المساعد الشخصي الرقمي

مشاهدة النسخة كاملة : هل هو صحيح خراب طرنبة الزيت في الجي اكس ار 6سلندر


صاروخ الغطغط
26/09/2016, 12:58 PM
السلام عليكم اخواني انا ناوي اشري جي اكس ار خليجي م2014 6سلندر دفلك وقوة مكينته مطوره 271حصان يختلف عن مديل 9.10.11 مكينتها 240حصان مالنا بطويله خوفوني ناس ويقولوم طرنبطه الزيت تخرب فحئه ةيخبط وقد حصلت مع ناس اعرفهم تخبيط المكينه بسبب طرنبة الزيت .ويقولون 8سلندر يخرب فيه الكنزير بعد فتره.زبدة الهرج هل طرنبة الزيت تخرب في 6 سلندر لن مزاجي 6سلندر خليجي دفلك م14 تكفون انا انتظر ردود اهل الخبرات والمعرفه في 6سلندر ال 8 سلندر بلاش منه
صاروخ الغطغط
26/09/2016, 01:00 PM
عندي اخطاء بالكتابه لنني اطرح موضوع بالجوال
ابوراكان تبوك
26/09/2016, 02:03 PM
حياك الله

لفت نظري انك كررت موضوع الجنزير اكثر من مره

واعتقد ان ال6 سرندل راسين ليس جنزير بل ربل

اما 8 سرندل ربل

عموما الربل مامنه خوف كل 100 الف تولع له لمبة انك تغيرة وانتهى
لانه قطعة استهلاكيه

حسب اطلاعي على مواصفات اللاند ان الموديلات 2012 وفوق عدلو في مكاينها واصبحت افضل

اما موضوع الطرمبة اول مره اسمع به المشهور هو سقوط مسامير الثلاجة للربع والشاص وتلافوها من 2013 الدفعه الثانية

بخصوص الطرمبة لا اعلم كيف طريقة تصميمها لانه معروف الامريكي اليوكن والتاهو والكابرس شخال في الطرمبة وتحدث مشاكل كثير
اما التويوتا معظمه طرمبة زيت تروس قليلة الاعطال وخصوصا من 2007 وتحت اما الموديل اللي انت تتكلم لا اعلم عنه
تبي تتأكد من نوع الطرمبة
ادخل رابط الموضوع اللي في توقيعي وابحث عن ال 14 وادخل على تفاصيل المكينة وهذه تفاصيل المكينة كاملة للموديل من 12 الى 15
http://www.toyodiy.com/parts/g_J_2014_TOYOTA_LAND+CRUISER_URJ202W-GMTNK_1.html
او
شوف لك ورشة متخصصة بالجيوب ازرق عليهم واستفسر عن موضوع الطرمبة ومسمار الثلاجة والجنزير لانهم يوميا يمرون بمشاكل ويعطوك العلم الاكيد والراي لك
والاخوان هنا مايقصرون ان شاء الله
ابوراكان تبوك
26/09/2016, 02:11 PM
تعقيب على ردي اتضح انه طرمبة الزيت تقريبا مثل طرمبة الامريكي لكن موضح هل بها شخال او لا
القطع الخاصة بها جميعها محدده بالارقام والكلام والحيرة حول القطعة رقم 15104
وبالنسبة لموضوع الجنزير لايوجد ونظامه ربل يتغير كل 100 الف
http://www.toyodiy.com/parts/diag_1iTGQ5G.png
صاروخ الغطغط
26/09/2016, 06:30 PM
مشكور اخوي على الفايده ماقصرت .ونا تركيزي على 6سلندر ماني راعي طلعات وجبال ولاني راعي سرعه ولاتطعيس راعي عايله ولا عندي الى طلعة القديه فقط وبنشوف ردود الزملاء في جي اكس ار 6 سلندر
YUKON_GMC
26/09/2016, 11:27 PM
والله يالغالي ماانصحك في السته سلندر

اول شي ماله شعبيه زي زمان اول .. زمان 93 الى 2006 كان مرغوب السته

الحين الناس كلهم مايشترون الا ثمانيه سلندر والسته ماله شعبيه ..

الثمانيه يطربك بالعزم مع الخط والبر والطلعات وحتى بالقومه عند الاشاره تحسك على صاروخ اما السته تحس انك على سيكل ..

وحتى ماتتحسف لااشتريته خذ لك ثمانيه سلندر عز ان بغيت تستخدم وان بغيت تببيبيع


والاعطال ان شاء الله جميعهم مافيهم اعطال ولاقد سمعت ان احد معه معه 12 و13 و14 و15 حصل فيهم اعطال


توكل على اللله وكل السيارات معرضه للاعطال لكن ان شاء الله خمس سنوات ماتحط فيه الا زيت وبنزين
صاروخ الغطغط
27/09/2016, 12:22 PM
مشكور اخوي والله طمنتي وشرحت صدري يوم قلت 8سلندر لاولعت الاشاره كنك على صاروخ ..ضحكت منها لين دمعت عيوني
YUKON_GMC
27/09/2016, 11:58 PM
ههههه توي انتبه ان اسم معرفك صاروخ ههههههه اجل صاروخ راكب صاروخ الله يستر عليك انتبه بس لاتصدم زحل والا المشتري خخخخخ
ateeq7
29/09/2016, 11:04 AM
عادي كل 150 الف كم غير طربة الزيت
الحربي 591
29/09/2016, 03:13 PM
اي سياره اذا استخدمت الزيت الغير مناسب ..تخرب الطرمبه عندك بشكل بطيئ..
90% من الامريكي خربت طرمباته بسبب الزيت الغير مناسب ..