سحاب- وصات جدتي الله يرحمها وسالفه الغنم

[سحاب نجد راعي شقراء]

هلا بالغالين ومرحبا


اليوم والله شفت صوره وضيقت صدري بالحيل
شفت طال عمركم صوره فيها يجي 20 بنت وكبار مهنب صغار مصورات قدام بيت السبيعي التراثي في شقراء
وكلهن فاتشات ماتغطن ومطلعات شعورهن وشكلهن مهنب سعوديات شكلهن اجنبيات والله العالم
ومهما كان ومهما صار ماتاصل الامور الا كذا ابد ولا نقبله ابد
الله لا يخزينا بس
وكان هذا التطور والتحظر مانبيه ابد الله لايبه
والله لوني شايفهم شوف العين اني مااخليهم معاد الا هي بعد


ولوهن جايات ومحتشمات كان بصرهن خلهن يتفرجن على البيوت القديمه الي صلحوها هلحين وصارت توسع الصدر
لا عادت على دنيا تبي تصلخنا من جلدنا
ترا مابقي في الدنيا الا السعوديه متمسكه بعباده الرحمن الرحيم ونجتنب مايغضب وجهه سبحانه
وكلن ترا حاسدنا ودهم تتغير النعمه والفظل الي انحن فيه - كل ذو نعمه محسود - ولوهم عايشين معنا يتمنون زوال النعمه الله يزيلهم عنا ويريحنا منهم


ولا اوصيكم يالغالين كلش ولا دينا وعاداتنا الصالحه وبلدنا هذولي لا تجاملون احد فيهن ابد


والله العظيم شوفوني احلف ان الشعب السعودي من اطهر ونقا وكرم ورحم شعوب الدنيا كلها وتراي ماقلته الا من تجاربي عشرات السنين وبخص الي انا اقوله
بس تغيرطبع بعض السعوديين مع كثره الاجناب الي جونا وجابو معهم الغش والكذب والخيانه وكل هذولي ماكنا نعرفهن في السعوديه قبل الطفره
ولاكن مهما حصل النخوه والفزعه والكرم والرحمه لازالت تصيطر على السعوديين وهذي نعمه من رب العالمين


والله خير حافض سبحانه


وخل اعلمكم بشي ونتم اعرف مني بس للتذكير


احفظو صلاتكم وحفظو كلامكم وحفظو افعالكم هذولا اذا تمسكتم فيهن فبشرو بالخير في الدنيا والاخره


ولا شاف الواحد منكم احد مسوي شي غلط يقول الحمد لله الله يهديه وبس ترا الي باليه مهوب عجز عنك يبلاك مثله


خل اعلمكم وشي موصيتني جدتي يومني توي صغييير جعلها للفردوس
وكنت انا وياها ساكنين في نخلنا في شقراء
وكان جدي الله يرحمه باني عند الباب الجنوبي للنخل كان باني مسجد من طين طبعن
وباني مسجد ثاني عند الباب الغربي


وتوصيني جدتي وتقول اسمع ياولدي


لا تخلي صلاتك ونا امك ابد
ون جاك محتاج لا تخليه يروح الا انت معطيه
ولا سمعتا كلام في الناس بالك تخوض فيه
وترا الدنيا خيبه للهي له ونا امك مهيب خلفه


ترا ذا الكلام قبل لا تنولدون كلكم الا كان راعي العجرا هوالي عود حلاحل هههههههه نقولها منول فلان عود حلاحل يعني من كبره ولا نقول فلان ياعي نوح :D


