اللغز .. سهلٍ ( يالدواهي ) . قياسِه . صوتي 54....الحل:ال مخراف...حله:مناحي العايد

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز صباحي خفافي اتمنى ان يحوز رضاكم

نزيده ياعل يقيض له الله من يبيده


اللغز .. سهلٍ ( يالدواهي ) . قياسِه ..........
.......... خصٍ على اللي ياخذ اللغز بمعان
عن الذي .. روس العذارى اساسِه ..........
.......... يرجع لهن والبطن .. بطنٍ لجوعان
منهن يرد ياهل الحجا . والبهاسِه ...........
.......... منهن يرد والبطن .. بطن . لشبعان
ما بالبطن . يظهر اذا طش . راسه ..........
.......... ما بالبطن .. كلٍ غدا فيه . طمعان
هذا . عن اسمه . ياقوي الفراسه ..........
.......... بالنت .. لاقيته . ونا فيه .سمعان

http://a.top4top.net/m_287pume0.m4a (http://a.top4top.net/m_287pume0.m4a)

مع تحيات ابو ماجد

منتديات مكشات . خيمة الالغاز

[يمكن شاعر]

عليكم السلام
صح لسانك ي غالي لاهنت
ممكن مقصدك
الختم والعلبه اللي فيها حبر اسمها محبره او اسطبنه يرجع اذا بطنه فاضي من الحبر ويشبع من الحبر من روسهن
خخخخخخ لادقق على الشرح ي غالي غصب اجبر الرمعه خخخخخ

[راعي العجراء]

صح السانك ابوماجد

رنعه
البرواز وروس العذاراء الابر
ويسحب دم وهو فاضي ويرد يشبع
واسلم وسلم ومع السلامه

[حمد؟؟]

صح لسانك ابو ماجد


ماشاء الله تبارك الله

ومحاولة رمعه


فنجان القهوه او فنجال القهوه

والعذاراء الدلال


والبطن بطن الفنجال يرجع للقهوجي ولدله فاضي


ويرد من القهوجي وراس الدله ملينا

[ابو ماجد 2]

يمكن شاعر
راع العجاء
النابغه
المعذره للرد الجماعي
صحت ابدانكم جميعا
شرفتوني
واللغز لايزال طليق

[badr2003]

صح لسانك يابو ماجد

محاولة مع الربع
http://sahatbly.com/up/download.php?img=3054

[ابو ماجد 2]

صح لسانك يابو ماجد

محاولة مع الربع
http://sahatbly.com/up/download.php?img=3054




هلا بالداهيه
صح بدنك
ماصادت يالغالي
وياليت اللي يرمع اما يرفق صوره كما فعلت انت او يشرح الرمعه
فالمسميات قد تختلف من منطقه لاخرى

[يمكن شاعر]

يرجع فاضي للبنات ويروح مليان
ممكن مقصدك
الدلو والسواني الدلو يرجع فاضي ويطلع مليان بالماء

[ابو ماجد 2]

يرجع فاضي للبنات ويروح مليان
ممكن مقصدك
الدلو والسواني الدلو يرجع فاضي ويطلع مليان بالماء

هلا بالرادار
سبحان الله هاللغز توقعته مايعوق ويرمع
ولغز شارب شنب توقعته يطول وانحل من اول رامع
لايزال طليق يالغالي

[حمد؟؟]

هلا بالرادار
سبحان الله هاللغز توقعته مايعوق ويرمع
ولغز شارب شنب توقعته يطول وانحل من اول رامع
لايزال طليق يالغالي



والله يابوماجد هلغز معجبني ولاني غافل عنه

وفيه رمعات كثير طرت على بالي منها السواني ودلو

وصفاي القهوه والتلفريك والاصنصير وحمال لبولنج



لاكن سبحان الله تركيبت هلغز عندي تفر المخ شوي


مادري شلون اعبر عن اللي اشوفه لاكن فيه كلمه


في اللغز فارتن مخي اكثر ولاني موضحا عشان ماتوضح نهائي



لاكن الله يجيب رمعه

[ابو ماجد 2]

