المساعد الشخصي الرقمي

مشاهدة النسخة كاملة : لقيت عند أحد شيبانا هذي البندق صنع عام (1943) صور بالداخل


قناص الحبارى
29/01/2007, 09:27 PM
بسم الله الرحمن الرحيم



السلام عليكم ورحمة الله وبركاته ،،



كنت عند أحد الشيبان في إجازة العيد ولقيت عنده هذي البندق وهي عزيزه عليه جدااااا جداااا



طلبت منه أن اقوم بتصويرها لكي يراها أعضاء مكشات ويعطوني رايهم فيها ووش أسمها بالضبط وش صناعتها



لأن عليها رقم وتاريخ بس ولايوجد مكان الصنع .. على العموم الشايب يقول هذي صناعتها أنجليزيه وأكد لنا بعض الشيبان الذين كانوا موجودين بالمجلس أنه كذلك وهي من أقدم وأقوى البنادق ..



مالكم بالطويله ... أخليكم مع الصور .. وياليت تعلمونا كم تسوى لأن حاتها جيده جدااااا



http://www.arb-up.com/get-1-2007-6pjahlxr.jpg



http://www.arb-up.com/get-1-2007-ujuo8uh4.jpg



وهذي سنة الصنع ... :good:



http://www.mekshat.com/pix/upload/images26/mk2437_kharazah3.jpg





http://www.mekshat.com/pix/upload/images26/mk2437_kharaza4.jpg



http://www.arb-up.com/get-1-2007-uxp838i4.jpg



http://www.arb-up.com/get-1-2007-rtyaggfw.jpg



أنتظر تعليقكم ومعلوماتكم :j
ابو محالة
29/01/2007, 09:43 PM
السلام عليكم
اخى قناص الحبارى
اعتقد ان هذة البندقية تسمى ( الشرفاء )
لكم تحياتى
قناص الحبارى
29/01/2007, 10:29 PM
أخوي الغالي / أبو محالــه ،،

وعليكم السلام ..

جزاك الله خير وبارك الله فيك .. بس ما أدري هل هي معروفه بهذا الأسم في جميع مناطق المملكه ولا في منطقه معينه ..؟؟

آمل من لديه أجابه أن يبين لنا هذا ...

وأشكركم على المرور والرد ...


أبو عبد العزيز

قناص الحبارى
ابوسيف الغامدي
29/01/2007, 10:56 PM
حياك الله يالغالي كما تعرف إن المسميات تختلف من منطقه لأخرى

وإن ما خاب ضني هذه طول الله عمرك تسمى عندنا (( محدش )) ودائما تشاهدها في المسلسلات البدويه
والله إنها ماتقدر بثمن ودائما القديم لايعلى عليه
والأخوان إن شاء الله يفيدوك أكثر مني
أخوك/ ابوسيف الغامدي
رعد الجنوب
29/01/2007, 11:19 PM
السلام عليكم



هذه مثل ماقال الاخ ابومحاله اسمها الشرفاء لدي وحده مثلها صناعتها عام 1915 م

وبحاله جيده ولكن لم اجد لها الفشق المناسب لها .



تحيتي للجميع
أبوديك
29/01/2007, 11:24 PM
بسم الله الرحمن الرحيم
الأخ قناص الحباري
هذي بارود إنـقـلـيـزيـة تسمى { الشَّرْفَا } ونسميها بديرتنا { أم خرقه } لأن مافيها وِثِـــر , والخرقه معناها الشق وبطنها يجي أنواع مثلاً :- نوع فيها خمس حزوز يعني بتوت وهي اجودهن بالرمي وابعد وأكثر دقة في إصابة الهدف, ونوع حزِّين اثنين , ونوع ثلاث حزوز 0
مع العلم إن عندي واحده تاريخ صنعها 1953 م ويوجد لها فشق بس مقلول ولا تلقاه في كل وقت 0
أرجو إني قدمت مايفيدكم ,,,,,,,,,,,,
والــــــــــــــــســــــــــــلام
قناص الحبارى
29/01/2007, 11:31 PM
حياك الله يالغالي كما تعرف إن المسميات تختلف من منطقه لأخرى

وإن ما خاب ضني هذه طول الله عمرك تسمى عندنا (( محدش )) ودائما تشاهدها في المسلسلات البدويه
والله إنها ماتقدر بثمن ودائما القديم لايعلى عليه
والأخوان إن شاء الله يفيدوك أكثر مني
أخوك/ ابوسيف الغامدي

ــــــــــــــــــــــــــــــــــــــــــــــــــ ــــــــــ

أخوي / ابوسيف الغامدي

بيض الله وجهك يا غالي ..

