بطارية سيارة منقوله بديله لبطارية السيارة لاستخدامها بالبر ؟؟!!!! رأيكم

[الو11111في]

السلام عليكم
يااخوان انا قررت اشتري بطارية جديدة واخليها بالبيت واذا نويت اطلع استخدمها بدل بطارية السيارة
علما ان استخدامي فقط لمبة سنارة تقريبا 20 واط

وبخصوص اعادة شحنها ناوي اركبها لمدة يوم او يومين في سيارتي الاخرى حتى تعيد الشحن

هل رأيكم الفكرة هذي مجدية ام لا ؟؟ ومالبديل

علما اني لااستطيع تركيب بطارية اضافية داخل السيارة لانه يسبب مشكلة في الضمان حسب كلام مهندس الوكالة لي

[رمال الشمال]

خير ما سويت وشبك عليها الكنود ..

[هاوي الجكس]

وعليكم السلام والرحمه

من ناحية يروح الضمان .. اعتقد والله العالم انه ماله حق يقول هالكلام واذا قام يخبنق عليك بالتجارة طال عمرك

اما ناحيه تشتري بطاريه ثانية .. اشوفها شغله والله فك وركب

افضل حل .. اما تركب بطارية اضافية او تركب بطارية لاتقل عن 100 امبير

[أبوصالح9]

ركب بطارية اعلى امبير من بطارية سيارتك واسترح - مثلا بطارية موترك 80 امبير ركب 105 ولا تحتاج ترهم بطارية ولا تفك ولا تركب - البطارية الاضافية مالها داعي ابد سواء يشمل الضمان او لا - عندي لمبات وثلاجة وجهاز ايكوم وبطاريتي اساسية والحمد لله - خل كهرب الموتر على وضعه لاتلعب فيه - وخل معك جهاز متنقل للشحن في حال لو احتجته من غير شر-- وصلى الله وبارك

[الو11111في]

الله يجزاكم خير على التفاعل

لكن السؤال
هل في ضرر على الكهرباء او الدينمو في حال ركبت بطارية اعلى امبير ؟

[ريان2002]

الله يجزاكم خير على التفاعل

لكن السؤال
هل في ضرر على الكهرباء او الدينمو في حال ركبت بطارية اعلى امبير ؟

تركيبك لبطاريه أكبر مثل تغيير تانكي البنزين بتانكي أكبر ومانها ضرر نهائياً لا على الدينمو ولا غيره

[بربنجي]

الله يجزاكم خير على التفاعل

لكن السؤال
هل في ضرر على الكهرباء او الدينمو في حال ركبت بطارية اعلى امبير ؟

ما عليش يا اخوان الاخ ريان 2002 جاوب على السؤال لكن نبي تاكيد زياده من باب الحرص

[خيال الغلبا]

نصيحة لوجه الله

اذا كنت من اهل الكشتات الكثيره

ماينفع لا بطاريه منقوله ولا ثابته انا جربت كل الثنتين والجميع غير عملي

وجدت احسن حل تركيب دينمو جديد وكاله يشحن البطاريه الاضافيه المثبته في الكبوت

وغيرها ماينفع

[خيال الغلبا]

يعني اذا بتركب بطاريه اضافيه ضروري تركب دينمو إضافي

لان دينمو السياره الأصلي مايتحمل بطاريتين

[faisal98]

السلام عليكم

راجع هالرابط يمكن يغنيك عن شراء البطارية ويقضي لزومك

http://travelmate.com.sa/str/index.php?route=product/product&path=63_72&product_id=338

[faisal98]

وهذي بعد
https://www.youtube.com/watch?v=SLD9qOWnjdU&spfreload=10

https://www.youtube.com/watch?v=ZvjG9oq7wLE

[الو11111في]

اشكر كل من شارك وأسأل الله ان يكتب لكم السعادة في الدارين


اشتريت بطارية 70 امبير
وطلعت ثلاث مرات وشبكت عليها السنارة بمعدل تقريبا 6 ساعات
والحمد لله
الى الان لم اقم بشحنها

[الرحال2222]

السيارات الجديدة اللي معتمدة على كمبيوتر تكون مبرمجة على قوة بطاريه معينه لو تغيرت القوة راح يتغير برمجة الكمبيوتر ويطلع لك فيه مشاكل

[rahall]

البطارية المتنقله أفضل بكثير من البطارية الإضافيه الثابته
لاكن يجب توخي الحذر في عملية شحنها وكذلك في عملية التنقل فهي تحتوي على مادة الأسيد الخطيره جدا ويجب التعامل معها بحذر شديد
وتجنب حدوث تماس بين الوصلات
كل هذه الأمور يجب أن تؤخذ بعين الاعتبار
فالسلامه والأمان هي الأهم
أنا أستخدم البطارية المتنقله 35 أمبير وأشغل عليها لمبات وتلفزيون ورسيفر لي أكثر من سنه

[الو11111في]

البطارية المتنقله أفضل بكثير من البطارية الإضافيه الثابته
لاكن يجب توخي الحذر في عملية شحنها وكذلك في عملية التنقل فهي تحتوي على مادة الأسيد الخطيره جدا ويجب التعامل معها بحذر شديد
وتجنب حدوث تماس بين الوصلات
كل هذه الأمور يجب أن تؤخذ بعين الاعتبار
فالسلامه والأمان هي الأهم
أنا أستخدم البطارية المتنقله 35 أمبير وأشغل عليها لمبات وتلفزيون ورسيفر لي أكثر من سنه

