استشاره بخصوص افضل منفاخ هواء

[msh1041980]

السلام عليكم ورحمة الله وبركاته

كان عندي قبل منفاخ الجمل وكويس بس ضيعته في الشرقية مع اني استخدمته اكثر من ثلاث سنوات بصراحه جبار

والان ودي اشتري واحد وش افضل شي موجود وعملي تنصحوني فيه

[الصيادالمليح]

في محل الرماية للرحلات عندهم منفاخ قوي

[قليقلان]

ابوجمل لاتعداه
خاصه انك مجربه

[هاوي الجكس]

عندك حق الرمايه ابو اظن قميته حول 350 ممتاز جداً وقوي

[ابوراكان تبوك]

فيه ساكا بستمين ممتاز جدا ب 150ريال فقط

شرط انه يخدمك 5 سنوات ان شاء الله

واي ماطور لاتعبي فيه اكثر من 4 كفرات الا بعد مايبرد

[msh1041980]

اسعد الله صباحكم بكل خير

كل الشكر لكم ، على الافادة الطيبة

[أبو عابد2000]

والله يالغالي عليك بماطور ابو جمل تيربو

قيمته 470 الى 500 بس والله يستاهل قوي جدا

استخدمه لي 3 سنوات ولا شكيت منه

[YUKON_GMC]

ابوجمل الاصلي اللي عليه طبعة الوكيل ( الشراع) ممتاز واسلاكه قويه ومقابضه اصليه وفيشه اصلي

عندي من سبع سنوات وللحين شغال وكل اسبوع اعبي فيه اربع كفرات

واشتريت ابو جمل من محل زينه ب 150 ريال وللاسف مقلد وطلع خرطي اسلاك كهرباء ضعيفه تميع وفيش الكهرب اسبوع ويميع ويخرب والهوز تخرب سنتة في اسبوعين

ورجعت استخدم القديم
مامثل الاصلي لو كان غالي

ويوجد تقرير سابق قبل خمس سنوات تقرير فيه احد الاخوان موضحهم ومجربهم كلهم بالصور ابحث عنه بالمنتدى

[هاوي المطاريش]

السلام عليكم انا عندي ماطور ابو جمل وكيله الشراع عندي له اكثر من ست سنوات واستخدمه بإستمرار وصراحه انصحك فيه بشده ماعمره خرب علي اذكر اني شريته ب ميتين وثمانين ريال

[اصيل نجد]

لاتعدى ابو جمل بشرط يكون الاصلي ولاتاخذ الا من الوكيل شفه بالغرابي كل شي صار مقلد ،

[كايد]

احد يوصف لي الوكيل بالغرابي ....عندي واحد لكن احتاج المحل ودي اشوف وش عندهم منتجات غيره

[الثمري]

احد يوصف لي الوكيل بالغرابي ....عندي واحد لكن احتاج المحل ودي اشوف وش عندهم منتجات غيره

خرائط قوقل فكتنا من لغز خل الشمس على حجاجكـ الأيسر (:

ادخل على خرائط قوقل واكتب (الغرابي الشراع) ويظهر لك الموقع.

http://imgur.com/UIjqMwD?r

[أبومحمدالشهري]

لي تجربتين من المواطير

التجربة الأولى لماطور من السنيدي تم شراؤه بي 350 ولا كمل معي سنة وتعطل ، واستخدامي له نهاية الأسبوع فقط



والتجربة الثانية كان لأبو جمل من الشراع ويسمى بالتيربو ، تم شراؤه بي 450 ريال وله الآن معي سنة ونصف تقريبا ، خلاص صار محتضر مثل الأول بيموت ، بالرغم اني استخدامي نظيف لهم احطهم على نفس الجراب مقلوب عشان الرمله وأيضا اريحهم بعد تعبئة كفرين ومع ذلك تعطلت



حاليا متوقف على نوعين بشريهم

واحد من اكسسوارات تويوتا صناعة استرالية وضمان لمدة خمس سنوات واسمه TJM وسعره حول 650 ريال وأتصور مافي أحد يعطيك خمس سنوات إلا وواثق من منتجه

والثاني من الرماية arb مريتهم البارح وعليه تخفيض بي 890 ريال سابقا كان بي 1150 ريال وضمان سنة ، والسعر حقيقة مرتفع للاثنين لكن الكفه ترجح حقيقة للي ضمانه خمس سنوات

[ناصح]

حاليا متوقف على نوعين بشريهم

واحد من اكسسوارات تويوتا صناعة استرالية وضمان لمدة خمس سنوات واسمه TJM وسعره حول 650 ريال وأتصور مافي أحد يعطيك خمس سنوات إلا وواثق من منتجه

والثاني من الرماية arb مريتهم البارح وعليه تخفيض بي 890 ريال سابقا كان بي 1150 ريال وضمان سنة ، والسعر حقيقة مرتفع للاثنين لكن الكفه ترجح حقيقة للي ضمانه خمس سنوات
لكن هل اخذت مقارنة في سرعة نفخ الإطار أو ما يعرف ( لتر / ثانية )

[أبومحمدالشهري]

الأسترالي مع صاحبي وشفت قوة أداءه ، معه كفر حجري على جنط 10 انش ،ونسم هواء الكفر إلى الجنط ثم عبأه ، استغرق 4 دقائق ، حقيقة أداء ممتاز ومرضي بالنسبة لي


أما arb ماتوسعت فيه ولا أعرف أحد يملكه ، لكن شفت مقاطع له باليوتيوب ، ومعروفه شركة arb كل منتجاتها جباره وجيدة ، لكن اللي ردني عنه سعره ومدة ضمانه