هذي ..... عزبة الطبخ لمن اراد تجهيزها

[البّري]

السلام عليكم ورحمة الله وبركاته





هذا اجتهاد من اخوكم يعرضه امامكم لمن اراد تجهيزعزبة للطبخ كافية وافية



وترها من واقع تجربه



واعذرونا ان حصل تقصير





الأخوة الأعزاء



لقد تم تصوير العزبة وبعد عناء وقل معرفة بتحميل الصور ارفقها لكم



ارجو ان تنال اعجابكم واعذرونا من التقصير اول مرة احمل صور









http://www.mekshat.com/pix/upload/images27/mk40042_11.jpg







http://www.mekshat.com/pix/upload/images27/mk40042_22.jpg





http://www.mekshat.com/pix/upload/images27/mk40042_33.jpg





http://www.mekshat.com/pix/upload/images27/mk40042_44.jpg







http://www.mekshat.com/pix/upload/images27/mk40042_55.jpg







2- قدر ضغط واحد15 وواحد7

2- صحن وسط وان كان انك تبي موكر(الصحن اللي له قاعده)بس يضيق

1- مس (ملاس)

3- ملاعق خشب

3-سكاكين مقاسات منها واحد طويلة للذبح واحده قصيره للتقطيع

1-مقص صلصه

3-طاسه (غضاره)أو(غرشه)حسب اللهجه واحده كبيره (لغسيل الرز او للحليب اذا لقيت بعارين)وثنتين للشرب

1-فاض(قطاعه لوح خشب او بلاستيك)لتقطيع اللحم اوالبصل او الطماط

1-خلاط عجين وهي من الحديد تحرك باليد على ترس (تراها قديمه ويستعاض بها الان في البيوت بالكهربائي)مهمه ولها اوقاتها (للمصابيب)

علب للبهارات والملح ستيل او قزاز(برطمان حق الجبن السايل)والستيل افضل

شبك او مركب للنار وسط ويفضل اللي فيه اجنحه علشان الشوي

6-اسياخ شوي وخاصة اللي لها مقبض خشبي وهي مسطحة كبيرة وليست مبرومه (للحاجة)

2-شبك للشوي من النوع الجيد

1- مبشرة يبشر فيها الزنجبيل وغيره

1-دافور بريموس اللي يجلس داخل كرسي ( ممتاز ويتحمل الثقل)تراه- الدبه - هندي ما يجي السويدي بس الراس خذ بريموس اصلي

1- صاجه للقلقلة والشوي على الصاج وللخبز ايضا وللمصابيب

2-ولاعه

شدة كبريت

بيز وكثر من الزين اللي يوقي

قفازالنوع الممتاز وخاصة الطويل يباع عند السنيدي تراه من الجلد

ذرايه وتكون طويلة شوي وخفيفة ان حصل ولا تقل عن 9ريش او 12ريشه (عند السنيدي) لزوم الدافور او لشبة الضو في حال العجه

سماط( سفره )استخدام مرة واحده

اكياس زباله كبير الخليج اللي فيه حبل لنظافة المكان

ملقاط للضو ويكون وسط

صابون فيري وليفتين سلك واسفنج للغسيل

لفة قصدير

كشاف ولو يحصل اللي يلبس على الرأس للطبخ في الليل

مشخال وسط حسب الحاجه(اختياري)



ارجو اني وفقت في العرض اللي يرضيكم



اخوكم البري

[فـــــلاح]

قصدك الخلفات مهب البعارين

البعارين ما يجي فيها حليب هههههههههههه




ع العموم تسسسسسسسسسسلم

وبكره يبيلي اكمال الناقص من العزبة

وراي طلعة يم العودة وام صحن

[هلال المطيري]

ماقصرت كفيت ووفيت

[محمد الجويسر]

تسلم على المعلومات المفيدة

[البّري]

الاخ فلاح شكرا على مرورك و تعليقك
للمعلومية قصدت بالبعارين الجنس وليس ايها يحلب
وجزاك الله خير وكمل عزبك وانهج ترى الجو بنهاية الاسبوع يبي يصير ممتاز وامطار باذن الله

الاخ هلال شكرا على مرورك وارجو اني وفيت متطلبات العزبه

الاخ صاحب الهدد شكرا على المرور

[باب هداج]

ماقصرت كفيت ووفيت

[جنتلمان نجد]

مشاركة جميلة ..بارك الله فيكـ

وتصدق لو حطيت صور لعزبتك.. كان ياسلام سلم ..

