السيارة صار يطلع منها دخان كثير

[mq_1]

السلام عليكم ..

أخواني انا عندي ابيكا 2006 صارت فيه مشكله وهي طقه ف القير المهم وديتها الورشة في شهر 5 ( سنة 1437 ) جلست اسبوعين وطلعت وعطانا ضمان ستة أشهر وجربتها ولا زالت المشكلة موجوده مالكم بالطويله وديتها عقب العيد وقال يبيلها فيوز وجلست اربع شهور حتى وصلت القطعه المهم قال تعال استلمو السياره جربتها صار يطلع من الشكمان دخان ماهو بسيط والسيارة تنتع ومافيها عزم خليت السياره عندهم تكفون شوروعلي عطوني حل ذبحني التفكير

[mq_1]

ليش مافيه ردود

[جي كي]

عطني تفاصيل اكثر..وش لون الدخان؟ يطلع من الشكمان ولا من وين؟ ههه
وش ريحة الدخان؟ كربنه؟ حرق؟ بنزين؟
وش صار للسياره قبل لاتدخن؟
كم ماشي الموتر؟
اسئله اضافيه.. كيف زيت الموتر؟ وش لونه؟ له ريحه؟

[mq_1]

ي طويل العمرالدخان يطلع من الشكمان ولونه ابيض كثير ماشميت ريحته والسيارة ماشيه تقريبا 150000 كم اذا مشيت فيها من زمان ترتفع الحراره وهي كانت فيه الورشه يوم جيت استلمها لقيت قربة الرديتر مافيها ماء

[جي كي]

اوك.. الدخان الابيض الكثيف اللي يطلع من شكمان السياره، هو بخار موية الرديتر. السياره مشت وهي حاره و خربت وجيه الراس..
قد يكون الوجيه بس.. وحله تغيير الوجية
او الراس انعوج بفعل الحراره.. وحله يخرط الراس وتتغير الوجية..
السؤال اللحين.. هل فيه صوت طقطقه في المكينه؟ اذا تسمع صوت طقطه قويه صادره من اسفل المكينه، هذي معناتها انه السبايك طقت وحلك توضيب مكينه..




الله يوفقك ويسهل امرك

[mq_1]

جزاك الله خيرعلى الرد لكن السيارة مايطلع صوت طقطقه في المكينه لكن اذا مشيت فيها على سرعة 30 تنتع ومافيها عزم

[SGL]

جزاك الله خيرعلى الرد لكن السيارة مايطلع صوت طقطقه في المكينه لكن اذا مشيت فيها على سرعة 30 تنتع ومافيها عزم

ياغالي قبل الورش وكل سباك يعطيك من راسه
شيك على الزيت شوفه هل هو خالط ماء فك غطاء المكينة بعد مشوار وشف هل فيه مادة بيضاء وشيك على الرديتر وتأكد إن مافيه خلط زيت
وشيك على خرطوش هواء القربة يركب في الثروتل وينتهي في قربة الفلتر تأكد إنه مربوط تمام ومافيه تنسيم هذا يسبب تكتيم وعدم صفاوه بالمكينة والبواجي فكها ونظفها وشيك على الكويلات

[بلحارث]

ياخوي شكوى على طول عندك وزارة التجارة هذا لعب في لعب ولا استبعد استبدال قطع في سيارتك وبصراحة انت طيب اكثر من اللازم

[mq_1]

اخوي بلحارث المشكله مايهمه شي يقول رح اشتكي علشان الضمان انتهى وكلمت وزارة التجارة يقول ماهو من اختصاصنا

[hassan-55]

ياغالي قبل الورش وكل سباك يعطيك من راسه
شيك على الزيت شوفه هل هو خالط ماء فك غطاء المكينة بعد مشوار وشف هل فيه مادة بيضاء وشيك على الرديتر وتأكد إن مافيه خلط زيت
وشيك على خرطوش هواء القربة يركب في الثروتل وينتهي في قربة الفلتر تأكد إنه مربوط تمام ومافيه تنسيم هذا يسبب تكتيم وعدم صفاوه بالمكينة والبواجي فكها ونظفها وشيك على الكويلات

:good:

اضافه الى ذلك اخي كاتب الموضوع
فك بلف التبخير ونظفه ببخاخ ايسيدلكو
لا يكلفك جهد ولا مال
وشيك على اللي نصحك به الأخ SGL

اذا فكيت البواجي شوف راسه في زيت ام كربون فقط
وأيضاً فك حساس الهواء ونظفه (امسح الغبار اللي عليه) ببخاخ الكترونيات

أشياء بسيطه اعملها بنفسك :)