]

الله الله الله
صح لسانك ملايييييييين يالغلا
سلمت وسلم بوحك الاصيل
رائع وممتع
لي عوده ان امداني عليه
دمت متالقا سالما لمحبيك

[ابو ماجد 2]

صح لسانك يامنهل الابداع
مبدع بالنظم . مبدع بالالقاء
لله درك وصح لسانك ملايين
محاوله
حنظل
جمع والمفرد حنظله
حن . ورغم اجرامك بالالغاز الا ان قلبك حنون
ظل . غاب وصد
http://www.genistra.com/ar/wp-content/uploads/2011/10/%D8%AD%D9%86%D8%B8%D9%84.jpg



من أسرار نبات الحنظل العلاجية مساعدته في علاج مرض الجذام، والصمم، واليرقان .. وبعض النسوة في بعض القبائل يستخدمنه لاضفاء السواد على شعورهن، وتأخير ظهور الشيب!! .. ولكن للأسف نبات الحنظل السوداني وبكل خصائصه واسراره العلاجية التي يتميز بها، الا انه يعد احد اركان الثروة القومية النباتية المهملة والضائعة!!

[ابوذيبان]

عليكم السلام
صح لساانك ملايييين يابومنصور
وصح منطوقك وكلك لاهنت ي غالي

صح قلبك يالغالي . ابوفالح ولاهنت

متعك الله بكل سعادة . يارب

وياهلااااااااااااااا

[ابوذيبان]

لاهنت ي غالي
محاوله مع النشاما
بلسمات (مسكنات)
بل= ابل روحك وقلبك والفه
مات= راح


لاهان راسك يابعدي

اللغز عند الغالي . الدمرجي

هلاااااااااااااااااااا

[ابوذيبان]

الله الله الله
صح لسانك ملايييييييين يالغلا
سلمت وسلم بوحك الاصيل
رائع وممتع
لي عوده ان امداني عليه
دمت متالقا سالما لمحبيك


صح قلبك وكلك غالينا . عدم الانحياز ولاهنت

سلمك الله من كل شر .

والمتعة مرورك يابعدي

وياهلاااااااااااااااااا

[ابوذيبان]

صح لسانك يامنهل الابداع
مبدع بالنظم . مبدع بالالقاء
لله درك وصح لسانك ملايين
محاوله
حنظل
جمع والمفرد حنظله
حن . ورغم اجرامك بالالغاز الا ان قلبك حنون
ظل . غاب وصد
http://www.genistra.com/ar/wp-content/uploads/2011/10/%D8%AD%D9%86%D8%B8%D9%84.jpg



من أسرار نبات الحنظل العلاجية مساعدته في علاج مرض الجذام، والصمم، واليرقان .. وبعض النسوة في بعض القبائل يستخدمنه لاضفاء السواد على شعورهن، وتأخير ظهور الشيب!! .. ولكن للأسف نبات الحنظل السوداني وبكل خصائصه واسراره العلاجية التي يتميز بها، الا انه يعد احد اركان الثروة القومية النباتية المهملة والضائعة!!




صح قلبك يالقدوة ولاهنت

الابداع والامتاع مرورك ياعم

واللغز طار به الدمرجي

وياهلااااااااااااااااااااااااااااااااا

[ابوذيبان]

استلم يابومنصور هالرمعه على نغم فااااااااات الميعاد


حليب الخلفات

الخل
فات

كفووووووووووووووووووووووووو

ملاييييين يالمبدع ـ الدمرجي . وكفو

بيض الله وجهك

رمعة في الصميم . تبارك الله

نعم . خلفات

اللغز ..

لغـزي جـمـعٍ ياجمـاعة واصفه .. جمع . خلفات

الدواء عنده . وبإذن الله شفا ... عنده والادلة العلمية والشرعية عن العلاج بحليب وبول الابل هنااااااا (https://www.google.com.sa/search?q=%D9%81%D9%88%D8%A7%D8%A6%D8%AF+%D8%AD%D9% 84%D9%8A%D8%A8+%D9%88%D8%A8%D9%88%D9%84+%D8%A7%D9% 84%D8%A7%D8%A8%D9%84&oq=%D9%81%D9%88%D8%A7%D8%A6&aqs=chrome.1.69i57j69i59j0l4.7750j0j7&sourceid=chrome&ie=UTF-8)


اولـه روحي . وقـلبـي . والفه .. خل . الخليل او الخليلة

واخره .. ياللاسف راح وجفا .. فات راح وجفا .

http://www.vb.eqla3.com/attachment.php?attachmentid=277269&d=1164645036


انتهى ...

كفو ياغالينا . الدمرجي . كفووو

بيض الله وجهك

والف شكر لك ولكل من شرفنا

المحب

[قوافي ( أم نهار )]

ماشاء الله
صح لسانك اخي الفاضل ابو منصور
والشكر الجزيل للبادره الطيبه وطرح اللغز الاول على الساحة صوتيا ..
كفوكفو للفاضل الدمرجي
دمتم بحفظ الله
تحياتي وتقديري واحترامي

[يمكن شاعر]

صح لسانك ملاييين ي غالي
وكفوو مليون كفو يالدمرجي

[ابوذيبان]

ماشاء الله
صح لسانك اخي الفاضل ابو منصور
والشكر الجزيل للبادره الطيبه وطرح اللغز الاول على الساحة صوتيا ..
كفوكفو للفاضل الدمرجي
دمتم بحفظ الله
تحياتي وتقديري واحترامي

صح قلبك . استاذتي الكريمة . قوافي ولاهنتِ

العفو . مثل ماتفضلتي هي بادرة جديدة هنا . ولعلها تحث المبدعين . ويتحفوننا بالالغاز الصوتية

وتم طرح اللغز الثاني بالصوت . الان ( بعنوان . وين رامع انطلق يطرد قوام )

ويستاهل المبدع . الدمرجي . الكفوووووووووووووو

حياك الله وبارك في عمرك

العود ـ اخوك

[ابوذيبان]

صح لسانك ملاييين ي غالي
وكفوو مليون كفو يالدمرجي

صح قلبك يالغالي . بلى شاعر ولاهنت

ويستاهل الدمرجي الكفوووووووووووووووو

مرحبا بك وهلاااا

[الدمرجي]

كفوووك الطيب يابو منصور ووجهك ابيض ياغالي

صح بدنك ويعطيك العافيه ع اللغز المحبوك

دمت بووووود

[الدمرجي]

كفوووك الطيب يابوفالح ومشرفتنا قوافي لاهنتم