[البّري]

باب هداج شكرا على المرور والتعليق تسلم يالغالي

جنتلمان نجد شكرا على المرور
صدقت اخوي ولكن ماعندي كاميرا وان حصلتها فابشروا باللي يسركم اسلم لاخوك


ولا نستغني من اضافت اذا كان هناك اضافات

جزاكم الله خير

اخوكم البري

[ريم البراري]

جزاك الله خير اخوي على الموضوع
لي ملاحظة:


(قطاعه لوح خشب او بلاستيك)لتقطيع اللحم اوالبصل او الطماط)


يفضل دائما استخدام قطاعة خاصة باللحم وثانية خاصة بالخضار وخاصة التي تستخدم للخضار التي لن يتم طبخها مثل خضار السلطة.لان اللحوم وخاصة الدجاج يوجد فيها نوع من الميكروبات تنقل للأنسان عند عدم الطهي وهي تكون موجودة على القطاعة حتى لو تم غسلها.وعند تقطيع الخضار تنتقل لها فتنتقل للأنسان عند أكلها.

[بداح العنقري]

0كفيييييييت وفييييييييييييييييت وما قصرت0

[البّري]

الاخت بنت الرس شكرا على المرور والتعليق

على العموم القطاعة ليست للحوم بل هي للبصل والطماط والخضار انما هي تعرف انها للحوم
جزاك الله خير على التنبيه ولا نستغني عن مثل هذه الملاحظات

الاخ الذيب سرحان جزاك الله خير على المرور



اخوكم البري

[abu_anas_h]

البري ما قصرت وأنا أخوك

وملاحظتك بأن القطاعات يكون شي خاص باللحم وشي خاص بالطماط والبصل أنا أقول كثير من الأشياء بدهيا لازم يكون لكل شي منها خاص لنوع من الأنواع مثل القطاعات والسكاكين وغيرها

[البّري]

صدقت اخي ابا انس

المقصود من القطاعة انها ليست للحم هو ان اللحم غالبا في البر ما يحتاج تكسير على اللوح لوجود شقردية معك

مع ذلك لك ان تأخذ ما شئت اذا كان ما يضايقك حمله

اسلم لاخيك البري

[رياض الصمان]

عز الله إني محتاجه الحين جاء وقتها


الله يعطيك العافية ((البري))

[saag]

حاولت ادور شي ناقص ما ذكرته لكن ما شا الله عليك وفيت وكفيت

[البّري]

اخوي رياض الصمان شكرا على المرور والتعليق

هذي الساعة المباركة اللي اخدم فيها اخواني

اخوي ساق شكرا على المرور والتعليق

وللمعلومية انني احاول اصورها واعرضها هنا ولكن لم يتيسر لي حتى الآن ولعلي اقوم بتصويرها باسرع وقت

جزاكم الله خير مرة اخرى


اخوكم البري

[البّري]

الأخوة الأعزاء

لقد تم تصوير العزبة وبعد عناء وقل معرفة بتحميل الصور ارفقها لكم

ارجو ان تنال اعجابكم واعذرونا من التقصير اول مرة احمل صور




http://www.mekshat.com/pix/upload/images27/mk40042_11.jpg



http://www.mekshat.com/pix/upload/images27/mk40042_22.jpg


http://www.mekshat.com/pix/upload/images27/mk40042_33.jpg

(http://www.mekshat.com/pix/upload/images27/mk40042_44.jpg)
http://www.mekshat.com/pix/upload/images27/mk40042_44.jpg



http://www.mekshat.com/pix/upload/images27/mk40042_55.jpg


اخوكم البري

[bobnan]

نسيت اخوي غسالة الصحون ههههههههههههه
جزاك الله خير وبارك الله فيك مجهود تشكر عليه

[البّري]

نسيت اخوي غسالة الصحون ههههههههههههه
جزاك الله خير وبارك الله فيك مجهود تشكر عليه


اخوي بوبنان شكرا على المرور

ههههههههه
غسالة صحون مرة وحده !!!!!

