تاهو 2014 بلف رقم 4 لايعمل

[أبوعبدالله895]

السلام عليكم

عندي تاهو 2014 حصل معي التالي :

كنت على سفر وعند الدخول للرياض سمعت صوت طقة قوية في المكينة مع ثقل وخرشة ورجة في المكينة وأشتغلت لمبة المكينة والإنزلاق في الطبلون . وصوت فرقعة قوية وغير منتظمة في المكينة ،،تقريباً عند الدعس تطلع الفرقعة غير عن الطقطقة .

تم فحص بالكمبيوتر وتبين التالي : البلف رقم 4 لايعمل وأفادو جميع الورش أنه لازم فك رأس المكينة وتغيير التكايات مع البلوف وأن البلف رقم 4 معلق ويجب تغييره .

تم تغيير الزيت والسيفون من الوكالة وأرتفع أمبير ظغط الزيت الى النصف .
تم تنظيف شخال الكارتير مع تغيير الجلبة علماً أنها كانت نظيفة .

أحد الورش عمل محاولة بجهاز الكمبيوتر على إطفاء البلف وتشغيله باالكمبيوتر لعل على كلامه أن يتم فتح التكاية وتعمل بصورة طبيعية ،،، وملاحظتي أنه اذا عمل تشغيل للبلف يتم إختفاء صوت الطقطقة في السيارة وترجع طبيعي بدون أي صوت أو رجه .

أرجوا اذا كان أحد من الاخوة سبق وغير البلف الذي لايعمل بدون فك رأس المكينة ،،، أو إذا كان هناك حل آخر .

نرجوا تزودنا برقم الورشة أو فني يستطيع الحل في الرياض .

[YUKON_GMC]

ياستار .. 2014 وده للوكاله على الضمان ماله سنيتن جديد وهذا خلل فني .. الناس عندهم 98 ولافكت المكينه وشغال زي الساعه وهذا 2014 وصوت وخربشه وبلاوي ..

الوكاله تزينه يالغالي او الصاله اللي اشتريته منها عليه ضمان خمس سنوات من وكالته

[أبوعبدالله895]

المشكلة ماشي 157 ألف والعيب مني مهمل الصيانات في الوكالة .

[اابو مياس]

السلام عليكم اخونا الفاضل تاهو من 2013 وفوق الزيت تبعه دوكس شفه علئ غطا الماكينه يعني زيت تخليقي افضل من الزيوت العاديه من ناحيه لزوجته وقله احتكاك وتوفير وقود ويقطع مسافات طويله حوالي عشر الاف شف زيت اسي ديلكو 5/30 لازم دوكس والا بترومين A1 5/30

[آخر العنقود]

افحص ضغط كل بستم اذا صار واحد او اكثر من البساتم ما يمسك هواء اعرف ان سبرنق البلف مكسور ولازم تفك غطا الراس اللي فيه البلف اللي ما يمسك هواء وتبدل السبرنق المكسور وما يحتاج تفك الراس الفاهم يرفع البستم للنهايه ويدخل اداة خاصه مع فتحة البوجي بحيث ان البلف ما يطيح اذا كبسه داخل عشان يفك قفول البلف صارت على سابقاً نفس الحركه وعندي خبره بهالأمور رحت لم ورشة وقلت شف لي ضغط البساتم وحدد لي البستم اللي ما يمسك هواء وخذيت السياره لورشة واحد اعرفه وفك غطا البلوف وحصل السبرنق مكسور وبدلت السبرنق وانحلت المشكله هالمشكله مشهوره بالشفر وبعدين ما فيه شي اسمه يطفي البلف ويرجع يشغله هذا يستهبل عليك البلف شغال بحكم ارتباطه بعمود التيمن اذا صار خلل بالتكايات او البخاخات او البلوف او البستم يقطع الكهرب عن البستم اللي فيه الخلل عشان ما يسبب خلل اكثر بالمكينه وكلفتني 700 ريال هالكلام في حالة ان البلف ما نزل وقت طلعة البستم وضرب البلف وانطعج البلف من البستم بهالحاله لازم تفك الراس عشان يصلح بالمخرطه ويشيك على عمود الكرنك لا يكون تضررت السبايك الثابته ما ابي اضيق صدرك لكن هالخلل مصيبه بالتاهو من موديل 2007 وطالع.

[Abo_fares]

لا تفحص حساس ولا شي

هذا من الطرمبه و ال صبابات
حركة مكاين GM اللي فيه توفير الوقود

[Abo_fares]

اضافه على السريع

من باب تجربه طويله

ركب طرمبة كابريس 6 لتر اذا بتبدل طرمبه

واستخدم زيت. شل هايلكس 5-40 فل ستانتتك

[MSAN]

غالبا 90% سبرنق مكسور


افحصه بفك غطا البلوف يبان معك كل شي بجون ما تفك الراس


ماتحتاج فك راس الا اذا بتغير تكاية


بالتوفيق

[أبو_الوليد]

لا تهملها لانها بتدخلك في امور انت في غنى عنها