المساعد الشخصي الرقمي

مشاهدة النسخة كاملة : عطل في باثفندر 2005


أبو رياض1
05/11/2016, 11:57 PM
السلام عليكم
أخواني الكرام
عندي باثفندر 2005تماتيك فيه العزم طايح وأي طلوع ضعيف جدآ وغيرت البواجي ونظفت البخاخات
وغيرت صفاية البنزين وشيكت على منظم الهواء ومنظم الدعسه والبطاريه والدينمو والكويلات والمشكله نفسها العزم ضعيف جدآ حتى في الخط لو أعطيه دعسه يكتم على طول
من عنده حل لهذه المشكله يفيدنا بها جزاه الله خير وكتب له الأجر
أبونجم
06/11/2016, 11:23 AM
وعليكم السلام ورحمة الله وبركاته .
إذا القير سليم . أفحص كمبيوتر وكذلك شيك على طرنمبه البنزيم يمكن دفعها ضعيف .
والله يوفقك
YUKON_GMC
06/11/2016, 08:02 PM
حاليا اي سياره بخاخ فيها كمبيوتر فحص ب 100ريال يوضح لك الاعطال .. ماله داعي التطبب والتوقعات اللي تخسرك بدون نتيجه ..!!

وكمبيوتر الفحص المصغر تقدر تشتريه من حراج ب 60 ريال يرتبط بجوالك عن طريق البلوتوث او الوايرلس وتقدر تفحص سيارتك بنفسك .. انا عندي واحد بالدرج وقايم بالمهمه من احسن مايكون
أبو رياض1
07/11/2016, 09:38 AM
والله ثلاث مرات فحص كمبيوتر وللأسف تطلع النتيجه سليمه ولا يظهر الخراب
وفقك الله
YUKON_GMC
08/11/2016, 12:44 AM
كل اللي غيرتها يكتشفها الكمبيوتر ماعداء الطرمبه والصفايه .. يكتشفها الكمبيوتر المتطور فقط بالورش الكبيره ..


الطرمبه لها ساعه تفحص من عند البخاخات يوجد بلف في اغلب السيارات تفكه وتفحصه بالساعه لو ماحصلت ساعه تقدر تفحصه بساعه الهواء ( عيار الهواء )


عادة في الامريكي الطرمبه القويه والممتازه الضغط من 65 وينزل الى 40 اقل من الاربعين تعتبر ضعيفه


باقي السياره تقريبا حول النتيجه هذي من 40 واعلى ..

احيانا يكون سبب الضعف انسداد اوتنسيم في احد الاهواز اللتي تضغط البنزين
SGL
08/11/2016, 12:50 AM
والله ثلاث مرات فحص كمبيوتر وللأسف تطلع النتيجه سليمه ولا يظهر الخراب
وفقك الله

ياغالي أول شيك على الخرطوش المتصل من الثروتل إلى قربة الفلتر شيك عليه زين زين تأكد إن مابه خرم أو قطع ولو صغير تراه مصيبه
الإحتمال الثاني فلتر الهواء تأكد إنه أصلي ولنفس موترك برقم الهيكل إنتبه لنقطه هذي المحلات حايسين خلق الله باتلفيق يبيعون لهم فلتر صني
الإحتمال الثالث دبات الشكمان إذا متسكره بس يصاحبها حرارة في الغالب
والإحتمال الأخير كلتش المروحة تأكد إنه تمام ماهو مجيم ويطرح عزم الموتر
أبو رياض1
08/11/2016, 01:13 PM
جزاكم الله خير الجزاء
أبو رياض1
08/11/2016, 09:03 PM
أخواني تم حل المشكله
طلع حساس تحت المكينه اسمه حساس الكرنك
وبيض الله وجيهكم ولا هنتم
أبونجم
09/11/2016, 12:05 AM
صحيح حساس الكرنك مايبان في كشف الكمبيوتر واذا وصلت جرارة السيارة للطبيعي يبدأ يلعب بالمكينة .
أبونجم
09/11/2016, 12:06 AM
وجهك أبيض والحمد لله على حل المشكلة .