معلومه مفيده جدااا وأتمنى من الأخوان أن يفيدونا أكثر وأكثر ..
قناص الحبارى
29/01/2007, 11:33 PM
أخي العزيز/ أبو ديــك ،،



جزاك الله خير الجزاء على الشرح الوافي والمعلومات القيمه ..



وراح أخبر الشايب عن معلوماتك هذي وأكيد راح يأكد لي هذه المعلومات لأنك وضحت أكثر من نوع دليل أهتمامك المميز ولا يهونون الأحباب


أكرر شكري لكم جميعا وأتمنى من الأخوه من لديه خبره بالقديم ... أضافة اي معلومه ..



أخوك/ قناص الحبارى
قناص الحبارى
29/01/2007, 11:34 PM
السلام عليكم




هذه مثل ماقال الاخ ابومحاله اسمها الشرفاء لدي وحده مثلها صناعتها عام 1915 م
وبحاله جيده ولكن لم اجد لها الفشق المناسب لها .



تحيتي للجميع


ــــــــــــــــــــــــــــــــــــــــــــــــــ ــــــــــــــــــــــــــــــــــ

أخي الفاضل / رعـــد الجنوب ،،

بيض الله وجهك يالحبيب وما قصرت ... والله أنكم أسعدتوني بمروركم الكريم وصار للموضوع أهميه أكثر عندي



أخوكم/ ابو عبد العزيز
ابرق العزاف
29/01/2007, 11:44 PM
شكرا
وهذه نسميه المحدش الشرفاء
لاجل الحديدتين اللتين بجانبي الحبه
(الشعيره)
تشبه الاذاني الشرف (الطايره على فوق بامتداد)
قناص الحبارى
30/01/2007, 12:05 AM
شكرا
وهذه نسميه المحدش الشرفاء
لاجل الحديدتين اللتين بجانبي الحبه
(الشعيره)
تشبه الاذاني الشرف (الطايره على فوق بامتداد)


ــــــــــــــــــــــــــــــــــــــــــــــــــ

أخي الغالي / ابرق العزاف ،،

شكرا على الأضافه وماقصرت ... أنا بصراحه ودي أعرف سعرها تقريبا (( إذا وافق الشايب يبيعني :no: )) :j

ودي أحطها بالمجلس (( الخيمه )) نوع من التراث (( فوق الوجار )) :good2:

يعني بكم أقوله ...؟؟؟ تقريبا لأنه يعزني بالحــــــــــــــــــــــــــــــــيل ;) بس انا مستحي منه ,,


أنتظر مشورتكم ومعلوماتكم القيمه ..

شكرا أخي مره أخرى على الأضافه


أخوكم/ قناص الحبارى
الخيول96
30/01/2007, 11:17 AM
السلام عليكم عندى واحدة تصنيع 1907 وانا شاء الله انزل صورتها قريب جدا
شهبندر
30/01/2007, 12:31 PM
أخوي قناص الحباري

إسمها عندنا في الديره

(الشريفيه)



وشكرا
قناص الحبارى
30/01/2007, 05:13 PM
أخي الغاللي / خيول ،،

جزاك الله خير وبارك الله فيك .. بس ودي أعرف كم تسوى ..؟؟ لأن يقولون لا يعرف قيمتها إلا الشسبان.


تقبل مني أجمل تحيه
قناص الحبارى
30/01/2007, 05:20 PM
أخي الغالي / شهبندر..

السلام عليكم يالغالي ..

طال عمرك وين ديرتكم ... ؟؟ الجنوب..!! والله وألف نعم فيك وبأهلك .. وكل أعضاء ومشرفين ىوزوار منتدى مكشات ..