والله يابوماجد هلغز معجبني ولاني غافل عنه

وفيه رمعات كثير طرت على بالي منها السواني ودلو

وصفاي القهوه والتلفريك والاصنصير وحمال لبولنج



لاكن سبحان الله تركيبت هلغز عندي تفر المخ شوي


مادري شلون اعبر عن اللي اشوفه لاكن فيه كلمه


في اللغز فارتن مخي اكثر ولاني موضحا عشان ماتوضح نهائي



لاكن الله يجيب رمعه

هلا بالنابغه
معك حق وما يغلب على ظني انها نفس الكلمه اللي تحدد رمعته
ولو كان اللغز مقصور على ياتي فاضي ويرد مليان فياكثر من ينطبق عليه اللغز
انتظر مرماعك القادم

[حمد؟؟]

محاولة رمعه

العذاراء السنه

والولد الجنزير لسيكل وفتحاته على السنه

ومثله

صحن الميزان الازرق

[ابو ماجد 2]

محاولة رمعه

العذاراء السنه

والولد الجنزير لسيكل وفتحاته على السنه

ومثله

صحن الميزان الازرق
هلا بالنابغه
لايزال طليق يالغالي
ولعلي ازيد مايقرب رمعته

[مناحي العايد]

صح لسانك يالعود
محاوله
السله اوالزبيل اللي يسوا من سعف النخيل
روس العذاراء اساسه مصنوع من السعف في راس النخله
يرد لهن فاضي اذا طلع المزارع يصرم الرطب ويرجع مليان اذا ملاه من الرطب

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز صباحي خفافي اتمنى ان يحوز رضاكم

نزيده ياعل يقيض له الله من يبيده


اللغز .. سهلٍ ( يالدواهي ) . قياسِه ..........
.......... خصٍ على اللي ياخذ اللغز بمعان
عن الذي .. روس العذارى اساسِه ..........
.......... يرجع لهن والبطن .. بطنٍ لجوعان
منهن يرد ياهل الحجا . والبهاسِه ...........
.......... منهن يرد والبطن .. بطن . لشبعان
ما بالبطن . يظهر اذا طش . راسه ..........
.......... ما بالبطن .. كلٍ غدا فيه . طمعان
هذا . عن اسمه . ياقوي الفراسه ..........
.......... بالنت .. لاقيته . ونا فيه .سمعان

http://a.top4top.net/m_287pume0.m4a (http://a.top4top.net/m_287pume0.m4a)

مع تحيات ابو ماجد

منتديات مكشات . خيمة الالغاز

[يمكن شاعر]

لاهنت ي غالي
الـ معسل وروس العذارى شيش التدخين
دون الراس
عسل والمعسل يخلط به العسل الاسود


وسلامتك

[ابو ماجد 2]

لاهنت ي غالي
الـ معسل وروس العذارى شيش التدخين
دون الراس
عسل والمعسل يخلط به العسل الاسود


وسلامتك
هلا بالرادار
كنت حريص ان لا العب على مسماه لاعتقادي ان المسمى قد لايكون مشهور
لكن تعذر حله دفعني لذلك خاصة بعد ماوجدت مسماه بقوقل
تفكير حلو
ولو ان رفيقنا بالعكس يملا بطنه منهن

[يمكن شاعر]

محاوله ي غالي
الـ ملبن مثل الوعاء الحديدي يضعون فيه الالبان
روس العذارى اضراع الابل والاغنام يجيبون الملبن ويملونه منهن يجيهن خالي ويروح مليان
من غير راسه
لبن واللبن داخل الملبن وكلن يبيه الصغير والكبير

[عضو مشارك]

محاولة يا ابو ماجد
دام فيها عذارى احمر الشفايف الي يجي على شكل قلم يفر اذا تقدم يصير فاضي واذا رجع يصير مليان

[الدمرجي]

صح لساانك ملاااين يابوماجد


وشرايك

http://www.3rbz.com/uploads/af7e3c310c161.jpg (http://www.3rbz.com/)مركز (http://www.3rbz.com/) تحميل الصور[/URL]

[عليق بري]

صح لسانك يا بو ماجد ..
دام عزك وابداعك ...


