عجيبان
07/11/2016, 02:35 AM
السلام عليكم ورحمة الله وبركاته
ياواحدً حن نشتكي له ونرجيه
نطلبه من عفوه ونخشى عقابه
نطلبه فالدنيا على الحق توجيه
ونعوذ به شر الزمن وانقلابه
الحي بمره مات والميْت يحييه
مرسل نبيه بالهدى في كتابه
ومنزلً في سورة النور تنزيه
ومبريً عرض النبي والصحابه
ومنزلً غيثً من المزن منشيه
لاجفت الريضان جتها السحابه
تنبت وتزهر واخضر اللون تبديه
وتبدلت الاحوال خير ورحابه
والبر ياهل البر زان المشي فيه
شوف النشاما فيه ربع وقرابه
والبن فوّح واطيب البن غاليه
بن اليمن لاراعي الكيف جابه
في حزةً والرعد نسمع مدويه
سبحان من رعده وبرقه يهابه
سلام يادارً بها راسي يجييه
ونسه وطربه وابتعد عن كئابه
مع رفقةً ماتذخر الطيب تعطّيه
جمعت قرومً بالفعول اتشابه
ذا يحمس الحمسه وذا البن مرهيه
واخر هروجه طيبه ينبدى به
والصاحب الغالي ترى مانخليه
نتعب على قربه ونحفظ جنابه
وسلامتكم جميع ...
ياواحدً حن نشتكي له ونرجيه
نطلبه من عفوه ونخشى عقابه
نطلبه فالدنيا على الحق توجيه
ونعوذ به شر الزمن وانقلابه
الحي بمره مات والميْت يحييه
مرسل نبيه بالهدى في كتابه
ومنزلً في سورة النور تنزيه
ومبريً عرض النبي والصحابه
ومنزلً غيثً من المزن منشيه
لاجفت الريضان جتها السحابه
تنبت وتزهر واخضر اللون تبديه
وتبدلت الاحوال خير ورحابه
والبر ياهل البر زان المشي فيه
شوف النشاما فيه ربع وقرابه
والبن فوّح واطيب البن غاليه
بن اليمن لاراعي الكيف جابه
في حزةً والرعد نسمع مدويه
سبحان من رعده وبرقه يهابه
سلام يادارً بها راسي يجييه
ونسه وطربه وابتعد عن كئابه
مع رفقةً ماتذخر الطيب تعطّيه
جمعت قرومً بالفعول اتشابه
ذا يحمس الحمسه وذا البن مرهيه
واخر هروجه طيبه ينبدى به
والصاحب الغالي ترى مانخليه
نتعب على قربه ونحفظ جنابه
وسلامتكم جميع ...