خيال الصبحا
31/01/2007, 02:52 PM
بسم الله الرحمن الرحيم
السلام عليكم
ورحمة الله وبركاته
كيف حالكم ياأهل مكشات
قبل لاأبدأ هذا موضوع لاخونا
شارب فينتو عن البرقع واهميته
شفته واعجبني فقلت لازم اني اضيفه
على شان تصير الفائده فائدتين
http://www.mekshat.com/vb/showthread.php?t=60003
المهم
اليوم أبي أتكلم عن موضوع تدهيل
الطير على لبس البرقع ، لإن بعض الطيور
تكره البرقع ، ويجد الصقار صعوبة في تبرقع هذا
الطير ، لإن الطير يقوم يكافخ، أو ينسر البرقع ...الخ
لذلك راح أتكلم عنها اليوم.
*أسباب كره الطير للبرقع:
الصقر بطبيعته يكره البرقع ، لإنه شيء جديد عليه ، ولإنه شيء يحجب
رؤيته و...و...و...الخ من الأسباب.
ولكن بعد طرح الطير وتدهيله(تدهيل جيد)يصبح البرقع أمر عادي عنده.
ولكن هناك أسباب تجعل الطير يكره البرقع منها:
1-أن يكون البرقع ضيق أو من النوع الردي مما يسبب له آلام ويضايقه.
2-أثناء تدريب الطير يقوم الشخص الي يدرب الطير بعزل الصيد بالبرقع . بمعنى
أخر أن الطير يوم يصيد ويبدأ ياكل من صيدته يجي الصقار ويبرقع الطير وهو على الصيده
من دون لا يعزله ، وبكذا ياخذ الصقر فكره عن البرقع أنه هو سبب منعه من الطعام.
3-سوء تبرقع الطير ، فتجد الصقار يبرقع الطير بسرعه وبالقوه، و يفاجأه بالبرقع.
*العلاج:
قبل كل شيء عليك أجتناب الأسباب المذكورة في أسباب كره الطير للبرقع ، ثم اتبع الأتي:
1-تأكد من البرقع ، بحيث أنه مايكون ضيق ويسبب الآم للطير،أو من النوع الردي(لإن فيه أنواع
مصنوعه من نايلون أو ماده شبيهه للنايلون ، وهذا ماهو مناسب لإنه بالأجواء الحارة يؤذي الطير)
ولايكون واسع بحيث أنه يشوف بوضوح فتنعدم فائدة البرقع.
2-أثناء جلوسك والطير على يدك فك برقعه وأسحبه لبوز الطير وأرجع لبسه ، وكرر هالعملية قدر
الإمكان ، وبكذا يتعود الطير على لبس البرقع.
3-ضع قطعة لحم صغيره بالبرقع وقربها من الطير ، أول مرة تشوف الطير متردد بأكل اللحمه ، ولكن
مع التكرار راح تشوف الطير يدخل بوزه بالبرقع من دون خوف .
4-إذا جيت تبرقع الطير لا تفاجأه بالبرقع ، فأنت تتعامل مع طائر ذكي ، ولكن أمسح بالبرقع على صدره
مره ومرتين وثلاث وبعدين برقعه.
5-أثناء الصيد لا تعزل الصيده بالبرقع ، ولكن أعزله بالطريقة مناسبه(ومن هنا أنا أطلب من أعضاء
منتدانا العزيز تصوير مقطع فيديو لكيفية عزل الصيده، وهذا أن شاء الله أنه ما يصعب عليهم ، لإنهم كل
أسبوع يصيدون ماشاء الله عليهم، أو أقل شيء أنهم كل أسبوع يفكون حمام لطيورهم ، لذلك أرجوا أن أحدهم
يصور عملية العزل تصوير فيديو، وأنا شفت قبل مدة مقطع لعزل الصيد باحد المنتديات وكان عليه توقيع باسم
المنتدى مما منعني من نقله،لذلك نطلب من صقارين مكشات تصوير هذا الشيء).
والطريقة المناسبة للعزل (نظرياً)أنك عندما يصيد الطير تحط علفه بالدس(رجل حمامه مثلاً)وتجي للطير
بهدوء من جهة وجهه وتقرب الدس له ، وإذا بدء ينسر منها تقرب يدك من كفوفه ، وتحاول ترفعها شوي ، تلقائياً
الطير يرقى على يدك ويترك الصيد ، أنقل الطير وأبعده عن الصيده وأي واحد معك ياخذها ، أو تنتظر لين ياكل
الطير العلفه الي بيدك وتبرقعه وترجع تاخذها.
6-بعد مايخلص الطير العلفه الي بيدك لا تبرقعه مباشره ، ولكن أنتظر شوي لين يتأكد أنه مابقى منها شيء ،ثم
أمسح عليه بالبرقع وبعدين برقعه(لايشوف الصيده الي عزلتها منه).
7-تأكد من نظافة البرقع.
وإن كان هناك أسباب أو نتائج أخرى فلا تبخلوا علي بها.
طبعاً الموضوع مجمع من هنا شوي ومن هنا شوي لين صار مثل ماتشوفون.
