ويش افضل ساكتون القامو والا ديانا والا الفايروخ

[القائد2007]

مساء الخير ياخوان
سوالي عن افضل ساكتون من قامو ولا ديانا ولا الفايروخ
وافضل الساكتون الكسر ولا الغاز

[أبومشعل9]

مساء النور والسرور

من ناحية الافضل بالثلاث والرأي شخصي الفايروخ ولكن الافضل منهن كلهن الكريكت والفولكان ولكن اغلى من اللي ذكرت

طبعا عن نفسي افضل الغاز والكسر تقريبا بتنتهي وكلن على حسب رغبته


اتمنى اني افدتك ويفيدونك الاخوان

[عنيزاوي999]

حياك الله اخوي


بختصر لك دامك سألت عشان ماتتعب من متابعة الردود
الكل يبي يقولك فايروخ حتى اللي ماعمره مسك الساكتون
ابد مثل حب الناس لتايوتا

فاذا تبي تاخذ خذ على حسب ميزانيتك وصيدك وش يبي يكون

القامو اسبانيه متواجده بوفره عند الرماية ساكتون كفوو وسعره ممتاز وخفيفه مايتعبك شيله وتادي المطلوب ولاتدور غيره

الديانا والفايرخ ثقيله وجرب حمل الثلاث تبي تفهم الفرق

بالنسبة للغاز اذا ميزانيتك مفتوحه وتقدر حسب بحثي الفولكان ولا تدور غيره



والله ويوفقك

[القائد2007]

مشكور يالاخوان على الرد

[بايسن حار]

للعلم ان البندق القامو (الكفو) مثل ما قلت تراها تجي بدون منظم يعني لا تشره عليها لو ضعفت الصتمه بعد الرميه العاشره او العشرين
الفايروخ فيها رقليتر ومافي مقارنه أصلاً بين الفايروخ والثانيات اللي ذكرتهن خصوصاً الديانا سلاح سيء جداً

[hadi.9]

بخصوص الكسر والغازيه الكسر ميزتها ماتحتاج تعبيه

والغازيه ميزتها غير متعبه في التعمير ودقة اصابه وقل ارتداد

وبخصوص الافضل اذا الوزن مايهمك من الغازيه عندك فايروخ طيبه جداً

وقامو جيده حقيقه لخف الوزن والسعر وتؤدي الغرض

اذا الميزانيه مفتوحه فولكان وبعدها كريكيت

وتحديد العيار يحدده صيدك

الكسر ديانا 54 وفايروخ 80

وان كنت صاحب دربيل ديانا طيبه جداً

بتوفيق