اذكر ونا توني صغييير ارعا الغنم حقتنا وكان حولنا عرب ساكنين تصدقون الا هلحين وهم فيه ماراحو
المهم والله يعينا على المهم كنت ارعا الغنم وفيه بنت ترعا غنمهم وترانا صغيييرين :p
وجلس العب انا والبنت وننسا غنمنا ويروحن الغنم ويدخلن مزرعه شايب وياكلن في زرعه
ويروح الشايب لم العرب يشكي عليهم ترا غنمكم كلن زرعي ونا تعبان فيه وهذا مهوب حق ولا هوب واجب منكم
ومادريت انا ولبنت ونحن جالسين نلعب على الرمل الا يوم جت ام البنت وهي تهوش علينا وتمسكني مع اذيناتي وتدودلني
وهي تقول والله لو شفتكم مع بعض اني لكسر العصا هاذي عليكم ياسلام ورا بنتها ماطقتها مثلي
تلعبون وتسرحون الغنم يالله ولا عاد اشوف الغنم داخله في بعضها وتمسك بنتها ويروحون وبس الطق لي والكلام لبنتها ياسلام بعد :D
ونتهت قصه البرائه بسبب زرع العود وبس
وذكر من سنتين شفت ام البنت عجوز كبيييره وعرفها وهي تعرفني وسلمت عليها وقلت لها يم فلان ترا اذاني توجعني الا هلحين :D وذكرها وتذكر وتقعد تظحك ثمن شوي وصارت تبكي تذكرت جدتي كانت رفيقه لها وتذكرت الي ماتو الله يرحمهم وقعد عندها ودميعاتي تبط بط وش حيثي ما اصيح الا ابا اصيح :p
وقلت انا هلحين جاي اسلم عليك وتاليتها صياح وضيقه صدر قالت وش اسوي وقلت انا بعد وش اسوي وشوا سكتت وقعدت تسولف علي وتنشدني عن فلانه وفلانه حيين ولا ميتين وقلت مابقا الا انتي كلن مات :D الله من زين الكلام بعد مابقا الا انا وياك مدري وش نحتري :D تصدقون بنتها الي العب معها ميته من سنين الله يرحمها اقول لكم ضاربين الارقام القياسيه وبس مشيت من عندها ونا اقول وش الله جابني ذا العصريمها لا عادت عليه من سلام

الله يمتعنا وياكم متاع الصالحين ولا يظهرنا من الدنيا الا وهو راضي عنا ويختم لنا بالفردوس قولو امين

وما نقول في النهايه الا

سبحان الله والحمدلله ولااله الا الله والله اكبر عدد خلقه وزنه عرشه ومداد كلماته ورضا نفسه

[قوافي ( أم نهار )]

السلام عليكم ورحمة الله وبركاته
حياك الله ابو نوره
العذر احسب انني رديت على السالفه ومن خلال مراجعتي للخيمه اكتشفت انني لم ارد عليها فعذراً اخي الفاضل عالتأخير
اللي يعيش يشوف والعتب على من سمح بحضورهن متبرجات ..حسبنا الله ونعم الوكيل
الشعب السعودي ولله الحمد والمنه فخر بكل مكان وانا افتخر بهم وان كان هناك حالات فرديه مستثناة وباذن الله هم قله كذلك ابناء الخليج باكمله والعالم العربي يستحق الثناء فكل بلد له عوايده وطباعه..
نصايح بمحلها رحم الله احبابنا الحي والميت منهم ..
اكيد مب قايله لبنتها شي وهذا اكبر غلط وما زال موجود ..لا نرى عيوب ابنائنا بعين حقيقيه ..عفا الله عنا واصلح لنا النية والذريه
سلمت عليها وصيحتها العلم عند الله انه عتب مخفي
الله يطول بعمرك ويحفظك رب العالمين ويرحم كل غالي فوق التراب وتحت التراب ويجمعنابهم فالفردوس الاعلى من الجنه
تحياتي وتقديري واحترامي

[سحاب نجد راعي شقراء]

السلام عليكم ورحمة الله وبركاته
حياك الله ابو نوره
العذر احسب انني رديت على السالفه ومن خلال مراجعتي للخيمه اكتشفت انني لم ارد عليها فعذراً اخي الفاضل عالتأخير
اللي يعيش يشوف والعتب على من سمح بحضورهن متبرجات ..حسبنا الله ونعم الوكيل
الشعب السعودي ولله الحمد والمنه فخر بكل مكان وانا افتخر بهم وان كان هناك حالات فرديه مستثناة وباذن الله هم قله كذلك ابناء الخليج باكمله والعالم العربي يستحق الثناء فكل بلد له عوايده وطباعه..
نصايح بمحلها رحم الله احبابنا الحي والميت منهم ..
اكيد مب قايله لبنتها شي وهذا اكبر غلط وما زال موجود ..لا نرى عيوب ابنائنا بعين حقيقيه ..عفا الله عنا واصلح لنا النية والذريه
سلمت عليها وصيحتها العلم عند الله انه عتب مخفي
الله يطول بعمرك ويحفظك رب العالمين ويرحم كل غالي فوق التراب وتحت التراب ويجمعنابهم فالفردوس الاعلى من الجنه
تحياتي وتقديري واحترامي


