قير عادي يمسك في الثالث

[برق الربوعة]

السلام عليكم ورحمة الله وبركاته
اسعد الله صباحكم ومساكم بالخير
عندي نيسان باثفندر 2004 .. كنت طالع في عقبة ضلع بالثالث حتى اعلى العقبه وجيت ابغى انمر الثاني عيا ما اطاع وقفت على جنب وسحبته بالقوه ورجع لثاني ومنذاك الوقت حتى الساعه يمسك بالثالث بس يفك بالقوه " جربته مره وانا على الخط وعشقته بالثالث واسحبه بالقوه يمكن اربع مرات او 5 فخرب علي كل النمر بس ما عاد عشقت الثالث ورجع زي اول يعني اعشق 1 و 2 و4 و5 ... وش المشكله افيدوني ياللي معه خبره

[رحلات السفاري]

السلام عليكم اخي حياك الله على ما اظن و الله اعلم المشكله في الضاغط الي يسهل مرور الثاني اما قله الزيت او فيه مشكله فيه و الله اعلم

[hassan-55]

اغلب الناس يجهل ويهمل تغيير زيت القير العادي
زيت القير له عمر معين الى ان تقل لزوجته ويصبح كالماء العادي
مثل ما تفضل الاخ جرب غير الزيت كامل افرغ القديم كامل ثم عب زيت جديد اعتقد يكلفك 70 ريال نوع بترومين
انا الحمد لله كل سنه تقريباً او اقل اغير الزيت والحمد لله ما واجهت مشاكل
المره الأولى اذكرها قديمه من 20 سنه او اكثر اذكر رحت صدفه للمشحمه عندي ونيت متسوبيشي قلت للعامل افحص لي زيت القير قالي انزل قلت له خير ان شاء الله قالي المس الزيت فعلاً الزيت مثل الماء ما فيه لزوجه ابداً
اذكر وقتها كنت اعاني من مشكله خفيفه لما اعشق بالثاني صعب شوي و يدقر القير وبفضل الله غيرت الزيت ولاحظت فرق كبير للامانه
من بعدها صرت كل فتره اغير الزيت

افحص لزوجة الزيت وقياسه ان لزم غيره وجرب لعله يفيدك بإذن الله تعالى

اعتذر عن الاطاله

[برق الربوعة]

السلام عليكم اخي حياك الله على ما اظن و الله اعلم المشكله في الضاغط الي يسهل مرور الثاني اما قله الزيت او فيه مشكله فيه و الله اعلم

الزيت غيرته قبل شهرين

[SGL]

الصحن والدزق وش وضعهن هل يوجد رجه بالتقويم في الأول أو تفويت بالسرعة مع الخامس أو الرابع
عصا القير إذا تلعب وماهي ثابته يكون إصلاحها خربان ويمكن تكون السبب

[رحلات السفاري]

حياك الله اخي و بارك الله فيك ادن المشكله في داخل الديسك حاول تشوف ميكانيكي

[YUKON_GMC]

هذي الاهله او النحاسيات حقت التعشيق .. مع الوقت تتاكل وهي اضعف جزء في القير العادي ... لكن ..

انت شوف ميكانيكي يمكن نقص زيت كلتش او الدزق والصحن يحتاج وزن

مع اني اتوقع 90% انها النحاسيات او النحاسات




http://www.mekshat.com/pix/upload05/images228/mk32037_ax-15-66.jpg


https://www.youtube.com/watch?v=wCu9W9xNwtI