المساعد الشخصي الرقمي

مشاهدة النسخة كاملة : مشكلة في فرامل اكسبلورر 2010


Al7beep
19/09/2016, 02:29 PM
السلام عليكم ورحمة الله وبركاته

عندي مشكلة في سيارتي الاكسبلورر موديل 2010 في الفرامل وهي ان مرات لما ادعس على دواسة الفرامل الدعسة تروح معي زيادة وباليالله تمسك ويوقف الموتر اقوم امشي على الموتر لين سرعة 40 او 60 وامسك فرامل بقوة ترجع بعدها الفرامل طبيعية فترة وثم ترجع نفس المشكلة

باختصار المشكلة هي: دعسة الفرامل تروح للاخر والفرامل تصير ماهي عملية ولا توقف الموتر بسرعة

التشيكات المبدئية اللي سويتها:
مافيه تهريب زيت لله الحمد من ناحية الكفرات
الفحمات والقماشات كويسة "نص عمر"
زيت الفرامل مابه نقص
الباكم مابه تنسيم او تهريب زيت واضح

افيدونا ياهل الخبرة بارك الله فيكم
hassan-55
21/09/2016, 02:43 AM
وعليكم السلام ورحمة الله

المشكله والله اعلم وعن تجارب مريت بها من ( علبة الفرامل ) وسببت لي مشاكل ، كم مره وانا واقف اصدم اللي وراي بسببها

اذا انت واقف مثلاً عند اشاره وداعس ع الفرامل فجأه تروح للاخر وما تمسك الفرامل ، معناه من العلبه

مر عند محلات الباكمات المستخدمه (التشليح) وهم يختبرونها ويعلمونك واذا تبي ترتاح خذ جديد افضل
SGL
22/09/2016, 12:24 AM
وعليكم السلام ورحمة الله وبركاته
كلام أخوي حسن صحيح هذي حركات العلبة
بس أبيك تجرب حركة قبل المخاسير أبيك تسوي تنسيم للفرامل وتبدء بالتنسيم الكفر الخلفي يمين وبعده الأمامي يسار وبعده خلفي يسار وبعده أمامي يمين وتزيده زيت جديد أصلي 21 أبو 7ريال صناعة أمريكي وإن شاء تضبط
YUKON_GMC
22/09/2016, 07:23 AM
احتمال كبير ان تكون المشكله من حاساست مانع الانزلاق abs

هل مولعه لمبات بالطبلون شيء ..
Al7beep
24/09/2016, 07:20 PM
برك الله فيكم جميع فعلًا كشفت على الموتر في اكثر من ورشه واكثر من مكانيكي وجميعهم بعد الفحص اجمعوا على ان العطل في علبة الزيت للفرامل

وبالنسبه لتنسيم خوفوني كلهم قالولوي ممكن بعد التنسيم ماعاد يمسك ابد وتخرب العلبه واستخرت عن التنسيم دام الموتر يمشي الحال ونواي اغير العلبه بوحده جديده

سعر العلبه اصلي عند التقوى ظ¤ظ¥ظ× ريال
وشغل اليد ظ،ظ£ظ× ريال

بارك الله فيكم
hassan-55
24/09/2016, 08:28 PM
الله ييسر امرك فعلاً العلبه غااااليه انا كلفتني 950 ريال سعر القطعة فقط
المشكله في عطل العلبه هي الربلات ( اصلاح )
وانا محتفظ بالقديمه اذا حصلت اصلاح لها بأنظفها واغير ربلاتها

ومن ضن أسباب عطل الربلات هو الاستخدام السيء للفرامل وأيضاً من الأسباب الاوساخ و تغيير زيت غير اصلي

بالبداية ابحث عن اصلاح العلبه عشان توفر قيمة العلبه كامله

http://www.mekshat.com/pix/upload05/images253/mk242607_hassan.jpg