مشكلة صوت طقطقه مع نفضه لاندكروزر 2005

[كيفي عبيط]

السلام عليكم ورحمة الله وبركاته
كيفكم جميعا
عندي لاندكروزر 2005 قير عايدي سته سرندل راس واحد ماشي تقريبا 200 السياره توني شاريها وطلعت لي بها مشكله ومن شهر ونص وانا من ورشه الى ورشه وكل يفتي من راسه ولا لقيت حل لها
السياره فيها صوت طقطقه ونفضه قويه تحسها طالعه من القير وفي البدي الديكور يهتز بشرط لازم وانا واقف ادبل دعسه اوصل الضغط الى 2 وبرضوه اذا مشيت ووصل الضغط على 2 وزياده. الطقطقه تطلع والنفضه تزيد وتستمر معي الى سرعات عاليه
تخسرت وغيرة اشياء ولا استفد منها 1- فكيت وطلع سليم ثم بدل قيرات كلها 2-رصصت العمود وشيك ع الصليبات وشحمت 3- الدفرنسات شيكت عليها 4-فكيت عمود الدبل وجربت 5-فكيف عمود الخلفي ومشيت بالدبل وجربت لسه 6- فكيت فلنجات الدفرنس الامامي 7-خرط حذاف وصحن وتوابعه وباقي 8-بدلة دبة الشكمان الوسطيه 9- اخر شي مع الورش يوم ما عرفوا قالو مكينه وديته للوكاله قالوا يمكن مكينه نفك ونشوف
الزيت ما ينقص ولا يتغير لونه ولا به ريحه حريق احترت ولا ادري وش السالفه ولا عاد عرفت حل ولا ودي اني افك المكينه ولا تطلع المشكله منها خاصه ان المكينه صافيه ولا بها شي سواء ان السياره تحس عزمها مو مثل اول فقط مع ان توني مبدل بواجي
انا من اهل الجبيل ابي تفيدوني اذا احد عنده خبره ولا يدلني على اكثر من ورشه ممتازه بالشرقيه تطلع لي المشكله واذاطلعت فعلا مكينه هل اوضب المكينه؟ وعند من ؟ ولا ابدل ؟

[ابوراكان تبوك]

مافهمت عليك بالضبط
هل الصوت يطلع ايضا اذا دعست وانت واقف؟

[كيفي عبيط]

يا طويل العمر
اذا انا واقف المكينه صافيه ولا بها اي صوت
الصوت والنفضه تطلع اذا وانا واقف دبلت دعسة بنزين ويوصل عداد الضغط على 2
وبعد تطلع بزياده الصوت والنفضه اذا مشيت ووصل عداد الضغط على 2 وفوق يعني اللين اوصل سرعة عاليه يستمر الصوة والنفضه

[ابوراكان تبوك]

اللي فهمته منك انه حتى وانت واقف اذا وصل عداد الضغط وفوق تطلع كذا افحص كراسي المكينة والقير

[ابوراكان تبوك]

ولو المكينة سبب الرجة يمديها صارت طحين كلامهم لا يعقل ابد ابدا انه الرجة من المكينة ركزززززز على كراسي المكينة وكراسي والقير وجلد البودي
اعتذر لكثرة الردود لاني اكتب من جوال واختصر بدل ما اعدل ردي ازيد عليه

[وطن العزة]

شيك على كراسي القير و المكينة

دام الموتر صافي ما فيه تقطيع لكن ينفض و هو واقف هذي مشكلة كراسي و لا لها دخل العمدان و الصليبات

عموما اذا لك جية للدمام عندك ورشة صبيا

[.ابومالك]

اخوي فية سماعة زي حقك الطبيب هذي للمكينة ابحث عن ورشة موجودة فيها تكشف لك اذا من داخل المكينة .
لكن لو الطحن بالمكينة كان وقفت او عند التشغيل يزيد الصوت
راجع الكراسي للمكينة والقير

ورائيي فك جميع سيور الماكينة لا تترك سير واحد وجرب ( لكن انتبة الماء لا يصل للمكينة
وجرب لمدة دقيقة ) اذا راح الصوت اعد سير سير وتطلع لك المشكلة

اترك المكينة اخر شىء

اتمني اكون وضعت حل .

