مشكله حيرت المهندسين

[لاإله إلأالله]

السلام عليكم ورحمة الله وبركاته..
بختصر موضوعي وان شاء الله يكون واضح ..
واجهتني مشكله في القير وهي .. اني اذا حطيت القير ع دي وطبعا وانا ماسك بريك اذا شلت رجلي الله يعزكم من ع البريك يطلع صوت طقه قويه !!
واحيانا ماتطلع ..

واستفسار ثاني .. السياره حصل لها صيانه في الوكاله الى 100000 والحين ماشيه 174 ابغى اغير زيت القير مع الفلتر هل فيه مشكله ؟

السياره اف جي 2011

[hassan-55]

وعليكم السلام ورحمة الله
أحيان نقص زيت القير يسبب نتعه وطقه ، افحصه
وهذا قد صار معي بالكامري وأيضا بالاند كروزر بالذات لما ادق الريوس من ال N الىR
صوت طقه مع نتعه
والاخوان ما يقصرون معك اذا في شيء اخر
وبالنسبه لإستفسارك الثاني
عادي تغير زيت مع الفلتر بس خذ الزيت والفلتر الأصلي من احد الموزعين المعتمدين مثل الضحيان او الرشيد او العمودي وغيرهم

[جي كي]

السلام عليكم ورحمة الله وبركاته..
بختصر موضوعي وان شاء الله يكون واضح ..
واجهتني مشكله في القير وهي .. اني اذا حطيت القير ع دي وطبعا وانا ماسك بريك اذا شلت رجلي الله يعزكم من ع البريك يطلع صوت طقه قويه !!
واحيانا ماتطلع ..

واستفسار ثاني .. السياره حصل لها صيانه في الوكاله الى 100000 والحين ماشيه 174 ابغى اغير زيت القير مع الفلتر هل فيه مشكله ؟

السياره اف جي 2011

الطقه من وين تسمعها؟ هل السياره كامله تهتز مع الطقه؟

انت تقول اذا تركت الفرامل وهي معشقه دي تطلع طقه...بالعاده تطلع من وراجهه الكفرات الخلفية.. كثير من الجموس والفوردات خاصه الونيتات عندهم نفس الطقه..هذي والله اعلم تجي من الجلب.
بس اكتبلي تفاصيل اكثر.. وشكرا

[ص ب ق]

شيك على الشاص من جهت كراسي المكينه

عيب الافجي شاصيه ضعيف

اذا كان منشعر يحط له بليته حديد تدعيم

[لاإله إلأالله]

حسن ..
تسلم ع النصيحه ولاهنت

جي كي ..
الصوت من قدام .. وبعض المهندسين اللي يقولون عنهم مهندسين !! يقولون شحم العامود !
وشحمت ولكن مانفع !
احيانا وانا ماشي وجيت افرمل يطلع صوت طقه ورا
ورحت للورشه وقال عندك مسمار الاقمشه مرتخي وشده ولكن لازال الصوت !


ص ب ق ..

بشيك ع الشاص .. وان شاء الله تكون المشكله بسيطه .

[SGL]

ياغالي الكارونه الأماميه لها جلب دائريه والبعض يسميها كراسي أتوقع عددهم إثنين شيك عليها تشييك تمام عشان تبين معك طبعآ مالي أي خبره في نوع موترك بس حسب ماسمعت إنه نفس الفورشنر مابه فرق وأكيد الجلب هذي موجوده بموترك

[أبوصالح9]

المشكلة الاولى من مسمار الكليبر يصير فيه فضاوة بسيطة فك مسمار الكليبر الخلفي ولف عليه شطرطون كهرب لفه ونص وحط عليه شحم ويروح الصوت بس تراه مؤقت ولامنه خوف اذا المشكلة منه - كان عندي نفس الصوت اللي بشرحك وزينت مثل ما قلت لك وراح الصوت والحين بدا يرجع على خفيف

بالنسبة لتغيير زيت القير اذا التشييك السابق على 100 الف - كنت مغير زيت القير مع الفلتر فماهنا خلاف تقدر تغير الزيت والفلتر وانت مرتاح - اما اذا الزيت والفلتر على شد البلد ما تغير ابد فتحتاج تغير على دفعات يعني اسحب وفرغ علبة من الزيت القديم واحد لتر وحط علبة جديدة واحد لتر وامش عليه 5000 كيلو همن اسحب علبة ثانية واحد لتر وحط علبة جديدة واحد لتر ونفس الوضع 5000 كيلو والتغييره الثالثة فرغ الزيت بالكامل وغير فلتر جديد اصلي مع زيت تويوتا اصلي وامورك تمام

[YUKON_GMC]

احتمال من صليبات العمدان او جنزير الدبل فيه فضاوه هل سحبت سياره فيه قبل المشكله ؟؟

[الريح الاحمر]

اشتريت سيارة برادو 2012 كانت تعمل طقة لما اوقف ورحت عدة ورش ما عرفوا السبب الظاهر صاحبها باعها بسبب هذه الطقة ، والحمدلله بعد ما بحثت في الجوجل طلع انه لازم نعمل تشحيم للشفت الطويل فيه فتحتين يتم ادخال التشحيم فيها والحمدلله بعد ما عملوا التشحيم راحت الطقة