عطل في سياره تعجز عنه افضل الورش [الأرشيف]

مشاهدة النسخة كاملة : عطل في سياره تعجز عنه افضل الورش

وافي6556

23/10/2016, 09:56 AM

السلام عليكم ...قوه يارجال...وش لونكم
شريت لي كيا كارنفال 2011 عزمها ضعيف شوي...قلت يمكن فلتر بنزين وبخاخات وبواجي وتنظيف بوابه وتزين...وللأسف مازانت الحمدلله
للعلم مكينة وقير الكيا كارنفال من موديل 2011 وطالع نفس قير ومكينة السانتافيه ومكينة الأزيرا 6 سلندر
...
المشكله الموتر عزمه ضعيف جداً وتحس ان المكينه مكتومه ولاهي ماخذه راحتها بالأنطلاق ومصروف البنزين عالي جداً
...
المكينه صافيه جدا...لا تفتفه ولا صرقعه ولا تقطيع سواءً السياره ماشيه او واقفه
القير غياراته ممتازه لا نتعه ولا تأخير ولا ينقز نمره وتقوم السياره على الأول طبيعي (القير اتوماتيك للعلم)
لمبة التشك انجن ماهي شغاله
...
قلت خلني اكشف عليها كمبيوتر
جبت كمبيوتر وكشفت عليها وظهرت لي 4 اكواد
p0366
p0391
p0341
p0346
وهذي اكواد حساسات عمدان التيمن (cam shaft soncer)
>>>
تم تغيير واصلاح التالي وبدون نتيجه ملموسه
تنظيف بخاخات وبوابه وتغيير بواجي وفلتر بنزين
اازلة وتنظيف دبة الرصاص من الشكمان
فلتر هواء
التشييك على الظفيره من الكمبيوتر الى حساسات عمدان التيمن وسليمه 100% وعند اكثر من كهربائي
تغيير الأربع حساسات الخاصه بعمدان التيمن من سياره ثانيه (مستخدمه وشغاله 100%)...نجرب قبل نشتري (:
تغيير حساس عامود الكرنك بمستخدم
تغيير عدد اربع حساسات (solenaid valve) مدري وش اسمها بالعربي...موقعها : 2 منها تحت غطاء البلوف و 2 منها تحت الثلاجه ..وظيفتها : مثل البلف تقريبا تفتح وتسمح بمرور الزيت لهيدرولك عامود التيمن وبالتالي يتغير دوران عامود التيمن بالمختصر (نظام الـvvt) الموجود في اغلب السيارات الآن
فك صدر المكينه والتأكد من وزنية عمدان التيمن مع الكرنك وحالة الجنزير...مع ان السياره مافيها حراره وتشتغل من اول سلف
الموتر له شهرين عندي وعقدني وعقد افضل الكهربائيه والمكانيكيه بجده وجبت مكانيكي الوكاله وعجز فيها...قالو بيعه...وان بعته وعلمت بمشكلته محد بيشتريه وان سكت عن بلاه ماتباركت بيعته...لكن ان شاء الله ربي ييسرها من عنده ويتصلح
باب المشاركات مفتوح لمن يحب التحدي
وللعلم 90% من الشغل كان ببلاش ومثل التحدي ...لأن اودي الموتر للمكانيكي واقوله انا جايبه من عند فلان ولا عرف له ويكون الأتفاق ما ادفع ريال ولا اشتري قطعه الا اذا تصلح الموتر لأن ماعندي استعداد يجرب على جيبي

نفح البرادي

24/10/2016, 12:55 AM

السلام عليكم

الله يعينك يخوي .. شوف يمكن الدبة الأخيرة فلاترها متكسرة وكاتمة عالموتر

او شوف مجرى هوى الفلتر والثروتل

والله اعلم

ربي يعينك

وافي6556

24/10/2016, 08:11 AM

السلام عليكم

الله يعينك يخوي .. شوف يمكن الدبة الأخيرة فلاترها متكسرة وكاتمة عالموتر

او شوف مجرى هوى الفلتر والثروتل

والله اعلم

ربي يعينك

عليك السلام والرحمه
ولله كلامك منطقي ...الدبه الأخيره في الشكمان اذا دقيتها بيدك تسمع صوت قربعه بداخلها وهذا يدل على خلل...لكن احد الورش اللي حاولو يصلحون السياره قالو لي انهم جربو وفكو الشكمان كامل من القزوز وان شاء الله انهم صادقين...لكني ماكنت عندهم