ياهلا ومرحبا بالغاليه قوافي
يقولي واحد ان الصوره الي شفتها مركبه مهيب حقيقيه والحمد لله رب العالمين

الله يجزاك بالفردوس على ذا الدعوات الطيبه

[Al3rands]

الله يهديك يبو نوره وراك تحسفت انك سلمت عليها وصحتوا زين انكم تذكرتوهم وترحمتو عليهم .خلك مثلي ادعي ربي سبحانه (الا يردني الى ارذل العمر) والباقي لازم ينوشك من طول العمر نواش بس لاتوهم نفسك واحمد الله انه زادك بالعمر لتستزيد من العباده ترا الميتين يتمنون لو يرجعون للحباة لاجل يستزيدون من العباده .تراي مامن بعايد عنك بس ماناب مستسلم واقول شيبت خلاص وابقضب ارضي (اباشد حيلي لو بانت بي عذاريب--راسي صليب والربع يمدحونه) (دامه اليوم يشم الهباهيب--ابارقى النايفه ورب المخاليق عونه) شفني توي الاحد قاطع عرق الاجردي اللي بين مشذوبه وساموده لحالي ماوقفت الا ببريده ومن باكر رحت للرياض وخلصت لي شغل ويوم الاحد بروح اعتمر ثم اروح للمدينه اسلم على اشرف الخلق صلى الله علي وسلم ثم انزل للقصيم يوم كشته ويوم زيارات وراحه الى تعبت شوي نمت بالبر لي يومين ارجع كني مراهق ههههه بك شده يبو نوره يالله خلن اكسب اجرك مابي منك الا السواليف (م م )يعني محفول مكفول ةخوتك تنشرا تراي جاد والله ابفتح الموقع بكرا ان شاء الله وعساي القى منك الموافقه لا تفكر واجد وتحسب اروح ولا ماروح لاتفشلنا عند العمه قوافي وش تقول علينا والمثل يقول ان وافقك خير وافقه اعطيك رقمي وانتفاهم مع انه ما يبيله شي وربي يكتب مافيه الخير

[Al3rands]

ياسحاب وش بك مارديت الى الحين ترا العرض مازال قائم ولا تبي القعده والدفا شاور روحك الى باكر وبه مغريات بعد ان كان شفت الرفقه زينه بتلنا لجده ولا ان كان ماجازت لك سواليفي وسواقتي ترا التذكره من الطايف على حسابي وان كان القطار شغال مني لك درجه أولى للقراين او شقرا اللي يجوز لك عساي القى ردك باكر ان شاء الله

[سحاب نجد راعي شقراء]

ياسحاب وش بك مارديت الى الحين ترا العرض مازال قائم ولا تبي القعده والدفا شاور روحك الى باكر وبه مغريات بعد ان كان شفت الرفقه زينه بتلنا لجده ولا ان كان ماجازت لك سواليفي وسواقتي ترا التذكره من الطايف على حسابي وان كان القطار شغال مني لك درجه أولى للقراين او شقرا اللي يجوز لك عساي القى ردك باكر ان شاء الله

توي اشوف ردك جعل ربي يسعد قلبك دنيا ودين

والله العظيم انه ودي اروح معك ونا منيب ارخص الطيبين بس والله العظيم ان عندي ضروف ماتخليني اروح ولا اجي

تبي الصدق وش تبيبي تكفا عود وكلش ماله داعي هماهم يقولون الا شفتا الرجال يمشي ويطفي اللمبات
وصار يجمع كيس البلاستك جنب السواق وصار يحك راسه بصبع واحد ترا هذا منتهي وماله الا رايه هههههه
بس تتحسن ضروفي وبشر من عيوني الثنتين وهذي حبه على راسك علشانك اكبر مني ههههه قصدي علشاني ابطيت في الرد

[Al3rands]

عادي الله يسهل عليك ابشرك اعتمرت وزرت المصطفى صل الله عليه وسلم.وريحت بالقصيم كم يوم كانت رحله يحبها قلبك وتراك وعدت وانا جاهز باي وقت على قولة القصمان (ادور القلهي)

[المستوطن]

الله يسعدكم