صرفية البنزين الزائدة باثفاندر 3.3

[فارس شمال]

السلام عليكم ورحمة الله

اخواني حبيت شوركم في الباثفاندر

عندي باثفاندر 2001 في مشكله في زياده صرف البنزين وبالتالي يخرب البواجي وكربون عالي جدا وعزم ضعيف جدا

المهم اني بديت باصلاح المشكله .. غيرت طرمبه بنزين مع صفايه وكانت تعبانه شوي وتحسنت السياره شوي لاكن استمر الكربون والصرف
غيرت له ديلكو .. كان اول اقصى سرعه له 130 وبعدها مايجاوب
وتحسنت السياره جربتها وصلت 160 لاكن عزم القومه ضعيف جدا .. غيرت لها بواجي واسلاك بواجي ونفس الموضوع تصفى السياره فتره 3 او 4 الاف كيلو وترجع ثاني تقطع على الدعسه الاولى
غيرت لها حساس الهواء ونفس المشكله
غيرت لها دسك وكلتش ولاتحسن شي
قلت خلني اغير بخاخاتها .. طلع سعر البخاخ الواحد 320 ريال فهونت عن الفكره ..
طبعا والمكينه شغاله اذا وقفت عندها اشم ريحه بنزين قوية وكربون .
الشكمان اذا دعست عليه بقوه يطلع شوي دخان اسود .


الان وين احصل المشكله الان اصبحت السياره اذا دخلت فيها منطقه رمليه ماتشيل نفسها على الرمل توقف مكانها مافي عزم قوي
+ودي افحص الموتر فحص دوري ومع هالكربون العالي جدا ماتوقع انها بتنجح

هل المشكله تكون ان البخاخات متوسعه ؟
او هل دبات البئية لها دور ؟
بعض الميكانيكيه يقولي هذي خلل بالمكينه مالها حل .
طبعا تستهلك زيت احصله بالفلتر اسود والزيت يحترق اسود بعد 3000 كيلو واحصله ناقص علبه تقريبا .

لكم التحية

[فارس شمال]

الي عنده خبرة يفزع لنا

[SGL]

الي عنده خبرة يفزع لنا

أخوي فارس شمال أبعطيك بعض المعلومات وأبيك تسويها كلها مره وحده
1-إذا موترك فيه حساسات شكمان بالقزوز أو بنفس الشكمان فكها ونظفها زين ببخاخ إكترونيات
2-شيك على خرطوش الموصل بين البوابة وقربة الفلتر تأكد إنه مافيه تنسيم مثل قطع أو خرم أو قفايزه منحله وتحتاج شد
3-فلتر الهوا تأكد إنه لنفس موترك برقم الهيكل وإنه نظيف ماهو متسدد من الزيت والغبار مع التأكد من قربة الفلتر إنها سليمه ومافيها تنسيم
4-شيك على بلف التبخير وتأكد إنه شغال تمام
5-البواجي تأكد إنها لنفس الموتر والمكينة بعض المحلات أعرفهم زين وأعرف حركاتهم تقوله باترول يعطيك قطع ددسن تقوله باثفندر يعطيك قطع صني تقوله مكسيما يعطيك قطع باص وهو صحيح تركب بس بعضها ماتعطيك النتيجه المطلوبه يعني يخسرك ويدخلك بدوامه وهو مبسوط

[ateeq7]

جرب تنظيف الانجكترات عند محل مختص
و هل فحصة كومبيوتر ام لا

[فارس شمال]