مجرى الهوى تم فكه اكثر من مره ولا لاحظت فيه شي وجربت الموتر بدون فلتر الهواء وبدون حساس القربه وسيم سيم

الثروتل فيه شك لكني مالقيت لي ثروتل اجربه...ومازال البحث جاري...وعلى الله

الله لا يهينك على تشخيصك ياباش مهندس...وبإذن يتم التشيك عليها على نظري

الصيادالمليح

24/10/2016, 08:58 AM

كتمة السيارة تأتي من الاشياء الآتية:

مجرى دخول الهواء للمكينة مسدود (الفلتر - الانبوب - البوابة)
مجرى خروج الهواء من المكينة مسدود ( البوابة - دبة التلوث - انابيب الشكمان - دبة الشكمان )
حساسات مجرى الهواء الداخل و الخارج معطلة (حساسات الاوكسجين )
البواجي تحتاج تغيير
اسلاك البواجي تحتاج تغيير
موزع الشرارة للبواجي يحتاج تغيير
طرمبة البنزين تحتاج تغيير
فلتر البنزين يحتاج تغيير
نوعية البنزين (95 أفضل من 91)
سير المكينة مرتخي

متقاعد مبكر

24/10/2016, 09:40 AM

ممكن سير التيمن ماهو موزون فما يعطي توزيع صح

وافي6556

24/10/2016, 12:23 PM

كتمة السيارة تأتي من الاشياء الآتية:

مجرى دخول الهواء للمكينة مسدود (الفلتر - الانبوب - البوابه)
مجرى خروج الهواء من المكينة مسدود ( البوابة - دبة التلوث - انابيب الشكمان - دبة الشكمان )
حساسات مجرى الهواء الداخل و الخارج معطلة (حساسات الاوكسجين )
البواجي تحتاج تغيير
اسلاك البواجي تحتاج تغيير
موزع الشرارة للبواجي يحتاج تغيير
طرمبة البنزين تحتاج تغيير
فلتر البنزين يحتاج تغيير
نوعية البنزين (95 أفضل من 91)
سير المكينة مرتخي

دخول الهواء:
الفلتر 100%
القربه 100%
البوابه تم تنظيفها

حساسات الهواء :
حساس القربه يعمل بكفاءه
حساس الأكسجين اعتقد لو خربان يظهر بفحص الكمبيوتر

البواجي تم
نظافة بخاخا تم
فلتر بنزين تم
اسلاك البواجي وطرنبة البنزين يبدولي انها طيبه...وحتى البواجي والبخاخات...لأن المكينه صافيه جداً

بالنسبه لسير المكينه لو انه مرتخي
اعتقد تظهر معانا مشكلة دينمو او مكيف
والمكيف بارد
والدينمو جايب 14 فولت

جعلك تسلم عالمشاركه يالأمير

وافي6556

24/10/2016, 12:31 PM

ممكن سير التيمن ماهو موزون فما يعطي توزيع صح

يالله حيه
اكثر من مكانيكي توجه نفس توجهك...ويبدو والله اعلم ان المشكله حول عمدان التيمن او شي له علاقه فيها والعلم عند الله
وعادةً اختلاف التقسيمه (الوزنيه) على طول يجيب حراره...والموتر مافيه حراره ابد
ومع ذلك ومن الحيره تم فك صدر المكينه والتأكد من التقسيمه مابين عمدان التيمن وعامود الكرنك
وتم التشييك على الجنزير وعلى تروس العمدان وكلش سليم

