مشكله بالكلتش

[الأحمدي الحرب]

السلام عليكم ورحمة الله وبركاته
يا اخوان فيه مشكله بالكلتش الدعسه تمسك بعد الدعس ولا ترتفع ومرات ترتفع ومرات لا
واذا طال المشور تعلق مره
جيب صالون 86 باكم كلتش
تم تغيير العلبه اللي فوق جديد ب 300 ريال و المشكله ما انحلت الله لايوفق الميكانيكي

[الوقيدي]

السلام عليكم أذا كان الدزق مكسره سبرنقاته يعمل كذا أو الهلال مشروخ يعمل كذا .

أنزل تحت السياره وأنظر الى حركه المسمار الخارج من علبه الكلتش التحتيه أو هزها وتعرف المشكله . والغالب من طقم الكلتش وتحكم بعزم السياره وهل فيها حنه ولكن لاتمشي السياره.
قد يكون في ماسوره الكلتش ثقب غير مشاهد ويعمل نفس المشكله .

[الأحمدي الحرب]

وعليكم السلام
اخوي العلبه اللي تحت يوم اعشق تتحرك يعني انها سليمه
والزيت ماينقص يعني الماصوره مافيها مشكله
وعشقة بالاول ودعست فرامل بدل البنزين السياره ما طفت
يعني الصحن سليم
اذا فيه شي غلط الرجاء تصحح لي
انا شاك بالباكم لانه يطلع صوت كانه باب حديد فيه ليات مشبوكه فيه مقطوعه شويه معقوله منها
وشكرا ،

[الوقيدي]

السلام عليكم : اذا كانت السياره خليجيه فالكلتش يكون له باكم وله ليات متصله به ومثل ماذكر له ليات متقطعه غيرها وتأكد من بدايه خروج اللي الذي يصل من الماكينه للباكم ففيه بلف يمده بالهواء ويمنع رجوعه للماكينه . تأكد من سلامه عمله بعد تغيير الليات ووضع قفيز عليها .

[اابو مياس]

اخوي الي اذكره ان السيارات القديمه مثل الشاص بالثمانينات الكلتش يرجعه سبرنق يمكن يكون عندك ماهو موجود

[الأحمدي الحرب]

السلام عليكم ورحمة الله وباركاته
تم تغيير الليات والقفيز والمشكله مستمره
السبرنق شيكت عليه موجود
ورحت للثنين قالو المشكله من الباكم
وانا حاب الغيه واخليه عادي بدون باكم قالو يجي بس لازم عليه جديده لان اللي عليه مخصصه للباكم فما ادري تزبط ولا لا
وشكرا لكم اخواني
وكل عام وانتم بخير