خيمة القاضي ديسكفري

[صمان1]

السلام عليكم
شفت صور لخيمة القاضي الديسكفري من لديه معلومات عنها او استخدمها فضلاً تزويدنا برأيه
وشكرا

[نفح البرادي]

السلام عليكم

ماجربتها يالغالي لكن شفتها .. هي واسعة ماشاء الله لكن يعيبها صغر مدخلها ونوافذها .. وهي شكليا تعتبر من فئة الـ Work Tent لو تكتبها في قوقل بتعرف وش اقصد .. يعني لما تبنيها ضروري تضرب أطنابها مشدودة ولا بلمسة وحدة بترخي لك واحد من اطرافها.

ويفيدونك الاخوان ان شالله

[صمان1]

جزاك الله خير

[mohdabusaleh]

والله يا اخي في الحقيقة شكلها حلو لكن ما اقنعتني احس وقت الهواء مشكلة

[الجارمن]

انا شريت مقاس 4*4 لكن لما جيت حملها على حوض فورد غمارتين طلع
الحوض ما يكفيها يعني عن التسفيط تكون طويلة جدا كذلك جربتها على باترول سفاري 4800 عند تحميلها من الخلف فان الخيمة تصل الى حد قير الموترطبعا الكلام على مقاس 4*4 لذلك يعتبر هذا عيب كبيرلذلك رجعت الخيمة واخذت فلوسي طبعا مقاس 3*3 تبي تكون اصغر ومقاس 4*2 اصغر الجميع​

[صمان1]

انا شريت مقاس 4*4 لكن لما جيت حملها على حوض فورد غمارتين طلع
الحوض ما يكفيها يعني عن التسفيط تكون طويلة جدا كذلك جربتها على باترول سفاري 4800 عند تحميلها من الخلف فان الخيمة تصل الى حد قير الموترطبعا الكلام على مقاس 4*4 لذلك يعتبر هذا عيب كبيرلذلك رجعت الخيمة واخذت فلوسي طبعا مقاس 3*3 تبي تكون اصغر ومقاس 4*2 اصغر الجميع​



جزاكم الله خير
ولكن انا اشوف 3*3 جيده ووزنها 29 كيلو اما بالنسبة للهواء لابد ان تثبت اقل شيء اربع طنابات بحبالها واعجبني انها قطعة واحدة وفلها وفكها سهل حسب ما شرح لي في محل القاضي ولكن تريثت ما اشتريتها حتى اسأل احد جربها و3*3 شكله ما هي طويلها مثل 4*4* والتي وزنها 38 كغم و 4*2 والتي وزنها 34كغم والله الموفق

[رجل الغابه]

بس اكيدغاليه

[الرحال2222]

انا شريت مقاس 4*4 لكن لما جيت حملها على حوض فورد غمارتين طلع
الحوض ما يكفيها يعني عن التسفيط تكون طويلة جدا كذلك جربتها على باترول سفاري 4800 عند تحميلها من الخلف فان الخيمة تصل الى حد قير الموترطبعا الكلام على مقاس 4*4 لذلك يعتبر هذا عيب كبيرلذلك رجعت الخيمة واخذت فلوسي طبعا مقاس 3*3 تبي تكون اصغر ومقاس 4*2 اصغر الجميع​


اخوي
كم السعر لكل مقاس وياليت فيه صور عنها

[مكشات الشتاء]

سعر 4*4 = 1850
طولها 220 سم

[عبدالله فهد1]

سعر 4*4 = 1850
طولها 220 سم

ملاحظاتي على خيمة دسكفري تحديداً
اولاً : قماش الخيمة لك عليه كانه قماش السنيدي الصيني
ثانياٍ : الارضيه ماهي قطعه واحده مع الخيمه تفك وتركب بلاصق واذا تجمع عليه رمل وخيوط تقل كفائته ولا عاد يكون حاكم وقت الغلق وهذا اكبر غلط في المربعانيه البرد يجي من تحت وحتى القوارص في اخر الشتاء في النهار تخاف تدخل . وحلها تخيط الارضيه خياط .
الثالثه : عيب خيمة دسكفري وكل خيامه السفريه اللي اصياخها مخاطه داخل القماش لو تنكسر من سوء استعمال او جهل في التسفيط يقولك ماعندنا لها صيانه او قطع غيار بستثناء البيرق مواصويرها قالي العامل ممكن من 250 الى 350 واشوف انها غاليه لانها معدن وخيزران السقف حق خيمة كشته حتى مايعطي ضمان على انها ماتخر المطر اتمنة خيمة دسكفري يخلونها مثل قماش خيمة البيرق ويوفرون خيزران الخيمه لو انكسر منها شي وايضا يقوون الارضيها ويخيطونها خياط بدل الاصق .
هذا وبالله التوفيق ...

[الصحراء01]

السلام عليكم ورحمة الله وبركاته،

أنا بصراحة شايف الموضوع من فترة ويمكن إن الأخ صاحب الموضوع اشترى الخيمة إللي تناسبة الله يوفقه والجميع. كنت وقتها قد إشتريت خيمة ديسكفري، وما بغيت أعلق حتى أجربها. الآن جربتها مرتين وهذا تقييمي.

أتفق مع الإخوان إللي ذكروا مشكلة المساحة من ناحية الطول لأنها ما تتسفط، بالنسبة لي ماخذه طول صندوق الونيت قطري (فورد 150 غمارة ونص)، لكن الوزن نوعا ما خفيف ويقدر الشخص الواحد يحملها وينزلها بدون مشكلة. من ناحية الدفاء فهي دافية لآن في كلا الرحلتين درجة الحرارة كانت بين 8-10 بالليل. طبعا المطر ما جربتها، الله يرزقنا من فضله.

بالنسبة للهواء ما فيها أي مشكلة في الثبات، بالعكس ما تحس بالهواء يحركها أبدا. مشكلتها في الهواء عند التركيب أو الفك إذا فيه هواء زايد لأنها تسحبك مع الهواء كونها قطعة وحده مثل الشمسية (المظلة). أخيرا ما واجهتني أي مشكلة في الأرضية من ناحية دخول الأتربه أو الحشرات وكان تثبيت الأرضية سهل جدا.

أنا بصراحة ضاق صدري في البداية لما شفت تعليقات الإخوان وأنا قد شريتها، لكن الحمدلله مبسوط منها بعد هالتجربتين. طبعا يمكن مرتين غير كافية للحكم.

إن شاء الله أكون قد أفدتكم