ا

ابوراكان تبوك

24/10/2016, 03:36 PM

اذا الدبة اللي فيها اصوات قربعه منتفخة افصلها وجرب بدونها

وافي6556

24/10/2016, 05:32 PM

اذا الدبة اللي فيها اصوات قربعه منتفخة افصلها وجرب بدونها

ولله ياصاحبي انا صايبني الشك ولا عندي ثقه في الورش
ان ماشفت الشغل قدام عيني فأنا المصدق المكذب
والسياره الان لها ثلاث ايام في ورشه غير الاولات وكلمني بعد الظهر يقول تعال خذ موترك مالقينا بلاه
الشاهد اني قلت له فك الشكمان كامل من الاقزوز
توه كلمني يقول جنب انفك معاه والجنب الثاني ابلشهم ومسامير مصلبه ومحله ضيق ويحتاج تسخين
وبكذا يكذب المكانيكي اللي قبله لأن اللي قبله يقول فكه كامل
بدور لي واحد راعي شكمانات يفكه كامل...وعسى الله يفرجها من عنده

SGL

24/10/2016, 10:15 PM

أخوي ماجربت تغير نوع البنزين وتردلنا خبر؟
فلتر الهواء هل هو أصلي من الشركة لنفس موترك برقم الهيكل؟
طبعآ الفلتر من شركة وكالة ماهو موزع معتمد أو محل عادي

وافي6556

25/10/2016, 06:29 AM

بالنسبه للبنزين جربت النوعين ولا هناك فرق
وفلتر الهواء فكيته بكبره وجربت الموتر بدون فلتر...لاهنت يالامير

YUKON_GMC

25/10/2016, 09:27 PM

وافي6556

26/10/2016, 08:47 AM

اذا غيرت الحساسات ولازال الكمبيوتر يعطي خطا معناته المشكله احتمال من قراءة الكمبيوتر للحساسات اما عطل بالكمبيوتر او يحتاج برمجه او يوجد التماس في ظفيرة الكمبيوتر

لاتتعب نفسك دام اكواد الاعطال موجوده ستبقى المشكله مستمره حتى تختفي الاكواد المشكلة 90% بين الحساسات والكمبيوتر والاسلاك

السلام عليكم
كلامك صحيح...
الحساسات تم تغييرها على نظري ومسح الأكواد وتجربة السياره وبعد التجربه رجعت
الظفيره شيكنا عليها عند اكثر من كهربائي ابتداءً من الكمبيوتر الى الحساس وسليمه
الكمبيوتر بصراحه مالقيت احد يجزم لي ان المشكله منه...وتكلفته حدود 1700 مع البرمجه والمفتاح ولو لقيت احد يؤكد لي ان المشكله فيه بسيطه قيمته
...
وانا الصحيح تعبت من التجارب ودي بطريقه تؤكد لي العطل قبل التغيير
وكل ورشه فتواها مختلفه عن الثانيه ولا لقيت ورشتين متفقه على خلل معين او طريقة حل
آخر احسن ورشتين شافوها :
الأول يقول نجرب الكمبيوتر ويكلف 1700 واذا مازانت...نفرط المكينه ونشوف ...وهنا التكلفه اتوقع 5000 على الأقل...والمشكله انها تجربه ممكن تزين وممكن تغير كمبيوتر وتفرط المكينه وادفع 7000 وسيم سيم
والورشه الثانيه يقول المكينه سليمه 100% والمشكله عندك بالقير
وحيرونا
والله العالم اني ببيع الموتر ببلاه ...ويخلف الله
....
....
...
..
.
الله لايهينكم جميع
كل من مر عالموضوع وشارك
وكل من حب يشارك ولاقدر
جعلكم تسلمون ويخدمكم المال والبنون

SGL

27/10/2016, 09:47 PM

بالنسبه للبنزين جربت النوعين ولا هناك فرق
وفلتر الهواء فكيته بكبره وجربت الموتر بدون فلتر...لاهنت يالامير

طيب أبقولك على شي بسيط وغير مكلف ونبي نجرب وش خسرانين وإن شاء الله يكون منه الخلل
فك غطاء التانكي وشيله معك خل التانكي مفتوح وروح جرب موترك

