لاهنتم ابي ابحث عن ارخص مدينة فيها بيت الشعر للبيع وماطور كهرباء ايضا الله يوفقكم

[بحر العطا]

السلام عليكم ورحمة الله وبركاته


ابي اسوي مخيم وابي بيت الشعر 5في 9 او 5 في 7 بس جودة ويكون رخيص لاهنتم

الرياض - حفرالباطن - النعيرية ......... الخ


وين اهل الخبره

جزاكم الله خير

[الخالدي999]

سوق حفر الباطن تحصل الي تبي من بيوت الشعر وحسب الي شفت مستوى المحلات حول بعض تقريباممكن التفصيل يكون جودتة عالية واغلى شوي

[الخالدي999]

العام الماضي اخذت 3 بيوت مقاس 5x8 حسبوها لي على 2000 او اقل درت المحلات كلها على طريق الكويت

[أبومؤيد1]

وعليكم السلام ورحمة الله وبركاته

بحفر الباطن عند أبو عبدالعزيز ورخيصه جوال0558888926

بيت شعر مقاس 4-6 مبطن 1700ريال وغير مبطن 1500ريال
بيت شعر مقاس 5-7 مبطن 2200ريال وغير مبطن 2000ريال
بيت شعر مقاس 5-9 مبطن 2800ريال وغير مبطن 2500ريال
هذا اذا بغيت يوصل إلى منطقتك يأخذ حق التوصيل الاسعار الي فوق

إذا انت تروح بنفسك لم حفر الباطن أفضل وأقل سعر
مثل بيت شعر مقاس 5-7 مبطن 1800ريال وغير مبطن 1500ريال
مثل بيت شعر مقاس 5-9 مبطن 2400ريال وغيرمبطن 2100ريال
تقريباً الاسعار هذي
على كلام راعي الخيام قبل (7) ايام مكلمه بتاريخ1438/1/25هـ
كلمه أفضل وموفق لكل خير

[عيسى عبد الله]

الله اعلم الحفر والنعيريه



بتوفيق

[بحر العطا]

جزاكم الله خير


بعد البحث في هذا المنتدى العريق توصلت الى رجال يمدحون شغل ام خالد الهاجري في النعيرية تفصل بيوت الشعر حسب طلب وتنصح الزبون في شيء طيب بس هذا الكلام 2011 مدري هل لازالت موجوده بحثت عن تواصل لها بس للاسف لم احصل

[نفر]

عليك بمصنع البادية للغزل والنسيج في المدينة الصناعية الثانية على طريق الخرج ولهم محل في الغرابي .. انا شاري منهم بيتين شعر واحد 15 في 8 والثاني 11 في 6 قبل سنتين ونص تقريبا

[YUKON_GMC]

عليك بمصنع البادية للغزل والنسيج في المدينة الصناعية الثانية على طريق الخرج
ولهم محل في الغرابي .. انا شاري منهم بيتين شعر واحد 15 في 8 والثاني 11 في 6 قبل سنتين ونص تقريبا


ممكن العنوان اورقم الهاتف..للمحل اللي بالغرابي..

محتاج مشب صغير 3×4 للحوش تتوقعون كم سعره

[عضو مشارك]

انا سمعت والعلم عند الله ان بيت الشعر يجذب الصواعق لانه مليء بالكهرباء الساكنة

[كايد]

7×5 ب1600ريال في النعيرية

موفق .

[كايد]

بالمناسبة مصنع البادية قماشه خفيف جدا ....وبيذبحك البرد داخل البيت

نصيحة مجرب

عليك والقماش التركي اهم شئ نسبة القطن تكون قليلة فيه .

[YUKON_GMC]

لقيت 4×3 ب 1400 بالقصيم الرس صراحه غالي يفترض مايوصل 700 ريال

[مخ الكشتات]

السلام عليكم ورحمة الله وبركاته
الاولين يقولون الرخيص بخيص .. دور الغالي يمال الشحم ماعمر الرخيص نفع

[الحربي حاتم]

الله ييسر أمرك