مشكلة فحمات للاند كروزر

[ابورايف]

بسم الله الرحمن الرحيم


صباح الخير / مساء الخير

أخواني اعضاء وزوار منتديات مكشات

مانستغني عن خبرتكم وتجاربكم


الي حصل تم تغيير الفحمات الأمامية والخلفية مع الخرط

الفحمات أصلية وبعد خروجي من الورشة لاحظت او الفرامل صوت جرش وتفويت فالدعسة

رجعت بعد كم يوم فقام الفلبيني بفك كامل الكفرات وصنفرات الهوبات والفحمات ورجع ركبها ومازالت المشكلة قائمة

ورجعت لهم مرة ثالثة وتقرر خرط الهوب للمرة الثانية الأمامية فقط

وقمت بتغيير الفحمات بجديدة كي نقطع الشك باليقين


ونفس المشكلة مازالت قائمة



توجهت لميزان العضيب وتم فحص الفحمات الأمامية والخلفية وقال الفني لابد من خرط الهوبات الاربع وبإذن الله تضبط

لككن حبيت استشيركم


ولكم مني كل تحية عطرة

وشكرا لكم

[m a s]

اذا الهوبات الخلفيه عندك هوب ليس مراه تحتاج وزن وتنسيم فقط وتقدر تعرف وزنها من سحبت الجلنط
من ثلاث طقات وحول مشدوده او موزونه للاخر واذا عشر طقات وفوق تحتاج وزن
وكثر الخرط يدمر الهوب
بالتوفيق

[ابوراكان تبوك]

دام فيه تفويت بالدعسة اكيد فيه هواء

تبي تحدد صوت الجرش اسحب الجلنط على خفيف طقه او طقتين جدا وانت تسمع الجرش على سرعه خفيفة اذا راح الصوت معناه وزن اقمشة البريك الخلفية الحقها قبل تروح وهي جديدة والوزن ماياخذ 10 دقايق

[YUKON_GMC]

مثل ماقالوا لك الشباب .. اما نقص زيت او الفرامل كسبت هواء او تحتاج وزن خلفي لان دايم خهو اللي يطلع الصوت وهذي تقدر تحددها عن طريق سحب الجنلط على خفيف على سرعه 20 كم وتسمع للصوت

او ان المخرطه ماهي مضبوطه وخربت الهوبات زياده

[ابورايف]

اعتقد ان المشكله عندك نقص في زيت الفرامل او دخول هواء على النظام الحل بكل بساطة تنسم الفرامل خصوصا بعد ما خرطت هوبات المسافة حتزيد بين الاقمشة والهوبات فا لازم تنسم وترجع تعيد تزويد نظام الفرامل من جديد

اتمنى ان يكون هذا حل مشكلتك والله ويعوضك خير ..

وافينا باخر التطورات

حياك الله أخي الفاضل

زيت الفرامل مشيك عليه ووضعه ممتاز

بالنسبة على كلامك لنظام الرامل أو هواء النظام هل المقصود منه مانع الأنزلاق

المكشلة الورشة الي صلحتها عندة ديم أشتغل عندهم الأمر الأخر الدعوى أني خرطت الهوب مرتين

راح أجرب ماذكرت وسأوفيكم بالجديد

وشكرا لك ماقصرت

[ابورايف]

اذا الهوبات الخلفيه عندك هوب ليس مراه تحتاج وزن وتنسيم فقط وتقدر تعرف وزنها من سحبت الجلنط
من ثلاث طقات وحول مشدوده او موزونه للاخر واذا عشر طقات وفوق تحتاج وزن
وكثر الخرط يدمر الهوب
بالتوفيق

حياك الله أخي الفاضل

الجلنط عندي ثلاث طقات فعلاً ولا تتعداها


شاكر لكم تجاوبك

وسأوفيكم بالجديد

[ابورايف]

مثل ماقالوا لك الشباب .. اما نقص زيت او الفرامل كسبت هواء او تحتاج وزن خلفي لان دايم خهو اللي يطلع الصوت وهذي تقدر تحددها عن طريق سحب الجنلط على خفيف على سرعه 20 كم وتسمع للصوت

او ان المخرطه ماهي مضبوطه وخربت الهوبات زياده


حياك الله أخي الفاضل

الفرامل فل

أما الهواء مدري عنه

المكشلة لدي فالرجه عند سرعه 100 عندما أضغط على الفرامل

الأمر الأخر هو الجرش

والاحظ من فترة وأخرى عندما تمشي السيارة تقريبا 20 أسمع صوت بين الهوب والفحمات وأذا تعديت 20 تروج مثل الحكه

سأعرض السيارة على أحد المختصين وسأوفيكم بالجديد

شاكراً لك على ردك وتجاوبك

[أبوصالح9]

مساك الله بالخير يابو رايف - مشكلتك بسيطه جدا ارخ على شداد الجلنط الفحمات قريبة للهوب بالحيل والدليل انك تقول الجلنط ثلاث طقات وهذا غلط - بس احتمال انك تحتاج خرط مره جديده - اهم شي لاتخلي الجلنط مشدود وهذي مشكلة الرجه والجرش عندك

[ابورايف]

اهلآ وسهلآ

صبحكم الله بالخير كما وعدتكم اني سأوفيكم بالجديد

أخواني تمت زيارة فرع العضيب والحمد لله طحت على مكانيكي هندي فاهم فك الهوبات ووضعها في مكينه المخرطه وحصل الهوب مطعوج قال بجرب الثاني وفعلا نفس الشي ....

قال لازم تجيب هوب جديد وفحمات جديده
وتوكلت على الله والآن الوضع طبيعي بعد التركيب وجاري التجربه لمده اسبوع وراح ابلغكم

وجزاكم الله خير

[GX_2007]

عندي كرورز 2007 مره ركبت له فحمات امامية جديدة تسمع صوت احتكاك خشن و بعدين غيرت لفحمات بوش لونها كحلي وراح الصوت