على العموم اكثر من ثلث اللي تشوف داخل عزبة الشاهي الظاهره على يمين الصوره( الشنطة الكبيره )

جزاك الله خير على التفاعل اخوكم بالخدمه


البري

[البّري]

يرفع للفائدة ........ فقط

[محمد الجويسر]

مشكور يالغالي

[جنتلمان نجد]

ماقصرت .. موضوع متكامل ..وخاصه بعد الصور ..

بارك الله فيك

[البّري]

الأخ صاحب الهدد تشكر على المرور وجزاك الله خير


الأخ جنتلمان نجد جزاك الله خير على المرور والتعليق
ارجو اني قد افدت اخواني الأعضاء والزوار في هذا الطرح


وودت ان تكون الصور في مقال الموضوع الأول لكن لا يوجد خاصية التعديل بعد ما يكون رد تالي للرد الأول مني


وارجو من مشرفينا الآعزاء نقل الصور لمقال الواجهه لتعم الفائدة وتسهل على المتصفح

جزا الله الجميع خيرا على ما يبذلونه


اخوكم البري

[البّري]

يرفع لاطلاع الأخوة الأعضاء والزوار


وذلك بعد تعديل الأخ المشرف أيمن جزاه الله خير ونقله للصور الى الواجهة الرئيسية

أخوكم البرّي

[عجمي]

وعليكم السلام ورحمة الله وبركاتة

لاهنت على الموضوع الجميل ويعطيك الف عافية

اخوك عجمي

[البّري]

اخوي عجمي

جزاك الله خير على المرور والتعليق

اخوي لتمنى انني قد ساهمت في خدمة الآخوة في تجميع عزبة كاملة ومختصره

اخوك البرّي

[قناص-VXR]

السلام عليكم

ماقصرت كفيت ووفيت

جزيت خيراً

[البّري]

وعليكم السلام ورحمة الله وبركاته

اهلا باخوي قناص-vxr

جزاك الله خير على المرور والتعليق


اخوك البرّي

[شـهـاب]

ماشاء الله شغل متكتك

بس سراحه ما يعجبن كثر العفش خاصه بالطلعه

[maxima20009]

مشكور على الصور والمعلومات

[البّري]

اخوي شهاب

جزاك الله خير على المرور والتعليق
للمعلومية أن هذه العزبة ليست كثيره وأكثر اللي تشوف داخل عزبة الشهاي الشنطة الكبيرة اللي على يمين الصورة

وللعلم ايضا نني لا احب كثر العفش لكن ما قدرت أوفق بين كمال العزبة واختصارها الا في اللي تشوف
لك تحياتي

اخوي maxima20009
جزاك الله خير على المرور والتعليق

اخوكم البرّي

[إعصار]

ماشاء الله تبارك الله ...


عزبة متكاملة ..

الله يهنيك بها ..

على كذا انتظرو عزبتي القهوة وعزبة الطبخ ...

[ولد الدواسر]

مشششششششششششششكور وما قصرت

[omiran]

تسلم اخونا العزيز على هالموضوع المفيد



واقتراح بان يكون هناك قدرعادي بدل قدرين للضغط ويكون الضغط يخش في وسط القدر العادي لتوفير مساحه ومحاوله الاستفادة من بعض الاواني لادخال بعضها في بعض لتحجيم العزبه قدر المستطاع بان تكون صغيرة ومركزة المنفعه هذا اقتراح واسف اذا لم يكن في غير مكانه

شاكرا لكم مره اخرى وهذه الافكار وطرحها فيه فائده كبيرة للجميع للاستفادة من خبرات بعضنا بعض لتعم الائده والاجر قبل كل شي من الله سبحانه وتعالى لتعاوننا على البر والتقوى وما يخدم الانسان ويسهل عليه امور كثيره في امور حياته



