جيب ربع موديل 2003 منحه حكومية ومحتاج فزعتكم

[r alshahrani]

مساكم الله بالخيريا جماعة الخير ,, مثل ما هو مكتوب بالموضوع

انا اشتريت جيب ربع م (2003) بوليسي
والسيارة حكومية وممنوحه ومثل ما انتم عارفين السيارات اللي مثل كذا غالباً تكون مشلحه ومحتاجة شغل ,, والباين حالياً لي انها تحتاج
1- رش كامل لأن لونها أسود ومحتار بالرش بين ( الأبيض - والبني )
2- مرايات جانبية ومراية داخليه
3- مراتب داخلية أو تنجيد
4- اصطبات خلفية وافياشها واكباس امامية
5- غطاء ديركسون

والأن أبي مشورتكم وفزعتكم وين القى افضل تشليح تكون أسعاره مناسبه و يوفر الشغلات هذي كاملة
وبعد وش اللون الكويس اللي لو بغيت أبيع السيارة بيكون لونها مرغوب + نصايحكم

وشكرا لكم مقدما

ملاحظة بحاول أرفق صور واضحة للسيارة قريب أن شاء الله .

[كونجرس الشمال]

اول شي مبروك ماشريت الربع من 2006 وتحت الابيض عليه افضل كلون اما اسطبات ومرايات وقطع للربع فانصك تركب اصلي لو تشليح لانك باذن الله راح تنساها خاصتا الاصطبات تتغير من الشمس

[امير المشاعر]

اخوي مبروك ماجاك من الحكومه اذا انت في الرياض عليك بتشاليح حاير طب وتخير كل ماتبي بتحصله هناك
بالنسبة للون اذا هو بليسي من الاساس رشه ابيض لان الابيض هو البليسي والمتعارف عليه عند الناس

[ابوراكان تبوك]

مبروك ماشريت

اهم شي لون الداخليه
اذا كانت بيضاء رش ابيض
واذا كانت بيج رش بيج

حتى ماتضطر ترش الداخليه ايضا