ما رديت على رمعة الغالي مناحي رقم 14 ..

[حمد؟؟]

محاولة يالغالي

وشرايك في الاناء اللي يجمعون في المطاط


من شجر المطاط مدري من وين يصنع لاكن متوقعه ن نفس الشجره

[ابو ماجد 2]

الاخوة الافاضل
مرحبا فيكم جميعا
شرفتموني بحضوكم والمعذره لانشعالي اليوم
عليق بري
الحمد لله على السلامه
حمد رمعتك رائعه ولكن يبقى مطلوبي ساسه من روس العذارا واسمه اذا زيح راسه نفس اللي ببطنه اذا عود منهن
اما اجهزعليه او ننتظر شريك لك
الرادار . رمعتك حلوه ولكن الملبن حسب علمي لعمل طين اللبن
http://static2.ealriyadh.com/media/cache/33/7d/337d1a23559912f58247a68f3b23772c.jpg

وايضا وجدت بقوقل نوع من الحلاو يسمى الملبن واسمه عندنا حلقوم

https://3.bp.blogspot.com/-3xpEvaqlALk/VONuaZL4gYI/AAAAAAAAJvc/tYpLBITcrmM/s1600/158794_mn66com.gif

[يمكن شاعر]

لاهنت يابوماجد المسميات تختلف عندنا وعندكم كثيره
اما بالنسبه للملبن مسماه عندنا وهذا في معنى القاموس كذالك
المِلْبَنُ : اسم آلة من لبِنَ : مصفاة اللَّبن
المِلْبَنُ : وعاءُ اللَّبَنِ
المِلْبَنُ : قالبُ اللَّبِن
المِلْبَنُ : ما يُنقَل فيه اللبِن
المِلْبَنُ : : مِحْلَبٌ يُحْلَبُ فِيهِ اللَّبَنُ

[ابو ماجد 2]

لاهنت يابوماجد المسميات تختلف عندنا وعندكم كثيره
اما بالنسبه للملبن مسماه عندنا وهذا في معنى القاموس كذالك
المِلْبَنُ : اسم آلة من لبِنَ : مصفاة اللَّبن
المِلْبَنُ : وعاءُ اللَّبَنِ
المِلْبَنُ : قالبُ اللَّبِن
المِلْبَنُ : ما يُنقَل فيه اللبِن
المِلْبَنُ : : مِحْلَبٌ يُحْلَبُ فِيهِ اللَّبَنُ
هلا بالرادار
المسميات تختلف من منطقه لمنطقه بل بالمنطقه الواحده
اذكر سويت لغز عن الكشمش

https://encrypted-tbn1.gstatic.com/images?q=tbn:ANd9GcTdI_PfaL0b8B5NUihCDG_8CWZRqg_-6Ah-IxP9Gy41RLiwukJmeNbevLs

فوجدت زميل لنا وهومن اهل الرس اي من نفس منطقتنا القصيم لايعرفه فمسماه عندهم خرفشان وزميل آخر يسمونه سيسبان
الف شكر للمعلومه ولكن مااعنيه ساسه روس العذارا اللي يزاورهن

[يمكن شاعر]

لاهنت ي غالي
الصوره اللي حاطها صوره من فصيله اللوز
الكشمش عندنا العنب المجفف خخخخخخخخخ شفت كيف المسميات

عموما ممكن
ممكن مطلبونا يخص التمر والرطب مثل المقداع او اناء او وعاء للنخيل يوضع فيه الرطب والرطب كلن يبيه

[ابو ماجد 2]

