ام المصران والفياض المحميه انتبه

[ع الطيار]

السلام عليكم ورحمه الله وبركاته

قمنا برحلة الى الصمان يم ام المصران

كان الجو حلو جذا والفياض فيها ماء

بس يوم وقفنا للغداء وبديناء نجهز العدة
تعرضنا لمجموعه من الجيوب من جميع الاتجاهات قلنا وش السالفة ياجماعة عساخيرانشاءالله
قالو الفيضه من اليوم محمية قلنا مافيه مشكلة انتغداء ونمشي واسم الفيضة العمياء يمين الردميه الجديده بحوالي اربع كيلو
تترككم مع الصور
http://www.mekshat.com/pix/upload/images26/mk23740_hhhh.jpg

[salimasq]

سبحان الله
أخي هل كانت الجيوب تابعة لجهة رسمية
ياليت تحدد الجهة

[ع الطيار]

اسف ياشباب
الفيضة المحمية يسار الردمية يعني تجيك العمياء يمين هذي مسموح الجلوس فيها بس يجون يشقرون عليك لاتشب
لاتترك بقاياء في المكان

لكن العمياءالكبيره ممنوع تقرب اذا سبع جيوب متوزعة فيها شوي وفوق الضلوع يدربلون الله يستر

http://www.mekshat.com/pix/upload/images26/mk23740_hhhhhhhh.jpg

[فورد]

عفاك الله على الصوره

[شد حزامك]

احسنت على النقل والتنبيه

الله يستر

[عاشق البر]

نداء عاجل الى مقام سيدي خادم الحرمين الشريفين الملك عبدالله بن عبدالعزيز حفظه الله ورعاه بمنع الحمى في الاماكن الغير محمية من الدولة بجهاتها الرسمية ( مثل المحميات التابعة لحماية البيئة ) أو الفياض المحمية للمحافظة عليها من السيارات مثل روضة خريم وروضة التنهات ... حيث ان هذا الامر مزعج للغاية ويولد شعور بالطبقية وسوف يكون له اثار سلبية مؤكدة في المدى القريب والبعيد ...:no2:

وياليت الاخ اللي كتب المقال يزودنا بمعلومات اكبر عن الجهة التي قامت بحماية الروضة حتى يتم فضح كل من يقوم بمثل هذا العمل المخالف للعادات والتقاليد العربية الاصيلة ...

تحياتي للجميع

[ع الطيار]

salimasq

فورد

عاشق البر

اشكركم على المرور

وبا النسبه للسيارات الموجوده في الفيضة ليس لها ستكر

لكن اغلبها جيب ربع نيسان

ويوم سألنهم من الي حاميها قالوعبدالرحمن بن عبدالعززيز

ومتأسف على التأخير

[بردوق صندقان]

السلام عليكم ورحمة الله وبركاته
انا في يوم الجمعة الماضي كنت في فيضه اسمها الجازي جنوب غرب الصمان ويوم نزلنا نتمشى على رجلينا ولا ذاك البدوي بونيت ايسوزوا وقالنا مثل ماقال للغالي الشرنقة بس زودها وقال لاتجلسون ابد وانها لعبدالرحمن بن عبدالعزيز

[همر 3]

شكرا على المعلومه

[أبو سهيل]

لا حول ولا قوة إلا بالله العلي العظيم

الناس شركاء في ثلاث:

الماء والهواء والكلاء

إذا كان رأس الهرم حفظه الله ورعاة (أبو متعب) يكشت في روضة خريم وأطرافها مليئة بالكشاته ..

فلماذا يتسلط بعض خفافيش القصور على متنفس الناس في الصمان ويمنعوهم منها ؟؟

صدقوني هذا ما يرضي الله ولا رسوله ولا عامة خلقه !!

وأيضاً لو بلغ هذا الأمر للملك العادل (عبد الله) فلن يقره إطلاقاً ..

لكن مصيبة المصائب من المرتزقة أخويا الأمراء ومن في حكمهم الذين يسولون لهم الأمور على هواهم ..

فإلى الله المشتكى !!

حسبنا الله ونعم الوكيل ...