[كيفي عبيط]

الله يعطيكم العافيه جميع
اللي يقول ورشة صبيا سبق اني مريت عليهم وقعدوا في السياره يوم كامل يحاولون يعرفون وش المشكله وللاسف اخر شي يوم يئسوا قالوا باقي نفك المكينه ونتاكد

وكلامك صحيح اللي قول كان امداء المكينه انطحنة انا بصوت والنفضه اللي طالع من السياره ببداية المشكله يعني قبل شهر ونص مشيت على السياره مسافة 950 كيلو متر من الجنوب الى الرياض ولا حصل شي للمكينه ولله الحمد

بالنسبه للكراسي فانا غيرت كرسي القير عن الشك من الوكاله وكراسي المكينه كلها سليمه بعد مروري باكثر من ورشه لتاكد
بانسبة للسيور غيرة طقم كامل مع التشيك على كل المكراة والكمبرسر اللي شوي تعبان هو كلاتش مروحة التبريد الكبيره ولا اتوقع ان المشكله منها


والله ي رجال الموتر ذا هبل بي ولا عرفة علته حتى الورش ما عاد احد عرف له صرت اقول لهم حاولوا وجربوا يمكن تزبط

[SGL]

أخوي إنت تقول النفضه والصوت تطلع معك حتى وهو واقف أبيك تجرب تدعس كلتش وتدعس بنزين وشف الصوت يطلع المهم يوم تدعس بنزين خلك داعس كلتش ماترفع عنه نهائي
المشكلة الثانية كلتش المروحة وش علته مجيم يعني فيه ثقل يصلب ويفك أو فارط خفيف؟
وتأكد من دورانه شف المروحة ترج دورانها ماهو مستقيم وتأكد من بكرة الكرنك شف دورانها تمام أو فيها رجه قوية
طبعآ تشيك على بكرة الكرنك وعلى كلتش المروحة على نفس دعسة البنزين اللي يطلع معها الصوت

[ابوراكان تبوك]

أخوي إنت تقول النفضه والصوت تطلع معك حتى وهو واقف أبيك تجرب تدعس كلتش وتدعس بنزين وشف الصوت يطلع المهم يوم تدعس بنزين خلك داعس كلتش ماترفع عنه نهائي
المشكلة الثانية كلتش المروحة وش علته مجيم يعني فيه ثقل يصلب ويفك أو فارط خفيف؟
وتأكد من دورانه شف المروحة ترج دورانها ماهو مستقيم وتأكد من بكرة الكرنك شف دورانها تمام أو فيها رجه قوية
طبعآ تشيك على بكرة الكرنك وعلى كلتش المروحة على نفس دعسة البنزين اللي يطلع معها الصوت

:good2::good2::good2: بارك الله فيك يا اخي sgl ,ولايهونو الاخوان اللي حددته لك بالاحمر يعطيك علم الكلتش والدسك والفحمة كذلك يعطيك علم رمانات القير
ادعس بنزين وهو واقف لين يطلع الصوت واذا طلع الصوت خليك داعس بنزين واعس كلتش في لحظة خروج الصوت

الاختبار هذا بسيط وسهل جرب وعطنا النتيجة


كذلك الفحص بالسماعة او لي اسطوانة الغاز هذا الفحص يحدد لك مكان الصوت بالضبط لكن بأشرح طريقته لك بعد اللي ذكرته لك

[.ابومالك]

الله يعطيكم العافيه جميع

بانسبة للسيور غيرة طقم كامل مع التشيك على كل المكراة والكمبرسر اللي شوي تعبان هو كلاتش مروحة التبريد الكبيره ولا اتوقع ان المشكله منها


اخي الكريم لم اقل لك غير السيور
انما فكها كامله وجرب تدوس بانزين اذا لا يوجد صوت اعدهم واحد واحد وتعرف وين المشكلة
ممكن من المروحة او علبة الدريكسون او الدينمو او الفريون او احد الرمانات
واحد الاخوة ذكر لك الكلتش
مشكلة العمال بالورش يريد شىء جاهز ويتعلم علي حسابنا
واستبعد نهائيا فك المكينة .

