الفزعه من راعيين الفتك

[محمد1233]

السلام عليكم ورحمة الله وبركاته
يالربع عندي مشكله في فتك 2004 لي جيت احط القير ف d او rوانا دايس بريك تبدا السياره ترجف وعداد ال rpm ينزل قريب الصفر بس ما تطفي السياره وعزم السياره اضعيف جدا في 1 او rيعني اذا في رصيف اصغير قدامي ما يمشي الموتر ولو اضغط الريس حده اما التغييرات والعزم فالخط ممتاز غيرت ثروتل ونظفت بخاخات وغيرت زيت القير وغيرت البلف اللي فالقير كان مسدود وغيرت بواجي الصراحه في تحسن بسيط بس للحين المشكله موجوده وحتى الوكاله ما اعرفو وقالوا لي ابدل كمبيوتر وضفيره وثروتل وصلوا لي القيمه ل 15000 وقالوا بعد ما نضمن انه الخلل بيروح ابي فزعتكم يا راعيين النياسيين مع العلم انه انا من قطر وما عندنا كراجات كثيره متخصصه فالفتك

[Hbk]

ممكن تحتاج ميزان ديلكو
كيف تعرف ذلك = صرف زائد للبانزين عزم ضعيف ف قومة السياره ركذلك ارتفاع ف حرارة السياره حتى لو لم يكن كثير
اذا وزنت الديلكو حتى الار بي ام بيرتفع ولا توزنه الا ليزر
وبالتوفيق للك

[الكارثة]

الارت بدي تعبان عندك والبطارية حجمها اصغر ونفس الشي ديلمت جرج تعبانه

الأشياء هاي الي ذكرتها هيه تسبب ضعف في الاربي ام والكهرباء

[محمد1233]

الله يجزاكم خير يالربع بجرب اللي قلتوه وبقولكم

[YUKON_GMC]

مشكلتك عدم صفاوه في المكينه .. وهذي مسبباتها كثيره

ممكن ضعف في حساس قربة الهواء او منظم الهواء او فلتر الهواء او تنسيم بالثلاجه اوضعف كهرب او ضعف بتوصيل الشراره والاسباب كثيره


لكن بدون خساير فحص كبيوتر ب 100 ريال تفصليلي يبين معك وين الخلل ووين الضعف ووش سببه وكود العطل بدل الحوس والتغيير بدون تاكد والخساير اللي مالها سنع

وفيه ناس متخصصين في البرمجه رح لهم يبرمجون الكمبيوتر ويرفعون الكهرب ويبين عندهم وين المشكله بالضبط .. لو كمبيوتر بسيط تاخذه من التشليح ب 500 ريال وتبرمجه وتركبه

[ابوسند9]

وعليكم السلام
اخوي محمد شيك على اربع حاجات وان شاء الله ما يطلع منها
الاول هوز او خرطوش فلتر الهواء الخارج للمكينة لايكون مخروم من الاسفل
الثانية , شوف بجانب فلتر الهواء بالرفرف علية فيوزات كبيره ,فيها عدد 5 فيوزات بدل ذا اللون البني واللي بجانبة الازرق
ثالثا طرمبة البنزين
رابعا فلتر الهواء

[محمد1233]

مشكورين ومااتقصرون يالربع على مروركم وفزعتكم ومو غريبه عليكم يالاجاويد
اخوي hbk وزنتوالدلكو ليزر ولا فاد مع انه كان اشوي مفتر
اخوي جمس يوكون هذا كان اول شي سويته وديت السياره فحص كمبيوتر عقب ما غيرت الثروتل والبواجي والبخاخات ما طلع فيها اخطاء
اخوي بوسند انشالله بغير اللي قلت لي وبركب فلتر الشركه وبشوف اذا فيه تسريب وبغير الفيوزات اللي قلت لي وانشالله يضبط مشكورين مره ثانيه على نصايحكم يالربع والله يجزاكم الف خير

[محمد1233]

اخوي الكارثه السموحه نسيت اعلق على شورك البطاريه جديده وشيكت على دينمة الجارج امورها طيبه وما قد عانيت ويا كهربة السياره اما الارت بدي ما عرفت اشلون اشيك عليه والشكر موصول لك يالغالي

[Hbk]

نظفت الثروتل؟
اذا مانظفته خذ للك بخاخ اي سي ديلكو وافتح الخرطوش حق الفلتر ونظفه والسياره طافيه مع قطعة قماش علشان تمسح اثار البخاخ
وان مافاد بيتحسن معك باذن اللله والبوابه الي بداخل الثروتل بخ عليها وحاول تفتحها لين الاخر وتسكرها بس بتئني
وموفق خير