النابغه . الرادار
لله دركما
كفوووووووووووووووووو كفووووووو
كفووووووووووووووووووووووووو كفوووووووو كفوووووووو
نعم
المخراف

https://encrypted-tbn0.gstatic.com/images?q=tbn:ANd9GcTv_SpzRjtgYBKHBVIXxnPNDU4lUQWb8 JdbGeMOLzCYYKV57UL1

https://i.ytimg.com/vi/iwOsJJO7FP0/hqdefault.jpg

وساسه من روس النخل وبالذات من سعف النخيل (الخوص )

https://scontent.cdninstagram.com/t51.2885-15/e15/11357385_879798525446731_1934054950_n.jpg?ig_cache _key=MTAxOTQyNTgxMjEwMjc2ODIzOQ%3D%3D.2

لو راح راسه يبقى خراف وما يجنى من الرطب يسمى خراف

[ابو ماجد 2]

لاهنت ي غالي
الصوره اللي حاطها صوره من فصيله اللوز
الكشمش عندنا العنب المجفف خخخخخخخخخ شفت كيف المسميات


عموما ممكن
ممكن مطلبونا يخص التمر والرطب مثل المقداع او اناء او وعاء للنخيل يوضع فيه الرطب والرطب كلن يبيه
نعم هو اللوز ويسمى الفول السوداني
يعني مشروع لغز قد يشتت ذهن الرادار لكثرة سماياه
ولو انك ماشاء الله مايشتت ذهنك اي لغز

[مناحي العايد]

صح لسانك يا بو ماجد ..
دام عزك وابداعك ...


ما رديت على رمعة الغالي مناحي رقم 14 ..
بيض الله وجهك اخوي عليق
والعود الظاهر تفكيره منشغل مع الرواتب والابراج هههههه
ومشكور على تأييدك يالغالي

[يمكن شاعر]

لاهنت يابوماجد
وصح لسانك ملاييين ي غالي
واللغز حله مناحي العايد في مشاركه
رقم اربعه عشر
صح لسانه وفكره

[ابو ماجد 2]

صح لسانك يالعود
محاوله
السله اوالزبيل اللي يسوا من سعف النخيل
روس العذاراء اساسه مصنوع من السعف في راس النخله
يرد لهن فاضي اذا طلع المزارع يصرم الرطب ويرجع مليان اذا ملاه من الرطب
مناحي مبدعنا
العذر منك يالغالي وحقك على العود
مدري ويش اللي خلان مااشاهد مشاركتك
والحل عندك
لي رده والرد من الثابت ان شاء الله تعالى

[ابو ماجد 2]

يالربع العذر منكم جميعا
والعذر خصوصا من حبيبنامناحي
والله مدري وش اللي خلاني مانتبه لمرماعه
حتى عليق ماشاء الله استشعر ورود الرمعه ونبهني لكن ظننته يقصد رمعة القرقور
اخوي مناحي انا صابر بالحق واللي تامر فيه على الراس
وما قول الا
كفوووووووووووووووووووو كفوووووووووو كفووووووووو
نعم
المخراف
لله درك وصح لسانك ملايين
والعذر من اخواني ابو طيف والرادار

[حمد؟؟]

كفوووووووووووو كفوووووووووووو كفوووووووووووووو

الاخ مناحي

ماشاء الله تبارك الله اتى بالحل قبل الزياده



ويالعود بقولك الكلمه اللي لعبت في مخي


هي اساسه


والله يعطيك العافيه وكل من شارك

[ابو ماجد 2]

بيض الله وجهك اخوي عليق
والعود الظاهر تفكيره منشغل مع الرواتب والابراج هههههه
ومشكور على تأييدك يالغالي

هلا بك يالغالي
والله المخ مفتر هاليومين
والرواتب انا متقاعد مالي علاقه بدل النقل وخلافه يعني مريحن راسي حتى ربطه بالابراج لايعني هذا لي كثيرا والحمد لله على فضله
ولعلي اصد عن الالغاز او اقلل الدخول كم يوم لعل الدميجه تصفي