[كيفي عبيط]

جربت ادعس بدون كلتش وادعس وانا ضاغط الكلتش مستمر
في كلا الحالتين الصوت والنفضه طالع هذا وانا واقف

كلتش المروحه به فضاوه خفيفه ولا احس انها تضر. شغاله بدون رجه او صوت بس فضاوه خفيفه او بها ضعف بمفهوم اخر

اليوم واحد اتصل علي يقول لي ان خرط الحذاف ما ينفع واللي يخرط حذاف ما عنده سالفه
المهم شار علي اني اغير حذاف جديد او مستخدم واغير بالمره معها كلتش ودسك وفحمه
ويقول لي فيه رمان للحذاف اغيره

كم سعر الحذاف جديد ولا مستخدم بلقاه واغيره ولا ما له دخل بالسالفه الصوت والنفضه
سئلت ورشة العتيبي حق القيور اللي بالدمام قال لي ان الحذاف ما له دخل بالصوت والنفضه اللي عندك و الحذاف ما يسوي كذا ولا خرابه كذا
وانا باذن لله طالع للامارات بكره ومدري اني امر الشارقه اخذ حذاف كامل بالكلتش وتوابعه ولا جديد
وخوفي اني اغيرها وبعد ما تطلع منها

[mmaamm123]

السلام عليكم
اخوي تأكد أنه لايوج ثلم اوكسر في احدى ريش المروحة حتى ولو كان 1سم وتقبل مروري

[ابوراكان تبوك]

الحذاف اذا به مشكله تكون من عند مركبه في العمود مشكلته مايبين الا بالفك

الكلتش والدزق والفحمه تروح اصواتها اذا دعست كلتش الاقرب للمشكلة الحذاف وفعلا ماينخرط خذ مستخدم نظيف اذا جزمت تغيره
وبعد التركيب تاكد انهم شدو الداير مضبوط لانه اي رخاوه فيه يعيدك لنفس الموال

موفق اخي

[كيفي عبيط]

الله يعطيكم العافيه جميع

باذن لله بشوف لي حذاف دامني بالشارقه لاكن احد عنده خبر كم سعر الحذاف جديد او بالتشاليح
وعسى انه اذا غيرته تروح المشكله وافتك
وبعطيكم الاخبار باذن لله اول ما انتهي من الحذاف

[ateeq7]

الله يعطيكم العافيه جميع

باذن لله بشوف لي حذاف دامني بالشارقه لاكن احد عنده خبر كم سعر الحذاف جديد او بالتشاليح
وعسى انه اذا غيرته تروح المشكله وافتك
وبعطيكم الاخبار باذن لله اول ما انتهي من الحذاف
اذا انته في الشارقة وديها جراج في الصناعية او مر على محل السكراب و اسال عندهم عن جراج يفحص السيارة و خلة هو يحدد العطل و اخذ منه ضمان قبل الشغل و خلة هوه يجيب القطعه من السكراب عشان تفك نفسك من الف و الدوران

[ابوراكان تبوك]

اذا انته في الشارقة وديها جراج في الصناعية او مر على محل السكراب و اسال عندهم عن جراج يفحص السيارة و خلة هو يحدد العطل و اخذ منه ضمان قبل الشغل و خلة هوه يجيب القطعه من السكراب عشان تفك نفسك من الف و الدوران
رأي سديد افحص هناك قبل تغير