المكيف يفصل إذا وقفت السيارة - Corolla 2010

[LordStannis]

السلام عليكم

وانا امشي بالسيارة يكون الهواء بارد لكن اذا وقفت يتحول الهواء عادي لا بارد ولا حار كأني مطفي زر الـ A/C


في الصناعية يقولون غير كمبرسر بـ +900 وضمان 3 أيام :mad:



عادي اصبر شوي في الليل وفي اوقات الجو يكون فيها كويس لكن الظهر ووقت الحر وانا مروح من الجامعة ما يبرد, اذا مافي حل بغير الكمبرسر والله يعين


أحد عنده خبرة بذا الموضوع ؟

[ناصح]

وعليكم السلام ورحمة الله وبركاته

طيب وانت واقف خلك داعس على البنزين شوي

وشف هو يبرد ولا لا ..؟

بعدها نقدر نعرف وش المشكلة

[SGL]

والله يالكربرسر أم حساس هذي أشغلتنا وشغلت الناس معها الله يكون في عونك أخوي مشكلتك مشكلة شعب كامل كوامري-كوروï»»ت-يارس-الهونداي-الكيا ومواتر كثيره شيك على السريع نظره على المراوح شفها تشتغل زين وشوف طريقة أخوي ناصح وردلنا خبر

[YUKON_GMC]

مثل ماقال لك الاخ ناصح .. وانت واقف دوس بنزين لمدة دقيقتين خل الضغط على 2 ونص وشوف يبرد والا لا

لو مابرد مشكلتك حراره .. اما المروحه متعطله او ضعيفه او الاديتر حق المكيف مسدود ويحتاج تنظيف

[LordStannis]

وعليكم السلام ورحمة الله وبركاته

طيب وانت واقف خلك داعس على البنزين شوي

وشف هو يبرد ولا لا ..؟

بعدها نقدر نعرف وش المشكلة

ايوا بالظبط اذا دعست بنزين والسيارة واقفة يرجع يبرد لمدة دقايق ومن ثم يرجع هواء عادي, وصوت الكمبرسر ما يفصل اذا سويت الحركة ذي حتى يرجع هواء عادي ويقل الصوت

[LordStannis]

والله يالكربرسر أم حساس هذي أشغلتنا وشغلت الناس معها الله يكون في عونك أخوي مشكلتك مشكلة شعب كامل كوامري-كوروï»»ت-يارس-الهونداي-الكيا ومواتر كثيره شيك على السريع نظره على المراوح شفها تشتغل زين وشوف طريقة أخوي ناصح وردلنا خبر

المروحة شغالة


مثل ماقال لك الاخ ناصح .. وانت واقف دوس بنزين لمدة دقيقتين خل الضغط على 2 ونص وشوف يبرد والا لا

لو مابرد مشكلتك حراره .. اما المروحه متعطله او ضعيفه او الاديتر حق المكيف مسدود ويحتاج تنظيف

نعم يبرد اذا دعست بنزين والسيارة واقفة

[ناصح]

طيب هنا قد يكون المشكلة في
1 دوران المحرك منخفض ويحتاج رفع قليل
أو
2 الحساس يحتاج صيانة

[LordStannis]

طيب هنا قد يكون المشكلة في
1 دوران المحرك منخفض ويحتاج رفع قليل
أو
2 الحساس يحتاج صيانة

الحساس وين مكانه بالضبط وممكن صورة له ؟

واذا خربان الحساس لازم يتغير الكمبرسر كامل ؟ ولا اقدر اخذه منفصل وبكم سعره

معليش على كثرة الأسئلة

شكرا لك اخوي

[YUKON_GMC]

دام يبرد ويفصل بسرعه احتمال . الفريون ناقص او الفريون يحتر بسبب الاديتر ..

جيب مويه ورش على الاديتر على الشبك الامامي والمكيف شغال والسياره واقفه اذا مافصل معناته الاديتر حق الفريون بالشبك ..

اذا مانفع اما فريون ناقص او الكمبرسر ضعيف يحتاج كلتشات

[hossain210]

(((((ما ادري اذا الآخوان قصدهم هذا الحساس ولا شي ثاني))))))
الحساس هوا بلف يجي في نفس الكمبروسر
غالبا ماتحصل جديد
روح عند اي كهربائي عنده كمبروسر كورولا نفس حقك
ويبدله ولازم تعبي فريون من جديد

[LordStannis]

دام يبرد ويفصل بسرعه احتمال . الفريون ناقص او الفريون يحتر بسبب الاديتر ..

جيب مويه ورش على الاديتر على الشبك الامامي والمكيف شغال والسياره واقفه اذا مافصل معناته الاديتر حق الفريون بالشبك ..

اذا مانفع اما فريون ناقص او الكمبرسر ضعيف يحتاج كلتشات

الفريون فضيته وجلست اسبوع وعبيته واحد جديد قبل 5 شهور من الصناعية ب 100 ريال والمشكلة نفسها عاده يفصل من وقت ما غيرته, يعني ما اعتقد من الفريون.

وعن الرديتر بجرب ان شاء الله

[بامالك]

اذا فصل عليك الكمبريسور وماعاد يبرد ، خذ عصاية واضربه ( لا تكسره ) اذا شبك واشتغل معناه عندك الكلتش داخل الكمبريسور يحتاج ( خـــرط ) ، يكلفك مع الفريون 350 - 400 ريال
واذا الكمبريسور حقك نظام ( بلف او حساس ) هذا يتغير ، خلي الكهربائي يفكه لك وجيب زيه من محلات قطع الغيار الامريكي او محلات التبريد ( اللي يبيعون قطع الغيار حق المكيفات بشكل عام ) وربي يوفقك .

[بلحارث]

لازم تفرق بين شيئين الاول وهو انك متاكد ان الكمبروسور يفصل يعني يتوقف تماما تقدر تعرف ذلك بالنظر الى الكلتش الخاص به والسيارة واقفه والشي الثاني ان هناك ضعف في التبريد عند الوقوف وكانه مفصول بس هو في الحقيقة مشبوك وهنا تاكد تماما من المراوح وانها بسرعة كافية لتبريد الرديتر الخاص بالمكيف

[ابوراكان تبوك]

نظام كمبروسرالكورلاء ضغط واحتمال كبير جدا الحساس خربان

[أبو مناحي 1]

السلام عليكم اخوي قبل ماتغير الكمبروسر راجع موضوعي لن صارت لي نفس المشكلة لن احتمال كبير تكون مشكلتك من بلف الكمبروسر:
http://www.mekshat.com/vb/showthread.php?716394-%C7%E1%DF%E3%C8%D1%E6%D3%D1-%CE%D1%C8%C7%E4-(-%E1%C7-%CA%DB%ED%D1-)