نقص الماء في الراديتر للباترول مابين (الوكالة و الورشة)

[شمآلي]

السلام عليكم
من كم يوم كتبت موضوع عن مشكلة نقص الماء عندي في الراديتر
السيارة باترول فتك حوض موديل 2014 ممشى السيارة 90 الف
طبعا رحت فحصت الراديتر و الخراطيش عند محلات الراديترات وطلع (سليم)
ثم وديتها لميكانيكي له سمعته
قعد يتفحص السيارة و ذكرت له العطل و ان الرديتر سليم
وقلت له يفتح غطا الراديتر وفتحة (قال عندك خلط ماء مع الزيت) وشفت كن فيه مثل الندى وكن فيه شي غريب بعد
ثم قال هالشي بداية خلط يعني توه اقل من شهر المشكلة عندك من (راس المكينه )لازم نفكة ونفحصه
وراح اعوضك ب اللي دفعته لو طلع عكس كلامي
كتب لي بالتقرير ان عندي حرارة و انا ماعندي حرارة لو الماء تمام
وشغل اليد هو :1500 ريال

___________________

ثم اخذت السيارة من عنده و وديتها وكالة ( العيسى )

وشرحت لمدير الصيانه المشكلة ان عندي نقص ماء
قال خلها ثاني يوم يطلع لك التقرير
جاء ثاني يوم
و طلع التقرير ان عندي تنسيم في الرديتر و لازم اغيرة
عندهم جهاز للضغط يوضح اماكن التنسيم

قلت طيب وديتها لماكينكي وقال عندك خلط قال كلام غير صحيح
اللي شفته هو بخار الزيت وليس خلط ماء مع زيت
(و فحصه السليم عن طريق عيار الزيت )

وعطاني ضمان بعد التركيب بعدم نقص الماء
10,000 كيلو
او 3 اشهر
__________________________________________________ ________________________________
طبعا ماعندي دخان يطلع من السيارة
ولا عندي تحجير في الليات
اذا مشيت السيارة بسرعه عالية على الفصلة
توصل الحرارة لبعد الشرطة تكون ملامسة لها



السيارة اذا الماء ناقص توصل الحرارة الثلث فقط

http://www.mekshat.com/pix/upload05/images248/mk166247_img_0770.jpg

مثل هالصورة او ازود ب شوي
__________________________

وش شوركم ي اهل الخبرة ؟
الميكانيكي واثق و اللي بالوكالة بعد واثق

[جزاء الشمري]

عندك شعر في الراس صارت معي نفس المشكلة

[شمآلي]

عندك شعر في الراس صارت معي نفس المشكلة

والحرارة معك توصل ثلث ولا اكثر

[YUKON_GMC]

الوكاله ابخص .. عندهم اجهزة فحص ولو فيه تنسيم بالراس يطلع هواء وفقاعات في الاديتر ..

اللي حاصل ان فيه تنديه بسيطه وبسرعه تنشف مع الحراره وليس تهريب من الاديتر ..

او ان ليات الحار تهرب مويه داخل الثلاجه ...

من رأي انك تزوده وتخلي معك جركل مويه 25 لتر بالسياره للاحتياط ولاتستعجل عليه ان كان خلط وان كان تهريب بالاديتر مع الوقت بيظهر لك .. حافظ على معايرة الزيت والاديتر اهم شي

وانا اتوقع ان المكينه سليمه 100%

[شمآلي]

الوكاله ابخص .. عندهم اجهزة فحص ولو فيه تنسيم بالراس يطلع هواء وفقاعات في الاديتر ..

اللي حاصل ان فيه تنديه بسيطه وبسرعه تنشف مع الحراره وليس تهريب من الاديتر ..

او ان ليات الحار تهرب مويه داخل الثلاجه ...