مانوع المحول الذي تستخدمه ياغالي ؟؟

لأن ناوي اشغل التلفزيون على البطارية
وهل يوجد صحن دش متنقل وصغير ؟؟


حفظك الله

[rahall]

مانوع المحول الذي تستخدمه ياغالي ؟؟

لأن ناوي اشغل التلفزيون على البطارية
وهل يوجد صحن دش متنقل وصغير ؟؟


حفظك الله

حياك الله يا اخوي
عندي اكثر من محول كهرباء لاكن اكثر استخدامي
لمحول ابو 150 واط العادي
وصحن الدش بحثت عنه كثير ولا حصلت اصغر وافضل واحد الى في السوق الصيني بدبي
والتلفزيون 21 بوصه ليد استهلاكه للكهرباء قليل
يعني مجمل استهلاك الكهرباء عندي لا يتجاوز 30 واط مقارب لإستهلاك لمبة السناره

هذي الصوره للتوضيح

http://d.top4top.net/p_3027gf840.jpg (http://up.top4top.net/)

[ابونواس01]

السلام عليكم
يااخوان انا قررت اشتري بطارية جديدة واخليها بالبيت واذا نويت اطلع استخدمها بدل بطارية السيارة
علما ان استخدامي فقط لمبة سنارة تقريبا 20 واط

وبخصوص اعادة شحنها ناوي اركبها لمدة يوم او يومين في سيارتي الاخرى حتى تعيد الشحن

هل رأيكم الفكرة هذي مجدية ام لا ؟؟ ومالبديل

علما اني لااستطيع تركيب بطارية اضافية داخل السيارة لانه يسبب مشكلة في الضمان حسب كلام مهندس الوكالة لي
السلام عليكم ....اخي انا جربت أنواع عديده من البطاريات المتنقله .. العام الماضي أشتريت بطارية الصحراء المتنقله من محل بالرس في القصيم ووصلوها لي بالرياض ..أنصحك فيها .. مجربة لعدة كشتات .. تنفع تسوي إشتراك للسياره وتولع فيها لمبات ليد وتشحن أجهزه جوال ولاب توب ..هذي صورتها وموقع المحل

http://www.banyzaid.com/vb/t121001.html

[بربنجي]

لست خبيرا للامانه لكن الاهم في هذا الموضوع انه لما اركب بطارية اضافية ما تحوس لي كهرباء السيارة ولا تخرب علي الدينمو ولا البطارية الاساسية خاصة اذا ركب شخص عليمي
في نظري المتواضع ان وجدت بطارية تشحنها بالبيت وتكون صناعة ممتازه مثل الصناعة الامريكية او الاوروبية القوية وتخليها فقط احتياط لشحن بطارية السيارة اذا تعطلت عليك لا قدر الله
اما انك تشغل تلفزون او لمبات وغيرة ما انصح الا اذا كان معك جهاز شحن اخر لهذه الاشياء
لانه تعطل بطارية السيارة اهم من ان اشغل لمبة او تلفزون خاصة اذا كنت في مكان بعيد ومقطوع

والله يحفظنا واياكم

[واطي الجمرة]

يالربع الرجال يقول استخدامه لمبه 20واط

انا انصحك الاتشتري ولا ترهم وبطاريتك تكفي وزياااااااده

[ابو نايوفيتش]

يالربع الرجال يقول استخدامه لمبه 20واط

انا انصحك الاتشتري ولا ترهم وبطاريتك تكفي وزياااااااده


كلام سليم ، 20 واط ماهي شيء ، ولا يحتاج بطارية ولا ترهيم ، بطارية السيارة تكفي وزيادة

[فؤاد الزهراني]

السلام عليكم
يااخوان انا قررت اشتري بطارية جديدة واخليها بالبيت واذا نويت اطلع استخدمها بدل بطارية السيارة
علما ان استخدامي فقط لمبة سنارة تقريبا 20 واط

وبخصوص اعادة شحنها ناوي اركبها لمدة يوم او يومين في سيارتي الاخرى حتى تعيد الشحن

هل رأيكم الفكرة هذي مجدية ام لا ؟؟ ومالبديل

علما اني لااستطيع تركيب بطارية اضافية داخل السيارة لانه يسبب مشكلة في الضمان حسب كلام مهندس الوكالة لي





أخوي الو11111في (http://www.mekshat.com/vb/member.php?224903-الو11111في)

حسب ما فهمته منك إنك تبي تشتري بطارية خارجيه اللي تجي في صندوق ومجهزه بالكامل

أو بطاريه عاديه وكل هذا بس عشان تشغل عليها لمبة السناره فقط هل هذا صحيح؟؟؟؟


إذا كان تبي تشتري بطاريه خارجيه عشان لمبة السناره فقط فأنا أقول لك أنت غلطان

اللي أنصحك فيه لمبة السناره حقت الشمالي ما تسحب إلا شيء ضئيييييل جدا من البطاريه 16 إلى 17 واط فقط

وخلك كل ساعه تشغل السياره عشان تشحن البطاريه وذلك بعدما تطفي اللمبه قبل ما تشغل السياره

أما تشتري بطاريه عشان لمبه بس فأنا غير مؤيد لفكرتك نهائياً ولك أن تسأل من هم أخبر مني في هذا المجال


وفقك الله



أخوك/ أبو أحمد