مريقب العيفار

27/10/2016, 10:02 PM

واحد كان معه سيارة عزمها ضعيف يقول لقيت فلتر الهواء ملطس غبار

ثاني سيارته عزمها ضعيف جدا واخير صارت المشكلة وزن ديلكو

YUKON_GMC

27/10/2016, 10:38 PM

المستحيل2006

28/10/2016, 03:09 PM

افحص ضغط طرمبة البنزين احتمال كبير منها

وافي6556

29/10/2016, 10:26 PM

طيب أبقولك على شي بسيط وغير مكلف ونبي نجرب وش خسرانين وإن شاء الله يكون منه الخلل
فك غطاء التانكي وشيله معك خل التانكي مفتوح وروح جرب موترك

هلا ولله ومسهلا
الموتر عطيته راعي ورشه يمدحونه اهل الصناعيه
ان شاء الله يزينه
وان مازان بجرب طريقتك واعلمك

وافي6556

29/10/2016, 10:27 PM

واحد كان معه سيارة عزمها ضعيف يقول لقيت فلتر الهواء ملطس غبار

ثاني سيارته عزمها ضعيف جدا واخير صارت المشكلة وزن ديلكو

الله يجزاك خير
فلتر الهواء فكيته بكبره وحطيته جنبي عالمقعده وجربت الموتر
وسيم سيم

وافي6556

29/10/2016, 10:54 PM

مادام تطلع اكواد الحساسات معناته الخلل موجود ولكن حتى تقطع الشك باليقين وقبل تغير الكمبيوتر تحتاج فني عنده كمبيوتر متطور يقراء الحساسات من داخل شاشة الفحص ويبين عنده الفولتيات الداخله والخارجه لكل حساس ويقدر يحدد العطل من الحساس او الكمبيوتر

او على الاقل يتفحص الفلولتيات الخارجه والداخله للحساس بجهاز الملتي ميتر

https://www.youtube.com/watch?v=itMXO56z1tw

https://www.youtube.com/watch?v=yeqzE_eNlio

ولله ياصاحبي اغلب اللي بالصناعيه يقولون انهم معلمين
وهم طباخين وسباكين
وديت الموتر لأحسن ورشه بجده ...ورشه خاصه بكمبيوترات السيارات وبعد صولات وجولات قال غير كمبيوتر واذا مازانت فك المكينه
يعني يبي يجرب على كيسي وانا ادور علم قاعد اغير فيه
الشاهد وديتها لواحد ثاني كمان متخصص كمبيوتر...قدرنا نقيس الفولت المتجه للحساس من الكمبيوتر وسليمه والكمبيوتر يرسل بشكل طبيعي
وقدرنا ايضاً نفحص الفولت اللي خارج من الحساس ومتجه للكمبيوتر وسليم
لكنه قال ما اقدر اجزم ان الكمبيوتر يستقبل ولا فيه طريقه نقدر نقيسها
...
لكن على قولك
لو لقيت لي كمبيوتر يقرأ live data لحساسات عمدان التايمن
يكون ممتاز جدا

لكن على الله ياصاحبي
وابشركم الموتر تحسن بنسبة 30%
ومصروف البنزين الآن طبيعي
اول التانكي يمشيه 250كم
الآن 470كم
وهذا فضل الله تقدم كبير
العزم تحسن شوي لكن مازال ضعيف
والأكواد امسحها وترجع

وافي6556

29/10/2016, 11:00 PM

افحص ضغط طرمبة البنزين احتمال كبير منها

ولله كل شي جايز
مع ان مكينتها صافيه وممشاها مافيه تنتيع ابد
وحنا ندور المشكله يمين وتطلع المشكله باليسار

وافي6556

29/10/2016, 11:04 PM

تكفون لحد يسألني وش سويت يوم تعدل مصروف البنزين
الأجابه :
ولله مدري وانحرق كمبيوتر مخي وانا ادور الشغله اللي فرقت في مصروف البنزين

m a s

30/10/2016, 06:09 PM

تاكد من الاسنان حق راس الفيش لجميع الحساسات انها تركب تمام وتعطي اوامر بعد التركيب

بالتوفيق

أبو_الوليد

02/11/2016, 12:08 PM

طيب أخي العزيز بما انك تقريبا سويت كل شي سوي حاجة بسيطة أفحص ضغط المكينة لانه مشكلتك تشابه ضعف الشنابر بالانجليزي piston rings

طريقة الفحص اما كمبيوتر او عن طريق ساعة الظغط