تجاربكم واقتراحاتكم لشراء خيمة الشقردية من القاضي للخيام

[قفشر]

السلام عليكم ورحمة الله وبركاتة
اخواني اعضاء مكشات محتاج اخذ من تجاربكم ونصايحكم بالنسبة لخيمة الشقردية
هل هي عملية وتنفع للكشتات او حتى النوم فالهواء او المطر لان سعرها 1075 ريال من الوكيل
انا جربت البيرق 4 متر ممتازة هواء ومطر ما شاء الله لاكن عيبها الثقل وتاخذ مكان فالسيارة
محتاج خيمة خفيفة وسهلة فالنصب والفك.

[خالد الشمري20]

وعليكم السلام ورحمة الله وبركاته


يفيدونك الأخوان أن شاء الله

[نفح البرادي]

السلام عليكم

انا خذتها وللحين ماجربتها .. وبخصوص الهوى الشديد تقدر تذريها ورى موترك ..اما في وقت المطر خل اتجاه المطر في ظهر الخيمة عشان لافتحت بابها ماتخر عليك .. وعندك شبيهتها خيمة المرباع .. او خيمة العقيلات رائعة جدا .. وافكر اخذها بغد ما اجرب الشقردية بإذن الله .. الله يوفقك

[الرحال2222]

عندي نفس الرغبه بشرائها وشايف سعرها كل شوي يزيد ومحتار هل تستاهل ذا السعر

[ابوحمد5]

بشكل عام

كل منتجات القاضي جودتها لايعلى عليها ممتازه وفوق الممتازه شوي

لاكن الخيمه ذي بالتحديد ماجربتها
وشكرا

[أبو نادر.]

السلام عليكم

انا خذتها وللحين ماجربتها .. وبخصوص الهوى الشديد تقدر تذريها ورى موترك ..اما في وقت المطر خل اتجاه المطر في ظهر الخيمة عشان لافتحت بابها ماتخر عليك .. وعندك شبيهتها خيمة المرباع .. او خيمة العقيلات رائعة جدا .. وافكر اخذها بغد ما اجرب الشقردية بإذن الله .. الله يوفقك

وش نظرك خيمه المرباع ولا خيمه الشقرديه من ناحيه القماش تتحمل البرودة دافئه داخليتها ووزنها مناسب وجمالها يتحمل المطر

[موتر بر]

الشقردية لها سنه معي. ممتازة جدا و وذفه. ووزنه خفيف

[أبو نادر.]

الشقردية لها سنه معي. ممتازة جدا و وذفه. ووزنه خفيف

كيف مع المطر تتحمل ولا تخر ما
وتتحمل الهواء ودافئيه داخل الخيمه ؟؟

[أبو شيري]

هالسنه فيه أفضل وهي خيمة المكشات 3 في 3 من القاضي

نفس الشقرديه بس مطوره أفضل وعليها تخفيض ويجي معها فراش نوم الربيع هديه بـ 1099 ريال أما الشقرديه بعد التخفيض بـ 825 ريال


الفرق عن الشقرديه أوسع من الاعلى وقماش الارضيه أجود والهيكل الداخلي للحديد اجود وملبس أنبوي بلاستيك

[FreeNokia]

هالسنه فيه أفضل وهي خيمة المكشات 3 في 3 من القاضي

نفس الشقرديه بس مطوره أفضل وعليها تخفيض ويجي معها فراش نوم الربيع هديه بـ 1099 ريال أما الشقرديه بعد التخفيض بـ 825 ريال


الفرق عن الشقرديه أوسع من الاعلى وقماش الارضيه أجود والهيكل الداخلي للحديد اجود وملبس أنبوي بلاستيك

للتوضيح
الشقرديه بعد التخفيض بـ 825 ريال مقاس 2.5 في 2.5
وأما 3 في 3 فهي ب 1075 على ما أعتقد
وبرأيي الشخصي الشقردية أسهل في الفك والتركيب والتسفيط ويمكن لشخص واحد بسهولة عملها

[كرم نت]

السلام عليكم
تم تجربة خيمة الشقردية بالنفود
التقييم 8 من 10
الميزة سهلة التركيب والطرق ولها طريقة طرق يكون الإطار أصغر
العيوب : في الهواء الشديد تنصفط الخيمة وتحتاج توفير أطناب إضافية لحبال الزوايا

وخيمة المكشات أفضل من الشقردية لإتساعها من الأعلى
تحياتي