أخوي فارس شمال أبعطيك بعض المعلومات وأبيك تسويها كلها مره وحده
1-إذا موترك فيه حساسات شكمان بالقزوز أو بنفس الشكمان فكها ونظفها زين ببخاخ إكترونيات
2-شيك على خرطوش الموصل بين البوابة وقربة الفلتر تأكد إنه مافيه تنسيم مثل قطع أو خرم أو قفايزه منحله وتحتاج شد
3-فلتر الهوا تأكد إنه لنفس موترك برقم الهيكل وإنه نظيف ماهو متسدد من الزيت والغبار مع التأكد من قربة الفلتر إنها سليمه ومافيها تنسيم
4-شيك على بلف التبخير وتأكد إنه شغال تمام
5-البواجي تأكد إنها لنفس الموتر والمكينة بعض المحلات أعرفهم زين وأعرف حركاتهم تقوله باترول يعطيك قطع ددسن تقوله باثفندر يعطيك قطع صني تقوله مكسيما يعطيك قطع باص وهو صحيح تركب بس بعضها ماتعطيك النتيجه المطلوبه يعني يخسرك ويدخلك بدوامه وهو مبسوط
1 راح اسويها واحاول انظف دبات البيئة باذن الله
2الخراطيش مشيك عليها وعلى الليات لان ماني متاكد اذا فيه شي مخفي ولا انتبهت له
3-فلتر الهواء مشكلته مشكله معي السياره فيها تبخير للزيت كل 5 الاف كيلو افك الفلتر احصله معدوم + مشكلة فتحه الهواء جايه تحت فاي تراب او غبار او ماء يدخل بسرعه شكلي بحاول اغير مجرى الهواء للاعلى مدري احاول اسويله توليف
4- ما ادري كيف أعرف ان بلف التبخير سليم او لا .. لاكن كما ذكرت فلتر الهواء احصله معدوم زيت كل 5 الاف كيلو
5 - البواجي تتاثر بسبب الكربون الزائد اذا غيرتهم صفت السياره لاكن بعد 5 الاف كيلو افكها احصلها مندمره ..

شي اخر .. الزيت مايمشي اكثر من 2500 كيلو اذا نزلته كاني ماشي عليه 10 الاف محترق واسود

[SGL]

شف إذا البواجي يوصلها الزيت ماراح تشتغل بشكل المطلوب وبكذا البنزين مايحترق عشان البواجي ماتعطي شرارة قوية ويكون هذا سبب عوكسة موترك ووضعه مختبص
بخصوص طريقة فحص البلف طريقتي فيه بدائيه من مبطي وللحين:D
وهي أفك البلف وغسله ونظفه زين بعدها تروح للمنطقه اللي يركب فيها الهوز في البلف وأنفخ بفمي ضروري يوم تنفخ هواء يكتم يقفل وبعدين أجرب أشفط هواء ضروري يوم تشفط يفتح معك يعني إذا نفخت يقفل وإذا تشفط يفتح أما إذا نفخت وماقفل هذا خربان أو سحبت هواء وقفل هذا خربان
بخصوص الزيت يسود هذا طبيعي جدآ بسبب الكربون الزايد

[فارس شمال]

شف إذا البواجي يوصلها الزيت ماراح تشتغل بشكل المطلوب وبكذا البنزين مايحترق عشان البواجي ماتعطي شرارة قوية ويكون هذا سبب عوكسة موترك ووضعه مختبص
بخصوص طريقة فحص البلف طريقتي فيه بدائيه من مبطي وللحين:D
وهي أفك البلف وغسله ونظفه زين بعدها تروح للمنطقه اللي يركب فيها الهوز في البلف وأنفخ بفمي ضروري يوم تنفخ هواء يكتم يقفل وبعدين أجرب أشفط هواء ضروري يوم تشفط يفتح معك يعني إذا نفخت يقفل وإذا تشفط يفتح أما إذا نفخت وماقفل هذا خربان أو سحبت هواء وقفل هذا خربان
بخصوص الزيت يسود هذا طبيعي جدآ بسبب الكربون الزايد

الله يجزاك خير ويكتب اجرك

الحمدلله مافيه زيت على البواجي الزيت احصله بالفلتر فقط

وتصرف السياره حول علبه لكل 1700 كيلو
واظطر اغير الزيت كل 3 الاف لانه يكون معدوم

شي ثاني اتوقع سبب احتراق الزيت ان الشراره ماتتوصل زين ويسبب حراره للموتر توصل لنص اذا عديت 120 في الضهر او اذا طحت بزحمه ماتعدي النص .. وبعد وزن الديلكو تخفيض الشرارة ركد الموتر وماعاد يناتع مع الغيارت بس عزمه صار 2 سلندر واستمر الكربون جربته صارت حرارته ترتفع على 150 او 160 لانكن ان نزلت السرعه 120 صارت الحراره علىC

[SGL]

الديلكو له تأثير في الحرارة وبصرفية البنزين وحتراق البنزين حاول تصفي الموتر وتوزن الديلكو بالمسدس عشان يضبط معك الوزن

