سوبربان 2000 [الأرشيف] - منتديات مكشات

زياد علي

23/09/2016, 10:48 PM

سلام عليكم ورحمة الله وبركاته

عندي جمس 2000 ابلشني في اصبع البطارية السالب احصله حار وايضا السلك اللي راكب في دينمو ايضا حار وماتقدر تمسكه يعني شوي ويميع حتى السيارة ماتشتغل الايدوب بشتراك ولادري ماسبب ارجو الافادة

م س س

24/09/2016, 12:22 AM

وعليكم السلام
غير البطارية من سيارة أخرى وجرب وتأكد من السلاك انها مشدود والسلك اللي مربوط من البطارية الموجب إلى الدنمو والسلك الموجب مشبوك في السلف تأكد أنه مربوط وكذلك اسلاك البواجي هل هي راكبه صح .
فيه سلك يسمونه سلك التفريغ راكب جنب الباكم ومربوط خلف المكينه لونه فضي كأنه خيوط هل هو كذلك حار ؟

زياد علي

24/09/2016, 01:42 AM

وعليكم السلام
غير البطارية من سيارة أخرى وجرب وتأكد من السلاك انها مشدود والسلك اللي مربوط من البطارية الموجب إلى الدنمو والسلك الموجب مشبوك في السلف تأكد أنه مربوط وكذلك اسلاك البواجي هل هي راكبه صح .
فيه سلك يسمونه سلك التفريغ راكب جنب الباكم ومربوط خلف المكينه لونه فضي كأنه خيوط هل هو كذلك حار ؟
الله يجزاك خير بالرد
جميع الاسلاك لمستها اللي حارة فقط سلك دينمو شوي ويذوب+سلك ماس البطارية والبطارية جديدة ومايشتغل الابشتراك وعداد ظغط كهرباء الدينمو بعد التشغيل ينزل على 12 فولت وصعوبة في التشغيل

YUKON_GMC

24/09/2016, 03:37 AM

احتمال مشكلتك من البطاريه فيها التماس

شوف لك كهربائي يفحص كهرباء الدينمو والبطاريه اذا كلها ممتازه ولافيها ضعف

احتمال عندك الكتاوت حق الدينمو عطلان ويعطي كهرباء زياده

زياد علي

27/09/2016, 02:54 AM

احتمال مشكلتك من البطاريه فيها التماس

شوف لك كهربائي يفحص كهرباء الدينمو والبطاريه اذا كلها ممتازه ولافيها ضعف

احتمال عندك الكتاوت حق الدينمو عطلان ويعطي كهرباء زياده
الله يجزاك بالخير

نظفت السلك الموجب اللي شابك بالفيوزات الخارجية وذهبت عنه الحرارة وحصلت سلكين صغار تحت علبة دركسون مقطعوعة ومجروحه فابعدها عن بعض فاصارت السيارة تشتغل من اول دقة لكن مع تشغيل الا حظ السلف يبقى معلق مع اول تشغيل ولازم ادوس بنزين حتى يفصل ...وايضا سلك موجب دينمو باقي حار ماتقدر تمسكه من الحرارة ماالحل

YUKON_GMC

28/09/2016, 12:07 AM

احتمال كبير .. السلف فيه مشكله التماس او عطل مايفصل الكهرب .. شف لك اقرب كهربائي يشيك عليه قبل يخرب عليك البطاريه والدينمو

زياد علي

28/09/2016, 01:48 AM

احتمال كبير .. السلف فيه مشكله التماس او عطل مايفصل الكهرب .. شف لك اقرب كهربائي يشيك عليه قبل يخرب عليك البطاريه والدينمو
وديته كهرباءي سبب العطل سلك مجروح وسبب عطل في السلف وشكرا للجميع