صفحه ممتازه ومؤثره يرجى زياتها

http://www.saaid.net/Minute/mm1.htm (http://www.saaid.net/Minute/mm1.htm)







http://7hasas.jeeran.com/22.gif





موضوع لي عن رحلة الى بلاد الشاي (سيلان)

http://www.mekshat.com/vb/showthread.php?t=81239 (http://www.mekshat.com/vb/showthread.php?t=81239)

[البّري]

اخوي إعصار

جزاك الله خير على المرور والتعليق
الله يكملنا واياكم بالايمان
بانتظار عزبتكم المصونه هههههه

اخوي ولد الدواسر

جزاك الله خير على المرور والتعليق


اخوي omiran

اقتراحك محل تقدير
صدقت قدر يسقط وسط القدر الكاتم
بس اخوي انا حطيت الثاني لمن يريد التكميل ولكن ما اخذهن جميع ابدا

تشكر على الروابط
1- فعلا مؤثرة جدا فلنكن على استعداد ولنحدث انفسنا الآن يأتي الآن يأتي
2- ما دريت انك رحاله .... لا .. ومصور بارع .. دقة في التصوير روعة في اختيار المناظر منطقة جميلة .
يالله من فضلك الجنه

تقبلوا من اخيكم البرّي

دعوة صادقة بالتوفيق والسداد والمغفرة

[لمع السحاب]

كفيت ووفيت وبيض الله وجهك ووجه من يقراء و يستفيد

[ابو مطرقه]

وين الوجهه مشينا ......... والخروف علي

[عاشق السيل]

مشاء الله عليك اخوي ماخليت شي بمطبخ البيت !!!!

بس والله أعجبتني عزبتك لكن يبيلها شنطة كبيرة علشان تشيل كل هالأغراض

وبيض الله وجهك ،،

[البّري]

اخوي لمع السحاب

وبيض الله وجهك ايضا آمين
جزاك الله خير على المرور والتعليق

اخوي ابو مطرقه

كفو يالذيب كذا الشرقدية والا بلاش
وين تبي بس العزبة مكمله والموتر جاهز
اكرمك الله على هالهرفي مقدماً

اخوي عاشق السيل

جزاك الله خير ... لا :no2: ما أخذت شيء من المطبخ :j لا احد يسمعك

العزبه كاملة ولله الحمد بالنسبة لي ولا يبيلها شنطة كبيره( حنا هاجين من الشنطة الكبيره )
خذ عندك الدافور- والقدر- والصحون- والذرايه- وشنطة الفناجيل .... كلهن برا الشنطه وش بقى

أرجو ان تعم الفائدة الجميع

تقبلوا دعائي لكم بالتوفيق والسداد

أخوكم البرّي

[ابو عاذر]

مشكور على هذه التجهيزات المناسبة لعدة الطبخ البرية ،،،،،،،،،،،، وفرة علينا الجهد

مع تحيات اخوك ابو عاذر

[حنوش]

مشكور وماقصرت على الجهد الطيب

[ذيب ثهلان]

سؤالي بس ليش قدر 15 او 7 ليش مو 12 او 6 واحد بخيل هههههههههههه


تسلم با رك الله فيك

[البّري]

اخوي ابو عاذر

جزاك الله خير على المرور والتعليق
بخدمتكم دائما اخوي

اخوي حنوش

جزاك الله خير على مرورك الطيب

اخوي ذيب ثهلان

سؤال وجيه جدا 15 لتر يكفي 12 شخص على الأقل لذلك تلاحظ فيه صحنين
والـ 7 لتر اذا صرتو اقل من الـ8 اشخاص
ايضا ممكن هذا فيه اللحمه او الصيد ايا كان قميري ضبان اي شيء والثاني فيه الرز

حاشاك اخوي ان تكون بخيل

تقبلوا جميعا تحيات اخوكم البرّي

[الخطيفي]

ماقصرت كفيت ووفيت الله يعطيك العافية

[البّري]

