المساعد الشخصي الرقمي

مشاهدة النسخة كاملة : اللغـز جا لك يامناحي . صوتي 27.........الحل:مدين...حله:النبهاني


ابو ماجد 2
18/09/2016, 10:24 AM
بسم الله الرحمن الرحيم

السلام عليكم ورحمة الله وبركاته

لغز صباحي مسند لمناحي آمل ان ينال استحسانكم

اللغـز جا لك يامناحي . من راسٍ للغطوه صاحي . لغز خـفيف صبــاحي

ينحـــر به ربعٍ حشيمه

يـا مناحـي ديرة قـــدايم . ديـره وفيـها وســــايم . عن وصفها ماني صايم

من وصفي اسمه تليمه

وسط اسمها كانك تدري . فصيح قول فيها يسري . مع بلٍ يامناحي يطري

مايخفــى ناسٍ فهيمه

طــــــرّافهـا لو يروحن . اللي بقى لك يبـــوحن . ذكرى طفـلٍ لك يلوحن

واليــوم ماظنه عديمه

راس اسمها عنها صدهّ . تاتي لــه نــاسٍ محتده . نـــوب الشده زاده شده

ونوبٍ يطلع بالسليمه

ذيلٍ منـــــها لو يزالي . فـــي جــوفِه اول يلالـي . كـــلٍ يقـول والله غالي

وِلْـفوده ماندفع قيـمه

لو سطها عنـهـا يغيب . لادش بالطيِّب يعــيب . عقب المديح اصبح مخيب

فيه النتـــايج وخيمه

http://e.top4top.net/m_2618xal0.m4a (http://e.top4top.net/m_2618xal0.m4a)

مع تحيات ابو ماجد

منتديات مكشات . خيمة الالغاز
احمدالدمام
18/09/2016, 11:40 AM
عليكم السلام ورحمة الله وبركاته
وصح لسانك ملايين


العود افنونه متصله . حضوره يشهد في وصله . قلبه يحمل اجمل خصله

ابيض ونفسه كريمه

الغازه حلوه موزونه . واهل الخيمه يحبونه . متميز دايم بفنونه

وكاسب له قدر وقيمه
ابو ماجد 2
18/09/2016, 12:06 PM
عليكم السلام ورحمة الله وبركاته
وصح لسانك ملايين



العود افنونه متصله . حضوره يشهد في وصله . قلبه يحمل اجمل خصله

ابيض ونفسه كريمه

الغازه حلوه موزونه . واهل الخيمه يحبونه . متميز دايم بفنونه

وكاسب له قدر وقيمه



صح بدنك يالغالي

هـذا احمــــــــد الدمــام . الهمـام ابــــــن الهمـــام . لاجــا رده كالغــــــمام

ماطر يشمل كل الخيمه

يعجبني لاساق احروفه .من قناها جت مقطــــوفه . برحي من امه مخروفه

وبالحلاوه اعلى قيمه
مناحي العايد
18/09/2016, 05:48 PM
عليكم السلام ورحمة الله وبركاته
صح لسانك يابوماجد
ولاهنت على الاسناد طال عمرك
وجاري التفكير والتمحيص في اللغز الجزل
ابو ماجد 2
18/09/2016, 06:06 PM
عليكم السلام ورحمة الله وبركاته
صح لسانك يابوماجد
ولاهنت على الاسناد طال عمرك
وجاري التفكير والتمحيص في اللغز الجزل

هلا بالقادم بقوه
هلا بالداهيه
صح بدنك
ولو يسند لك معلقات ماكفاك نظير قدومك المبهر في التفاعل والترميع ماشاء الله عليك
وهنا ياتي الاسناد تقديرا لجهود وتميز المسند اليه وليس كما يحدث ببعض المنتديات القصد التحدي بالوصول للحل
شرفتنا يالغالي واللغز هو من ترتفع اسهمه باسناده اليك
تحيتي لك وتقديري
ابو ماجد 2
19/09/2016, 10:57 PM
وين انتم يالربع عن اللغز
هي ديره قديمه لم يعد مسماها القديم يارد
والوسايم اعني بهن الأثار
النبهاني
19/09/2016, 11:01 PM
وعليكم السلام والرحمه
صح لسانك تنيني واعتلا شانك
غالي ومسند على غالي
محاوله للتحريك
مدائن
وابي ابداء من الخامس
دائن. ياتيه المحتاج
مدا . مثل قولت الصدى ماله مدا
من . العطاء اذا دخله المن خرب
ابو ماجد 2
19/09/2016, 11:15 PM
وعليكم السلام والرحمه
صح لسانك تنيني واعتلا شانك
غالي ومسند على غالي
محاوله للتحريك
مدائن
وابي ابداء من الخامس
دائن. ياتيه المحتاج
مدا . مثل قولت الصدى ماله مدا
من . العطاء اذا دخله المن خرب


يابو جار الله
لو انا جنبك مطختك ياتنيني الدكتور
كفوووووو كفووووو كفوووووووو
نعم
مدين
الوسط دي وكانت حسب المعجم تقال للابل
بدون راس دين الله لايحدنا عليه
من دون الاطراف دي كانت تستخدم لتلعيب الطفل
من دون ذيل مدي حوض للماء يضعونه اصحاب المزارع لسقيا البهايم
من دون الوسط من من المنه واذا دش بالطيب كالصدقه افسدها
لله درك دكتورنا
والمعذره الكتابه من الجوال والتنسيق متعذر
ابو ماجد 2
19/09/2016, 11:22 PM
ماشاء الله عليك يابو جار الله مابين توضيحي وتحرير مشاركتك اقل من 4 دقايق وهذا يعني ان مرماعك اتى قبل ان تشاهد توضيحي
دكتوووووووور مايبي لها مفاصل لله درك
النبهاني
21/09/2016, 06:25 AM
بيض الله وجهك زعيمنا
والله ماقصرت رممت هالرمعه
كفوك الطيب يامنبع الطيب
الله يرحم الحال مير مادريت الا عقب مانبهتن