[راعي المستوي]

لكن مصيبة المصائب من المرتزقة أخويا الأمراء ومن في حكمهم الذين يسولون لهم الأمور على هواهم ..
فإلى الله المشتكى !!


حسبنا الله ونعم الوكيل ...
فعلا فهم السبب وليس الامراء
وقد حصل لنا مثل هذا الموقف كثيرا في اعوام سابقة واغلبهم مثل ما قلت مرتزقة يستغلون رفقة الامير لمصالحهم

[القناص 2008]

الله يعطيك الف عافيه يا شيخ على التنبيه والله مرتب لها طلعه بكره انشاء الله

[عاشق البران99]

إلى الله المشتكى ،،،

حسبنا الله ونعم الوكيل ،،،

[مشغول]

يا خوان الصمان كبير والفياض واجد والربيع في كل مكان والحمد لله على كل حال

[قرناس الخبر]

جزاك الله خير على التنبيه....

[دغيم]

السلام عليكم

الحمد لله على السلامه ورحلة موفقه

يعطيك العافية أخوي على التنبيه
تحياتي دغيم

[أبوزيد]

نعوذ بالله من التسلط

[د.حكم]

لا حول ولا قوة إلا بالله..





.

[سهيل واحد]

الله يعطيكم العافية ..


اللي زي هذولا ما ينفع لهم الا طريقه وحدة .. لانهم يخافون لكنهم ما يستحون ............ علشان ينفضحون ..
وقد سوينا هالطريقه من كم سنه .. .. بشرط ان الفيضة ما يصير فيها مخيم عائلي (يعني ما فيه حريم) ..و الجيوب الحامية للفيضه ما تكون جيوب رسميه (ظاهرياً)والطريقة كالاتي :

أطلعوا مجموعة شباب (كل ما كثرتوا كل ما كان المطلوب اهم شي يكون لكم مدير او امير للرحله) بسياراتكم و تجهيزاتكم و سلاحكم (لازم سلاح مرخص) و اختاروا ازين موقع بالفيضة و انزلوا و طقوا خيامكم و اذا جوكم راعين الجيوب و قالوا ارحلوا قولوا لهم و ين اوراقكم الرسمية ان الفيضة محمية .. واذا ما معهم اوراق رسمية مختمة من امارة المنطقة اللي انتم فيها .. لا ترحلون .. و ان شافوكم صاملين على كلمتكم .. وما كانوا من طرف عبدالرحمن او عبد العزيز او زعيط او معيط فهم يبون يتقلعون بقريح و ابو زنه .. اهم شي اصملوا على كلمتكم و المدير (أمير الكشتة هو اللي يتكلم و ما احد منكم يتعدا كلمته - لكن لازم امير الكشته يصير تكانه و يكون حكيم و صاحب حجه)

و اما أقول إلا " حسبي الله و نعم الوكيل"

ما يكفيهم اراضي المدن يبون بعد يحمون اراضي البران لا و آآآآآآآآه يا قهري ماهي اي اراضي .. "الصمــــــــــــــــان"


و الســـــــــــلام ختـــــــــــــــــــــــــام


سهيــــــــــــــل واحـــــــــــــــــد
"و الواحد الله سبحانه"
،،،،،،،،،،،،،،،،،،،

[عاشق البران99]

العام الماضي أيام ربيع الحصبيات تذكرونه طبعاً ،،،

لو كانت الحصبيات بالقرب من طريق مزفلت لما تمكن أطلق شنب من دخول أحد فياضها وكان شفتو الدوريات سرداد مرداد وطرد في خلق الله ، لكن الحمد لله ان ماكان هناك مزفلت ،،،

واللبيب بالإشارة يفهم ،،،

[ابوالوليد 1429]

شر البلية ....
إنا لله وانا اليه راجعون لاحول ولا قوة الى بالله

[أبوناصر]

والله مصيبة حتى البر والخلا الخالي ما نقدر ناخذ راحتنا فيه


الله يفرج ها الهم

[عاشق البر]

دعوة للمشرفين الاعزاء لثبيت الموضوع وذلك لايصال صوت المواطن الى المسئولين ...


والله يحفظكم ويرعاكم