تسلم يا اخوي الخطيفي


تشكر على المرور والتعليق


اخوك البرّي

[sab1s]

بارك الله فيكم

[ابو حزم]

ما شا الله عزبة وافيه

يامال الغناة واليسر


بيض الله وجهك

[صليب الرأس]

جزاك الله خير

[البّري]

اخوي sab1s

وفيك بارك ومرورك علينا مبارك

اخوي ابو حزم

آمين وبارك الله فيك على المرور وأحمد الله انها جازت لإخواني

اخوي صليب الرأس

وجزاك الله خير على مرورك والتعليق


تقبلوا دعائي لكم بالتوفيق والسداد

اخوكم البرّي

[سلطان العوني]

مشكور وما قصرت وافي

[البّري]

اخوي سلطان العوني

جزاك الله خير على مرورك والتعليق


اخوك البرّي

[aahhhh2]

وعليكم السلام ورحمة الله وبركاتة

جزاك الله خير

[البّري]

اخوي aahhhh2

جزاك الله خير على المرور والتعليق فهو عندي محل تقدير

ارجو ان العزبه اعجبتكم

اخوك البرّي

[راع الابل]

اخوي البري

مشاء الله عليك ما خليت شي من اغراض الطبيخ والقهوة الا وجبته

وشكلك راعي تفنن على هذي العزبه


تحياتي

[البّري]

اخوي البري


مشاء الله عليك ما خليت شي من اغراض الطبيخ والقهوة الا وجبته

وشكلك راعي تفنن على هذي العزبه


تحياتي



اخوي راعي الابل

تشكر على مرورك والثناء على هذه العزبه

هذه خلاصة سنوات من الشيل والحط بهالعزب الصغير منها والكبير
وعزبة للقهوه واخرى للطبخ ولا لقيت أحسن من هاللي بين ايدكم
اخوي لازم تفنن فانت طالع تستانس وفي نفس الوقت ما تبي شيء يضايقك
ولا زال للزيادة والنقص في هالعزبه الشيء الكثير وذلك بفضل من الله ثم بافكار الشباب اللي كل يوم حاطين فكره ممتازه وجديده

ولكن نصيحه لا تثقل على نفسك

تقبل دعاء اخوك البرّي لك ولكل الاعضاء والضيوف بالتوفيق والسداد

[البّري]

مع مقدم الشتاء
وبمناسبة قرب الطلعات البرية والاستعداد لها

أحببت تنشيط الموضوع لكي يستفيد الأخوة الأعضاء والزوار الكرام

لعل الله ينفع بها

ولكم مني الدعاء بالتوفيق والسداد والبركة

أخوكم البرّي

[يزيد900]

وفيت وكفيت وما قصرت يعطيك العافيه

[المعتبر]

شكرا جزيلا عزبة كاملة ومكملة وما خليت شي ما شاء الله تبارك الله عليك راعي بر ومعني وما أحلى الطلعة بصحبتك وصور في منتهى الروعة وفقك الله وبارك فيك

[خبيرالقميري]

تسلم اخوي البري

[البّري]

اخوي يزيد900
جزاك الله خير على المرور وافتتاح زيارات هذا الموسم للموضوع

لك مني خالص الدعاء بالتوفيق

اخوك البرّي

[البّري]

اخوي المعتبر

كلامك عندي معتبر فجزاك الله خير

انا اللي يشرفني الصحبة الطيبة من أمثالك

ارجو ان تفي هالعزبة بالمطلوب

تقبل دعائي لك بالتوفيق والسداد

اخوك البرّي

[البّري]

اخوي خبيرالقميري حفظه الله

ومن قال يسلم

مرورك شرفني

اخوك البرّي

[s3od_1]

كفيت ووفيت

وخوووووش تجهيزات للعزبه

[البّري]

اخوي s3od_1
شرفني مرورك على الموضوع ارجو اني قد يوفيت بالعرض

جزاك الله خير
اخوك البرّي

[حنوش]

جزاك الله خير

[شهوان]

أخوي نسيت كيس الرز :D :D

((بلوع)) :j

[عقريص]