[اابو مياس]

السلام عليكم اخوي اذا فاك بلف الحراره رجعه اما بالنسبه لفلتر الهواء اذا منتهي معناته دخول هواء اكثر للمحرك بالتالي يحتاج بنزين اكثر للتشغيل مما يودي للكربنه والدخان الاسود برضو اذا حساسات الشكمان مو نضيفه معناته صرفيه زياده للبنزين فكهن ونضفهن اذا موجودات

[آخر العنقود]

مشكلتك من البواجي والزيت اللي يوصل للبواجي ويعتبر الزيت مشكله للبواجي بالمكينه لأن السياره تحتاج اقوى شراره عشان تحافظ على نشاط السياره بسبب الزيت تضعف الشراره وانت تعوض النقص بزيادة الدعس على البنزين عشان كذا انت تشتكي من صرفية البنزين وتلاحظ هالشي بالكربون وريحة البنزين مع الشكمان الحل معالجة مشكلة نقص الزيت سواء توضيب او شنبر او تغيير مكينه وبيضبط الموتر معك لا تخسر عمرك بتبديل اشياء مالها علاقه بالمشكله مشكلتك بالزيت اللي عالبواجي بس.

[فارس شمال]

الله يسعدك ويعطيك العافية ... ابشرك البواجي مابها زيت بس كربون

الجديد الي حصل الان صارت تطلع دخان ابيض خفيف عند تشغيل السيارة وهي بارده فقط هذا لاحضته من يومين بس واتوقع ان جلد البلوف من كثر الصرقعةوالتقطيع خربت ..

الديلكو وزنته يمكن 10 مرات مشكلتي بس ان البنزين يكب زياده ولا عرفت السبب مع اني غيرت كل شي متصل فيه

ايضا مشكلة التفتفه تروح وتجي والعزم ايضا مرات تمشي زين ومرات خلاص مابها حيل ابد يعني مو مستمرة وبالسرعات المنخفضه فقط وانا ماشي بعد 40 صافي الموتر .. الصرفية لاحضتها اذا امشي 120 وفوق الربع تانكي يستهل حوالي 18 لتر تقريبا بمسافه 70 كيلو يعني التانكي ان وصل 300 او 320 كيلو فهو ماصرف

ابشوف بلف الحراره وحساسات الشكمان واغير بواجي ثاني مره ونشوف وش يصير

[سفاري سوبر]

ان كنت في الرياض انصحك بورشة الثنيان متخصص في سيارتك وان كنت بعيد اخذ رقمه واستشيره

[فارس شمال]

بالعكس .. وديته لاكن مالقيت رد شافي

لاكن بدخل الموتر عنده باذن الله نشوف له حل

[فياض الربيع]

العزم للباثفاندر 2001 ضعيف جدا معي واحد مامشى الا 85 الف كلم
يعتبر مخزن وعزمه ضعيف جدا ومافيه دخان وصافي بس العزم ضعيف جدا

[فارس شمال]

العزم للباثفاندر 2001 ضعيف جدا معي واحد مامشى الا 85 الف كلم
يعتبر مخزن وعزمه ضعيف جدا ومافيه دخان وصافي بس العزم ضعيف جدا

مشكلة العزم غير فلتر بنزين وغير بواجي واسلاك بواجي
باذن الله بيضبط معك

ان ماضبط كان موتري مايعدي 140 جبت له ديلكو مستخدم ياباني ب300 ريال وغيرته وصار يمشي 170,
ان ماظبط غيرله طرمبة بنزين قيمتها 400 بس اتوقع مشكلتك بفلتر البنزين حقه 50 ريال

[فارس شمال]

موتري انا الحين بعد وزن الديلكو التانكي يجيب 450 بس استمرت مشكلة التقطيع وزادت صرفية الزيت بدون دخان يذكر فقط اشوف دخان يطلع من غطا الزيت
البواجي فكيتهم جدا نظيفة لازيت ولاشي
مشكلة التقطيع تروح وتجي موب مستمرة احيان اشغل الموتر احصله صافي واحيان الموتر يتنافض من التقطيع فقط في السرعات المنخفضة. مشكلة التقطيع بدت بعد تغيير سير التايمن