السلام عليكم يارجال الجمس عاقبني في القير

[خوي انشاما]

السلام عليكم
يالرجال موتري جمس سيرا دبل 2002
صار فيه عطل اذا عشقت القير ريوس يفحط ويطفي واحيانا يسويها في الدي ويعشق الاول والثاني وعقب يرجع يبدل ويرتفع ضغط المكينه كنك تمشي بنمره واحد
وقالو توضيب لازم ورحت وضبت القيرقطع غيار اصلي طلعت الموتر مشيت عليه 50 كيلو اقل من ساعه ورجعت المشكله له صار يبدل من الثالث الا واحد وعقب علق على نمره وحده ولحس مخي تكفو يالرجال الي مر عليه المشكله ذي يفيديني

[YUKON_GMC]

افحص كمبيوتر ... يمكن حساسات القير عطلانه او الكمبيوتر فيه مشكله

[caza_ss]

هل المكيف فصل معاك؟

[خوي انشاما]

لا مافصل شغال قبل اوضبه فحصت كمبيوتر قال مافيه شي والمكانيكي يقول وضب القير وقمت ووضبته

[وافي6556]

السلام عليكم
ارجع ياصاحبي لنفس الورشه
يسلمونك السياره 100%
ولا الله لايهينهم يرجعون الدراهم
وانت اطلب دراهمك بس...وهم بيقولون خلي الموتر بنرجع نزين وندور المشكله
ولا مانع من الأخلاق الشينه مع مثلهم...ان لزم الأمر

[خوي انشاما]

عليكم السلام
وهذا الي حصل وانا اخوك

[الاوضح2269]

فيه حساس اذا اني ماني غلطان اسمه الساعه بالقير هذا هو الي يتحكم يتغيير النمره ,
تاكد منه بعد ماترجع فلوسك كامله
وعسى الله يكون بعونك
...

[YUKON_GMC]

بعضهم حرامي يقولك وضب حتى ياخذ منك 3000 ريال والقير عطاله حساس ب 100 ريال

واكبر غلط توضب القير بدون فحص كمبيوتر كلها 100 ريال بالكثير

بعضهم يوضب القير ويغير كلتشات فقط ويرجع بعض القطع القديمه من ضمنها الحسساسات والحساسات كثير لكل تعشيقه حساس

يمكن رجع لك بعض القطع القديمه حتى يوفر نص القيمه

[فارس شمال]

مخ القير او الفالف بدي