بيض الله وجهك... ونفس السؤال يتكرر ... كم تسوى تقريبا لأني مستحي من اتلشايب ,, بصراحه واحد قال عطه هايلكس 99 غمارتين :redcar: يمكن يرضى :no2: ...


تقبل مني أجمل تحيه وإحترام
الشرم
31/01/2007, 02:46 AM
الاخ / قناص الحبارى كما افاد الاخوه هذي شرفى اما السعر فهي رخيصه جدا لاحد يتهور لان رصاصها نادر واذا توفر معاده يثور واجود رصاصها ابومشعاب
شهبندر
31/01/2007, 11:16 AM
هذا من ذوقك أخوي

وبالنسبه لسعرها أعط الشايب شزوزن بلجيكيه أم واحد وزيده 1200

يمكن هذا سعر مغري لأن الشياب يريدون الشوازن اللجيكيه أم طلقه واحده


وشكرا
كايد
31/01/2007, 11:10 PM
توكد من توفر رصاصها (رصاص حي )


وانشد عنه بحفر الباطن ...........

هذا اللي اقدر افيدك

وترى رصاصها ليس رصاص البلجيك حقت الخويا

اي بمنعى
فيه رصاص النيمس....للبلاجيك والفروخ وام شعلة وووووووو متوفر
وفيه رصاص الجثري معروف متوفر
وفيه رصاص الشرفا .....غالبا غير متوفر
وفيه رصاص الشاخوفة .غير متوفر نوعا ما
قناص الحبارى
01/02/2007, 10:42 AM
أخوي الغالي / كــــايــد ،،

جزاك الله خير على هذه المعلومه وبيض الله وجهك ...

والله ما قصرت .. كفيت ووفيت ...

تقبل مني أحلى تحيه


أخوك/ ابو عبد العزيز
طالب المعرفه
01/02/2007, 10:52 AM
السلام عليكم



انا مره داخل سوق الزل في الرياض واذا فيه مثل هاذي بالضبط يحرج عليها وزاودت فيها حتى وصلتها الى 900 ريال وهي عندي الان وفيه واحد من المحرجين دلني على شايب يبيع فشكها (رصاصها) واخذت منه خمسة امشاط

وقدر الله اني طلعت للبر مرة من المرات واخذها معي علشان اجربها وابشرك انها زي ما قال واحد من الاخوان ان وقعها دقيق هذا ما لدي في هذه العجاله



تحياتي للجميع
alhedeef
01/02/2007, 07:56 PM
اخي العزيز انا من عمان هذا البندقيه نسميها معنا ( كند) وهيه من ارخص البنادق قديمه ولا جديده وكل هذا النوع اصلا تواريخ صنعه قديمه لو تريد ما بندقيه وحده بس حتى 10 ما عليك الا تروح السوق وتشتراها بقيمه ما تزيد عن 1000ريال سعودي لما تاكون غاليه.alhedeef
ابوالذيب
01/02/2007, 08:08 PM
للبيع:confused: هل البندق
قناص الحبارى
01/02/2007, 08:33 PM
أخوي الغالي / طالب معرفه ..

جزاك الله خير وبارك الله فيك..

أخي الفاضل
قناص الحبارى
01/02/2007, 08:34 PM
أخي الغالي / alhedeef

جزاك الله خير يالغالي ...

بس أحنا وين وعمان وين ... ؟؟؟!!!

المسافه ياخوك بعيده جداااا وثانيا ممنوع دخولها ..

ثالثا ما قصرت بمرورك يالغالي ...
قناص الحبارى
01/02/2007, 08:39 PM
أخوي الفاضل / أبو ذيب .. :D



السلام عليكم ورحمة الله وبركاته ..



يا خوي أنت تآآآآآآآآآآمر وحنا ... :hot: :bounce: :hot: :bounce:





إن كانت جازت لك فأبشر بها :looney: ... الليله أروح الديره وأسرقها من الشايب ,,, :j









أخوك / أبو عبد العزيز
فتى ينبع
08/04/2015, 03:15 PM
أخوي طالب المعرفة

ممكن تتواصل معي احتاجك في استشارة