تكفون ردو على موضوعي ضروري ابي مسعادتكم

[Rain32]

صبآح آلخخير للجميع


عندي آستفسآر وآبي مسعآدتكم تكفوون؟؟؟


انا قدر الله علي وصآرلي حآدث آلله يكيفنآ شرهآ سيآرتي آكسنت 2016 مطلعها من الوكالة بدون دفعة أولى ايجار منتهي بالتمليك ومائمنه شامل من الشركة الوكاد طلع علي شايب من حاره على شارع رئيسي انا في الشارع الرئيسي ماسك الوسط طلع من الحاره ودخل في مساري وانا امشي تقريبا 100 ويصكني بالرفرف ويزحفبي الموتر وصك بالرصيف وتقلب اربع قلبات طبعا الموتر تالف جاء المرور قرر الحادث طلع علي 25٪‏ عشان مسرع وعلى خصمي 75٪‏ خصمي استمارته منتهىيه ورخصته منتهيه وموتره ما فيه تأمين المهم اختصار سؤالي واللي ابي جوابه هل راح يعوضوني بموتر جديد ولا يعطوني الشركة دراهمهم ويلغون اجراءت السيارة ولا وش ابي اعرف وش بيسون معي الي عنده معلومة يفيدني باسرع وقت تكفون وطبعا السيارة سألوها على سطحة ومدرب قالو بنوديها نقدرها طبعا في التقرير كاتبين تالف يعني وش راح يسون

[ابوراكان تبوك]

اولا الحمد لله ع السلامه يا اخوي وماعليك من الحديد يتعوض ان شاء الله

التأمين شغلته شغله كل يوم يتفلسفون لكن المعروف انه تأمين شامل

انا بالنسبه لي اعرف انك تتعوض بموتر جديد لان التأمين ساري
واعتقد تأمينك التعاونية وورقته موجوده معك
ادخل ع موقع الشركة حقتهم واقرأ عن بنود التامين الشامل بعض الشركات لازم تدفع مبلغ صغير يـ 3 او 5 آلاف شيء رمزي
او اتصل على شركة نجم قسم الاستفسارات متجاوبين

وبخصوص الحادث النسبة اللي طلعت عليك بيشيلها التامين


------------------------ هذا الرد قرأته في احد المنتديات
على حسب فترة الاستخدام ،، مدري وش سيارتك كم موديلها كم سعرها النقدي
لكن بضرب لك مثال على السيارة بشكل عام
سيارة 2014 سعرها النقدي 100 الف
البنك يأجرها منتهي بالتمليك ب 130 الف على خمس سنوات
القسط الشهري مايهمنا الا لو كملنا الخمس سنوات ، يهمنا قيمة عقد الايجار الشهري
الأيجار الشهري في حالة ارجاع السيارة او تلف السيارة هو 4000 ريال للسنة الاولى
والسنة الثانية 2500 وهكذا ..
الدفعة الاولى هي 30 الف ريال للبنك
------------------------------------------------------------------------------------
عند ارجاع السيارة بعد ستة أشهر ،، نجي نحسبها
6 اشهر * 4000 = 24 الف ريال ،، يعني يرجع لك 6 آلاف من اصل 30 الف ريال الدفعة الأولى

-----------------------------------------------------------------------------------
في حالة حصول حادث لاقدر الله بعد مضي ستة اشهر
السيارة قدرت تالف بعد التقدير تسوى 80 الف قبل الحادث
وعشرة الاف بعد الحادث يعني البنك بيطالبك بالتالي
ايجار ستة اشهر + فرق السعر قبل الحادث وبعده يعني حوالي 70 ريال ياخذها
من التأمين
هذه المعلومات من واقع قراءة وفصفصة لعقد الراجحي قبل شراء السيارة
واظن كل البنوك تتعامل بالطريقة هذي ،،
_______________________________________________
معلومة : بعض الناس فاهم التأمين غلط .. يعني يعوضوني بسيارة جديدة
المعلومة هذي خطأ الشركة تعوض البنك او شركة التأجير لإنه هو المالك للسيارة
متى يعوضونك انت ؟ لو شريت السيارة كاش وصارت بإسمك وسويت تأمين شامل
عليها ..وشكرا .

[ابوراكان تبوك]

يعني بالمختصر اللي تبحث عنه انت موضح في بنود العقد

وأسأل الله ان يجعلها خيرة لك

[الصيادالمليح]

أفادك أبو راكان بكل شيء و الأهم مراجعة بنود عقدك مع الشركة اللي اخذت منها السيارة