أتمنى لكم التوفيق
وشكراً
أخوكم
خيال الصبحا
السلام عليكم
ورحمة الله وبركاته
كيف حالكم ياأهل مكشات
قبل لاأبدأ هذا موضوع لاخونا
شارب فينتو عن البرقع واهميته
شفته واعجبني فقلت لازم اني اضيفه
على شان تصير الفائده فائدتين
http://www.mekshat.com/vb/showthread.php?t=60003
المهم
اليوم أبي أتكلم عن موضوع تدهيل
الطير على لبس البرقع ، لإن بعض الطيور
تكره البرقع ، ويجد الصقار صعوبة في تبرقع هذا
الطير ، لإن الطير يقوم يكافخ، أو ينسر البرقع ...الخ
لذلك راح أتكلم عنها اليوم.
*أسباب كره الطير للبرقع:
الصقر بطبيعته يكره البرقع ، لإنه شيء جديد عليه ، ولإنه شيء يحجب
رؤيته و...و...و...الخ من الأسباب.
ولكن بعد طرح الطير وتدهيله(تدهيل جيد)يصبح البرقع أمر عادي عنده.
ولكن هناك أسباب تجعل الطير يكره البرقع منها:
1-أن يكون البرقع ضيق أو من النوع الردي مما يسبب له آلام ويضايقه.
2-أثناء تدريب الطير يقوم الشخص الي يدرب الطير بعزل الصيد بالبرقع . بمعنى
أخر أن الطير يوم يصيد ويبدأ ياكل من صيدته يجي الصقار ويبرقع الطير وهو على الصيده
من دون لا يعزله ، وبكذا ياخذ الصقر فكره عن البرقع أنه هو سبب منعه من الطعام.
3-سوء تبرقع الطير ، فتجد الصقار يبرقع الطير بسرعه وبالقوه، و يفاجأه بالبرقع.
*العلاج:
قبل كل شيء عليك أجتناب الأسباب المذكورة في أسباب كره الطير للبرقع ، ثم اتبع الأتي:
1-تأكد من البرقع ، بحيث أنه مايكون ضيق ويسبب الآم للطير،أو من النوع الردي(لإن فيه أنواع
مصنوعه من نايلون أو ماده شبيهه للنايلون ، وهذا ماهو مناسب لإنه بالأجواء الحارة يؤذي الطير)
ولايكون واسع بحيث أنه يشوف بوضوح فتنعدم فائدة البرقع.
2-أثناء جلوسك والطير على يدك فك برقعه وأسحبه لبوز الطير وأرجع لبسه ، وكرر هالعملية قدر
الإمكان ، وبكذا يتعود الطير على لبس البرقع.
3-ضع قطعة لحم صغيره بالبرقع وقربها من الطير ، أول مرة تشوف الطير متردد بأكل اللحمه ، ولكن
مع التكرار راح تشوف الطير يدخل بوزه بالبرقع من دون خوف .
4-إذا جيت تبرقع الطير لا تفاجأه بالبرقع ، فأنت تتعامل مع طائر ذكي ، ولكن أمسح بالبرقع على صدره
مره ومرتين وثلاث وبعدين برقعه.
5-أثناء الصيد لا تعزل الصيده بالبرقع ، ولكن أعزله بالطريقة مناسبه(ومن هنا أنا أطلب من أعضاء
منتدانا العزيز تصوير مقطع فيديو لكيفية عزل الصيده، وهذا أن شاء الله أنه ما يصعب عليهم ، لإنهم كل
أسبوع يصيدون ماشاء الله عليهم، أو أقل شيء أنهم كل أسبوع يفكون حمام لطيورهم ، لذلك أرجوا أن أحدهم
يصور عملية العزل تصوير فيديو، وأنا شفت قبل مدة مقطع لعزل الصيد باحد المنتديات وكان عليه توقيع باسم
المنتدى مما منعني من نقله،لذلك نطلب من صقارين مكشات تصوير هذا الشيء).
والطريقة المناسبة للعزل (نظرياً)أنك عندما يصيد الطير تحط علفه بالدس(رجل حمامه مثلاً)وتجي للطير
بهدوء من جهة وجهه وتقرب الدس له ، وإذا بدء ينسر منها تقرب يدك من كفوفه ، وتحاول ترفعها شوي ، تلقائياً
الطير يرقى على يدك ويترك الصيد ، أنقل الطير وأبعده عن الصيده وأي واحد معك ياخذها ، أو تنتظر لين ياكل
الطير العلفه الي بيدك وتبرقعه وترجع تاخذها.
6-بعد مايخلص الطير العلفه الي بيدك لا تبرقعه مباشره ، ولكن أنتظر شوي لين يتأكد أنه مابقى منها شيء ،ثم
أمسح عليه بالبرقع وبعدين برقعه(لايشوف الصيده الي عزلتها منه).
7-تأكد من نظافة البرقع.
وإن كان هناك أسباب أو نتائج أخرى فلا تبخلوا علي بها.
طبعاً الموضوع مجمع من هنا شوي ومن هنا شوي لين صار مثل ماتشوفون.
أتمنى لكم التوفيق
وشكراً
أخوكم
خيال الصبحا