ماقصرت كفيت ووفيت
الله يعطيك العافية ويجعلها في موازين حسناتك

[البّري]

اخوي حنوش

وانت كذلك جزاك الله خير على تشريفك للموضوع

أخوك البرّي

[البّري]

اخوي شهوان

جزاك الله خير على المرور

الرز ما ينسى .. بس هاليومين يمكن نتناساه ...(((غالي))) ههههههه

ناخذ بداله مكرونه ... بس خفيفه ما توقي مثل الرز

اخوك البرّي

[البّري]

تشكر اخوي عقريص

على مرورك وتعليقك

آمين اخوي ... أرجو ان تكون قد وفت بالمطلوب

وأن تكون العزبة مفيدة للجميع

اخوك البرّي

[بريق نجد]

كفيت ووفيت


وهذي زيادة لمن اراد الفائدة


أدوات عزبةالبر

2/ مــــاء + مياه صحية + حافظة ( ثلاجة *** صباره )
3/ الســــــــــلاح + فشق+ شنطة للدخل المصيود + مشرط للذبح أسهل من السكين + ناضور + رخصة السلاح * لا تنسى تدسة إذا ماله رخصة
4/ جهاز كنود أو أيكوم + إريل * وركب قاعدة إذا مار كبت + فيوز احتياطي لسلكه
5/ جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات
6/ فــراش + **** فرشه " بساط "
7/ شنطة تـشمل ( بعض الملابس الداخلية * شراب * شماغ * مداسيس * جزمة وانتم بكرامه * بجامه * بشت* فروه * سديريه *طربوش ****** وشف اللي يجوزلك خذه )
8/ ماطور هواء + عيار هواء + رقع تيوبلس وعدة الرقعة + بلف هواء + مفتاح عجل + سيور إحتياطيه
9/ عدة فك وربط **** واير سحب ****
10/ كشاف + بطارية + لمبة وسنارته + شمعة لمبة إحتياطيه
11/ فاس وكريك ( شيول ) ودسوس للحطب
12/ الطير وعدته من حمام أو سمان ودس وسبوق وشبكه إن كانك راعي طيور.... الله يعين المولع بالطير.
13/ حطب + فحم + كبريت + ولاع فحم وخياش للحطب والله يخلي خياش الشعير بالبر.
14/ خيمة + أطناب.... أو رواقات أو شراع أزرق + حبل أو سبته للفرش فوق الشبك.
15/ ساعة خراشة إذا كنت خايف على جوالك من المطر المفاجئ لصلاة الفجـــــــــــــــر.
16/ دورق ( جيك حمام ) أعزكم الله ........ لي ( هوز ) لسحب البانزين.
17/ كاميرة تصوير أو كاميرة فيديو + أفلام + شاحن كاميرة + شاحن جوال للضرورة.
18/ أشرطة أناشيد لأنه يعتبر من الرفقة الطيبة مع الزقرت الطيبين .
19/ أدوات طبية ( لصيق جروح * مقص صغير * شاش * قطن * مضاد سم * فيفادول + بنادول + مـــــره + مسمار لتوقيف الدم + ملقاط شوك + إبره + خيط + مشرط صغير )
( عزبة الطبخ )قدر كاتم + صفيرته + قدر إضافي + مقلاة كبدة ( مقرصه ) + بلامات أو تباسي + ملاس + قطاعة بصل (أنصحكم باليابانية ) + ملاعق + سكاكين ( خضره *وذبح* مسن سكاكين ) + أباريق + بريق تفويح + دله بغدادية+ شريعة دلة + ملقمة قهوة + دلة حليب + بيالات + فناجيل + كاسات ورق للحليب لأنه يصعب تنظيف البيالات بعد الحليب وتستهلك ماء + صحون نواشف ( ورق أو غيرها ) + مفك صلصه + نجــر + ملقاط + مركابة + دافور أو عين غاز + كبريت + ذراية + أصياخ شوي + قصدير+ أو صحون قصدير للتوفير + طاسة موية (غضاره) + /////// مأكولات ///////// سكـــــــر + شاهي + قهوة ( مطحونة وغير مطحونة ) + هيل + مسمار + زنجبيل + فلفل أسود + تمـــــر + قشطة المراعي + حليب السعودية والا الرعيان مايقصرون + طحين بر + زبدة + زيت + مــــــلح + بهارات + صلصه + دارسين + ليمون أسود + ليمون أصفر + طماط + بصل + خيار + جزر + كراث + يوسف فندي + برتقال + تفاح + حبحر + ثوم قرع + كوسه + رز + مكرونة + خبز + شابوره + قرص عقيلي + ثـــــــلج * مياه صحية * + لحمه + كبدة + معلبات ( فول* قشطه * جبن سايل كرفت* لا تحرص على الطحينيه (الحلاوة ) إذا ضروسك لك عليهن * بيض للشكشوكه ...... أحب جميع الفواكه وبالذات البيض هههههههه ( مشروع تسمين )
وأهم شي / اكياس زبالة وانتم بالكرامة * أكياس لحم *سماط* صابون * ليفة سلك وسفنجة ** مناديل