من رأي انك تزوده وتخلي معك جركل مويه 25 لتر بالسياره للاحتياط ولاتستعجل عليه ان كان خلط وان كان تهريب بالاديتر مع الوقت بيظهر لك .. حافظ على معايرة الزيت والاديتر اهم شي

وانا اتوقع ان المكينه سليمه 100%

هم فحصوه و طلعو الخلل في الراديتر
فيه تنسيم بسيط جدا
و قالو الراديتر الا طلبية
بعد اسبوع
عاد هو وقت كافي للمشاورة و التأكيد

[YUKON_GMC]

خلاص اوكيه الوكاله ابخص وعلى مسؤليتهم لاتشاور

[شمآلي]

خلاص اوكيه الوكاله ابخص وعلى مسؤليتهم لاتشاور

الله يبارك فيك

[بايسن حار]

إبدأ بتغيير الرديتر
اذا صرت محتار دايم ابدأ بالحلول الأقل تكلفه
حتى لو تروح تاخذ رديتر من التشليح للتجربه فقط

[SGL]

مالي خبره في الفتك بس أشوف الحرارة في الصورة طبيعية والغريب تقول خلط الزيت بارديتر وهذي الحركة تكون من صدر المكينة أو مبرد الزيت أما إذا الخلط مع الزيت بالمكينة يكون السبب الراس أو ضبات أترك عنك كلام السباكين وغير الرديتر إذا فيه خلل وتقدر تجرب تمشي على الموتر مشوار وبعدها توقف وتفك غطاء الزيت وشوفه من داخل إذا فيه مادة مثل الحليب يكون فيه خلط رغم إني مستبعد موضوع الراس

[السفير الاول]

اذا كان عندك نقص فالموية تاكد من طبة الماء الخلفيه بالسلندر

[شمآلي]

طلعت السياره من الوكاله بعد انتظار اسبوعين لطلب القطعه
ولازالت المشكله مستمره غيرت الراديتر بلا اي فايده
حتى المهندس اوريه الخلط في غطا الزيت مو عارف وش هو
وبقيا دهن في الراديتر عجز يعرف السبب
يقول الراس مستحيل لازم في حراره ولازم يخلط بعد بالعيار
صراحه وكاله اقل مايقال عنها فاشله
الان في انتظار التقرير الثاني لحفظ حقوقي اللي دفعتها لهم

[أبوبسام 0104]

كان موترك قيره تماتيك عادي فهذا من مبرد القير وصارت معي وهذي مشهوره بقيور الفتك التماتيك
فلذلك كان موترك تماتيك افحص زيت القير
بس ودي اعرف كان قيرك تماتيك أعلمك وش تسوي
وهذا رقمي للاستفسار اذا هوتماتيك0505172156

[شمآلي]

الله يسعدك وانا اخوك القير تماتيك
والوكالة مستبعدة مشكلة مبرد الزيت

________________

عموما فكيت اليوم الراس و وديته للمخرطة عند صديق لي
وطلع فيه خرم ب الراس
لا شعر ولا ميلان
شي غريب والله وجود خرم ب الراس
لا ينفع معه اصلاح
لازم راس جديد
نسأل الله العوض

[SGL]

البوجي إذا شرارته ماتضرب براسه المعكوف السالب بسبب خلل فيه تضرب الشرارة في أي مكان تستقر الشرارة عليه براس المكينة وبعد فتره راح تسوي خرم من كثر ماصلخه البوجي :D
هذا إذا كان الخرم حول البوجي ماهو في مجاري المويه يعني بعيد عليه

[شمآلي]

البوجي إذا شرارته ماتضرب براسه المعكوف السالب بسبب خلل فيه تضرب الشرارة في أي مكان تستقر الشرارة عليه براس المكينة وبعد فتره راح تسوي خرم من كثر ماصلخه البوجي :D
هذا إذا كان الخرم حول البوجي ماهو في مجاري المويه يعني بعيد عليه
تنصح اغبر البواجي من باب الاحتياط؟

[SGL]

