استفسار عن درابيل سوارفسكي

[ابو حااتم]

السلام عليكم ورحمة الله وبركاته
اسعد الله اوقاتكم بكل خير
عندي استفسار بخصوص درابيل
السوارفسكي المطوره
EL 10x42
EL 8.5x42
EL 8x32
ايهم افضل وهل الدرابيل تستحق
السعر الخيالي 8000 ريال
محتار بين زايس ربل 7x50
سعره 6500ريال
وسوارفسكي ناوي على واحد منهن ان شاءالله
وابي تنصحوني بدربيل الطيب وشكرا للجميع

[ابو حااتم]

وين اهل الخبره بدرابيل

[ابو حااتم]

وين اهل الخبره بدرابيل

[قناص الأشهب]

ان بغيت الشور خذ 8 ×32 بأذن الله ما تندم

[ابو حااتم]

ان بغيت الشور خذ 8 ×32 بأذن الله ما تندم
اسعدني مرورك وشكرا لك على المعلومه

[المسافر212]

افضل مقاس من وجهة نظري 10 في 42
واللي يحدد افضل دربيل السوارفسكي او الزايس هي عينيك

وجرب النظر بالدربيلين وشف عيونك وش ترتاح معه

[ابو حااتم]

افضل مقاس من وجهة نظري 10 في 42
واللي يحدد افضل دربيل السوارفسكي او الزايس هي عينيك

وجرب النظر بالدربيلين وشف عيونك وش ترتاح معه
اخوي المسافر هل سويت مقارنه دراييل ثانيه مع السوارفسكي
10x42

[راح الأمل]

7*50 ممتاز جدا" الربل من زايس وعليك باللي يجي T*P

[doodi1981]

السوارفسكي والزايس هذين النوعين افضل انواع الدرابيل بالعالم وكلها مضغوطات نتروجين لكن الزايس يجي منه تجميع انتبه لاتاخذه خذ الالماني فقط والله اعلم ...

[حبيتر]

لاتاخذ لاسوارفسكي ولازايس عليك بالفورتكس الياباني سعره ظ£ظ¥ظ×ظ×

[حبيتر]

سعره ثلاث الاف وخمسمائه

[عبدالله24]

السلام عليكم ورحمة الله وبركاته
إن شاء الله افيدك من واقع خبرة وتجربة في اغلب أنواع الدرابيل القديمة و الحديثة
طبعاً أغلب الخبراء المحلين و الغربيين يتفقون ان افضل دربيل هو سوارفسكي نوع EL
و أي شخص جرب هالنوع راح يأيدهم .

إجابة سؤالك الاول عن المقاس الأفضل ؟
الجواب / كلها سواء من حيث الجوده . لكن انت اللي تحدد المقاس المناسب لحتياجك من الدربيل .
انا سويت مقرنة لأربع مقاسات 10/42::10/32::8.5/42::8/32 وفي الأخير إستقريت على 10/23
سؤالك الثاني هل تستحق السعر ؟
نعم لانه بارد على العين و يحافظ على نظرة بمشيئة الله والسبب الثاني سعره فيه إذا نويت تبع

[a.alsalamah]

انا كان عندي 10x42 و بعته و استقريت على 10x32

[abofaisal333]

نصيحه من تجربه لا تاخذ الا سوار واترك الباقي الافضل 10 او 8.50

[farid1]

أنا أنصحك بأي دربيل ماركة ياباني فهو شبيه للروسي وسعره أقل ويدوم نفس المدة

[ابو حااتم]

جزاكم الله خير الجميع

[ابو عزيززز]

السلام عليكم ورحمة الله

اخي الكريم

الشركتين ممتازات ونفس المستوى تقريبا

الاحجام فيها فرق

ال 10x42 اكثر تقريب من ال 8.5x42

ال 8.5x42اركد واقل اهتزاز من ال10x42

ال 8.5x32 اقل حجم منهن لذالك سيكون اقل اهتزاز او اركد ولكن اقل منهن وضوح في الصوره


الزايس بمقاس ال50 حيكون اوضح منهن صوره ولكن المشكله انه اثقل ولذالك يكون اكثر اهتزاز وفي نفس الوقت اقل تكبير لانه يكبر 7 مرات فقط وليس 10 مرات او 8 مرات ونصف ولكن الصوره واضحه لان الضوء يتدفق مع العدسه الكبيره افضل من العدسه الاصغر


بعض الملاحظات:

الوزن: كلما كبرت العدسه(وليس عدد مرات التكبير) زاد الوزن وكلما قلت قل الوزن

الوضوح: كلما زاد كبر العدسه الكبيره زاد الوضوح لتدفق الضوء اكثر من تدفقه بالعدسه الاصغر

الاهتزاز: كلما صغر وزن الدربيل قل الاهتزاز (stabilization) لان زيادة الوزن تقلل التحكم في تثبيت الدربيل وكذالك كلما زاد التقريب او التكبير زاد الاهتزاز.... مع العلم ان هناك انوع فيها مانع اهتزاز وان كانت قليله

الطلاء: الدربيل ذو العدسات المطليه هو الافضل مع ان اغلب الدربيل صارت مطليه ولكن تفرق بالنوع لان النوع الجيد طلاءه هو الافضل والطلاء يساعد كثيرا على وضوع الصوره في وقت العتمه وعدم توهجها بقوه في وقت سطوع الشمس وكذالك يمنع الضباب او الرطوبه من التكون على العدسات..الخ .... والطلاء مهم جدا في سعر الدربيل لان الشركات الكبيره تستخدم افران غاليه التكلفه ويكون طلائها ممتاز وهذا من اهم عوامل ارتفاع اسعارها.... والطلاء انوع منه الطلاء لمره واحده( coated)والطلاء عدة مرات(Multicoated) والطلاء المتعدد للعدسات من الجهتين( Fully Multicoated ) ..الخ

الزاويه: كلما زادت الزاويه (Field of view (https://www.telescope.com/catalog/product.jsp?productId=114359&src=row2col3-prodimage#ui-tabs-[object Object]))كلما صارت الصوره اشمل واكثر مساحه



وجهة نظري:

1- الدربيل حسب الحاجه اي ان اللي يحتاج الدربيل للصيد في منطقه جبليه غير اللي يحتاجه للنظر العادي او لتفقد حلال وابل وغير اللي يقنص بطير...الخ

2-اذا كانت اقل من 30 سنه انصحك ب 10 في 42

3-اذا كنت اكبر من 45 انصحك ب الزايس 50 في 7 (لان النظر يبدا يضعف وتحتاج الى وضوح اكثر بالصوره)

4-اذا كنت بين بين انصحك تاخذ اي مقاس بعد تجربه فالتجربه خير برهان اي انك تجرب اللي كثير تكبيره واذا ما ناسب تجرب غيره.. وهكذا

5-في كل الحالات انصحك ماتشتري اي دربيل عدسته الكبيره اقل من 40


اتمنى لك التوفيق بالدربيل المناسب

[ابو حااتم]

وعليكك السلام
جزاك الله خير يابو عزيز
ماقصرت��������