نديم القوافي
26/09/2016, 09:43 PM
السلام عليكم ورحمة الله وبركاته
بعد أن تشرفت بانضمامي إليكم
أتيت لكم بهذه المتواضعه باعتبارها المصافحة الأولى لشعراء وأعضاء مكشات
وهي قبل طلوع سهيل في إحدى السنوات الماضية
مليت من وقتي وطول انتظاري=إلى متى والجوّ عجّ ومعاصير
أبطيت ما شبيت بالبر ناري=وابطيت عن قطع الخلا والمشاوير
القيض مع يمناي قيّد يساري=واليوم من قيده على وشْك تحرير
ياهل الولع عِدّو لوقت الحباري=قرّب طلوع سهيل وملاعب الطير
يامحلا بالجيب قطع الصحاري=بالبر مع عشّاق بر وصقاقير
النفس ولهانه لشوف البراري=وشوف المطر يا تبّع الخير للخير
السيل من ربدا للوقه خباري=وطاحت محاديره على غربي الشّيِر
للنبت يا قمنا نرود المحاري=والقاع بالنوّار صارت نواوير
عزّمت ثم شدّيت عزم السفاري=يحنّ ماطوره على نمرة القير
و سريت مع ناسٍ تدلّ المساري=مع الصحاري عارفين المعابير
ما حرصهم حرص الحريص المداري=الكل منهم ما يهاب المخاسير
يا عيّنو للصيد مدهل واثاري=ومع الاثر قفّو قصوص و مداوير
وتنهّض اللي للمطاليع ضاري=على الحباري عادته تلّة السير
خطوا افحجٍ جثلٍ من الريش عاري=اشقر شقار رودع صدره دواوير
نادر حرار بشد ريشه مواري=عن ماكرن ما وكّر براسه الجير
صلفٍ عديم وبالهداد انتحاري=عوق الخريش يصخّر الخرب تصخير
يا قام يلقف له هبوب الذواري=و علّق بكفٍّ فيه مثل الشناكير
هذا هواي و رغبتي واختياري=يا حسّب الدينار عبد الدنانير
لو كنّت متحضّر ووقتي حضاري=هوايتي نقل الحرار النوادير
بقلم : نديم القوافي
بعد أن تشرفت بانضمامي إليكم
أتيت لكم بهذه المتواضعه باعتبارها المصافحة الأولى لشعراء وأعضاء مكشات
وهي قبل طلوع سهيل في إحدى السنوات الماضية
مليت من وقتي وطول انتظاري=إلى متى والجوّ عجّ ومعاصير
أبطيت ما شبيت بالبر ناري=وابطيت عن قطع الخلا والمشاوير
القيض مع يمناي قيّد يساري=واليوم من قيده على وشْك تحرير
ياهل الولع عِدّو لوقت الحباري=قرّب طلوع سهيل وملاعب الطير
يامحلا بالجيب قطع الصحاري=بالبر مع عشّاق بر وصقاقير
النفس ولهانه لشوف البراري=وشوف المطر يا تبّع الخير للخير
السيل من ربدا للوقه خباري=وطاحت محاديره على غربي الشّيِر
للنبت يا قمنا نرود المحاري=والقاع بالنوّار صارت نواوير
عزّمت ثم شدّيت عزم السفاري=يحنّ ماطوره على نمرة القير
و سريت مع ناسٍ تدلّ المساري=مع الصحاري عارفين المعابير
ما حرصهم حرص الحريص المداري=الكل منهم ما يهاب المخاسير
يا عيّنو للصيد مدهل واثاري=ومع الاثر قفّو قصوص و مداوير
وتنهّض اللي للمطاليع ضاري=على الحباري عادته تلّة السير
خطوا افحجٍ جثلٍ من الريش عاري=اشقر شقار رودع صدره دواوير
نادر حرار بشد ريشه مواري=عن ماكرن ما وكّر براسه الجير
صلفٍ عديم وبالهداد انتحاري=عوق الخريش يصخّر الخرب تصخير
يا قام يلقف له هبوب الذواري=و علّق بكفٍّ فيه مثل الشناكير
هذا هواي و رغبتي واختياري=يا حسّب الدينار عبد الدنانير
لو كنّت متحضّر ووقتي حضاري=هوايتي نقل الحرار النوادير
بقلم : نديم القوافي