تنصح اغبر البواجي من باب الاحتياط؟

غيرها بدون تردد سواء الخلل منها أو لا

[السعيد السعيد]

عندي باترول ظ¢ظ×ظ×ظ¨ والحرارة ترتفع فوق الربع وما خليت شيء ما سويته وخسارتي فيه والله العظيم اكثر من ظ¤ظ×ظ×ظ× ريال وما لقيت حل الارتفاع الحرارة
اخر شيء سويته رديتر ثاني جديد وما فيه فايدة
اذا فيه حل ساعدوني
حسبي الله على نيسان ومن صنعها

[غدر الزمن]

السياره ماشيه 90 الف مازالت على ضمان الوكيل وضمان الصانع ودها لهم شفت عندهم لف ودوران عندك وزاره التجاره

[شمآلي]

غيرها بدون تردد سواء الخلل منها أو لا

طيب قالو لي الوكاله لازم طقم وجيه و بلوف جديده هل في ضرر؟
على االبستم مستقبلا؟

[شمآلي]

السياره ماشيه 90 الف مازالت على ضمان الوكيل وضمان الصانع ودها لهم شفت عندهم لف ودوران عندك وزاره التجاره
للأسف حتى وزاره التجاره الزموني ب فاتوره الشراء قالو ورقه المبايعه ماتمشي

[SGL]

طيب قالو لي الوكاله لازم طقم وجيه و بلوف جديده هل في ضرر؟
على االبستم مستقبلا؟

الوجيه المطلوبة إذا الراس إنفك
1-وجه راس
2-وجه ثلاجة
3-وجه قزوز
4-وجه غطى بلوف
بخصوص الشنبر ماهو متأثر إن شاء الله ولا تشيل همه
بس عندي إستفسار!!
ليش بلوف جديدة؟!
القديمة تعتبر جديدة بس المخرطة تصنفرها ويركب لها جلد بلوف جديدة

[شمآلي]

الوجيه المطلوبة إذا الراس إنفك
1-وجه راس
2-وجه ثلاجة
3-وجه قزوز
4-وجه غطى بلوف
بخصوص الشنبر ماهو متأثر إن شاء الله ولا تشيل همه
بس عندي إستفسار!!
ليش بلوف جديدة؟!
القديمة تعتبر جديدة بس المخرطة تصنفرها ويركب لها جلد بلوف جديدة

كلمت مدير الصيانه انه يلغي طلب البلوف لانها جديدة
يبي زيادة دراهم الظاهر

لان سمعت معلومة انه ممكن يكون الراس اقوى من المكينه و راح تتأثر

[SGL]

كلمت مدير الصيانه انه يلغي طلب البلوف لانها جديدة
يبي زيادة دراهم الظاهر

لان سمعت معلومة انه ممكن يكون الراس اقوى من المكينه و راح تتأثر

موترك ماهو ماشي وإن شاء الله مايتأثر
التأثير للمكاين اللي ماشيه واجد وعندي إثنين أعرفهم كل مواترهم تنقص والسبب فك الراس رغم إني نصحتهم وقلت لهم المواتر ماشيه واجد سقط شنبر بس عطوني طناش وهالحين أضحك عليهم كل ماشوفهم يزيدون الزيت :D مافيه الا قوة نقص

[شمآلي]

موترك ماهو ماشي وإن شاء الله مايتأثر
التأثير للمكاين اللي ماشيه واجد وعندي إثنين أعرفهم كل مواترهم تنقص والسبب فك الراس رغم إني نصحتهم وقلت لهم المواتر ماشيه واجد سقط شنبر بس عطوني طناش وهالحين أضحك عليهم كل ماشوفهم يزيدون الزيت :D مافيه الا قوة نقص
الله يبارك فيك وان شاء الله تكون اخر الخرابات
اليوم ظهرت مشكله انه ظ¤ بلوف لازم تتغير لان منها يدخل هوا
و جلد البلوف ما تتغير