و ااسفيين على الإطاله

واذا نسيت شي اكتبووة بالردود

[البّري]

ما شاء الله عليك اخوي عاشق الهلي444

وش خليت ما ذكرت الله يعطيك العافيه


.......اكيد انت راعي بندق لانه اول ما ذكرت هي
جزاك الله خير

اخوك البرّي

[مسك الختام]

تسلم عافاك الله ما قصرت

[خيال حرمة]

الله يعطيك العافيه أخوي البري على أغراض العزبة

كفيت ووفيت

[رعد النجدي]

رحم الله والديك بس ترى الغرشه هي قنينة الزجاج
وش جابها للغظاره او الطاسه
بعدين العزبه اهم شي لا يطبها البلاستيك
تعرف الواحد اذا شب الضو يبي قشه حوله
ودايم ننسى البلاستيك جنب الضو
وانت عارف الباقي
مشكور ويا زين العزبه اذا جددت
كلش يلق مب عزبتي سوداء من السنو

[البّري]

اهلا باخي مسك الختام

الله يعافينا وإياك من كل شر

جزاك الله على المرور

اسلم لاخيك البرّي

[البّري]

اخوي خيال حرمة

جزاك الله خير ارجو اني قد أفدت

اخوك البرّي

[برنو بيشة]

ويت وكفيت ماعاد إلا دولاب مطبخ
ههههههههههههههه
بارك الله فيك
يالزكرت

[البّري]

اهلين اخوي رعد النجدي

هههههه الغرشه عندنا بعنيزه يقصد بها الطاسه المطلية بالغرش تراها الان من وارد سعد حباب الجبر

للمعلومية جيل هالوقت عندنا ما يعرفونها بهذ الاسم الا قليل منهم

احسنت البلاستيك عدو البيئة ولكن ما منه بد بعض المرات تحتاجة ومجبر على ذلك

اما كونها تلق صحيح وخاصة عزبة الطبخ لكن

عزبة الشاهي اللي داخل الشنطة فالله اعلم بحالها وعلى ما قال المثل ((اللبس لبس خلاخل والبلا من داخل))
هههه
لكن للمعلومية ما احب اباريق الشاهي تغسل من الخارج ابد احبها كذا

جزاك الله خير على المشاركة الفعالة وارجو اني افدت

اسلم لاخيك البرّي

[البّري]

يا مية مراحب اخوي برنو بيشة

وفيك بارك الله

اخاف اخد دولاب المطبخ تزعل على ام العيال ههههههه

شوية تكتكة لهالعزبة وتكون صغيرة

اخوك البرّي

[عاشق الفرعه]

وش خليت وش خليت

[icom1969]

والله شى حلو ومتكامل الله يعطيك العافية

[ابوسعودد]

ماشاء الله تبارك الله ..... موضوع مميز

[بريك]

الله يعطيك العافية سراحه العزبة كاملة يالشقردي

[عابر سبيل933]

تشكر يااخينا الله يعافيك

[سواح الحجاز]

الف شكر لك ياممبز