ياهل اللاند 2007 ؟؟

[رياح الشرق1]

كيف حالكم يالربع ان شاء الله بخير طبعا موتري لاندكروزر 2007جي اكس ظومن زمان فيه نقص زيت خفيف يعني كل2000نص علبه وقالولي طبيعي كلهن كذاوطنشناه لكن اليوم شغلت السياره الصبح واول شغلها الولد شفت دخان ابيض عل ازرق وبعدها راح وش معناته هذا هو جلد بلوف او انه بلف التبخير علم اني ما عمري غيرت لا بلف التبخير ولا جلد البلوف ارجوالرد الله يجزاكم خير

[YUKON_GMC]

الدخان مع الصباح سببها جلد البلوف وبلف التبخير ضروري تغيره ورخيص سعره اعتقد لايتجاوز خمسون ريالا

جلد البلوف عادي ماتضر اذا واضبت على معيارة الزيت ولكن لو تصحلها افضل لانها مع الوقت تزيد وتسبب نقص زياده

[ابوراكان تبوك]

اللي اعطاك معلومه ان النقص طبيعي والله مايفهم

اكثر من شخص يقول طبيعي النقص اذا عجز عن الحل وينقل الثقافة لغيره

24 بلف ياحبيبي ماينقص اذا جلد بلوفه مضبوطه وجميع امور المكينة سليمة
كلامي عن تجربه اكثر من 15 سنه لهذه السيارات ولأكثر من نوع ربع شاص لاند
متى نقول ان النقص طبيعي ؟؟؟ اذا كان الموتر مهدرز قبل كذا ومكروف كرف بالطعوس عندك الهدرز والفلاتر اذا ركبت ع المكينة لاتستغرب انها تنقص على ممشى 100الف وهي جديدة

اما الاستخدام العادي بدون هدرز وخرابيط اذا ممشاه اكثر من 400 الف لاتستغرب من النقص وبعضهم يطق 500 الف وهو مانقص ماشاء الله

هذا بخصوص كلام اللي قال ان النقص طبيعي

اما بخصوص مشكلة الدخان
رد اخي المهندس يوكن كامل والكامل وجهه الله ( جلد بلوف )

لكن ابحث عن ورشة تصلحة بدون فك راس التكلفة 1000/1300
نصيحة لاتتأخر فيها ابدا حتى مايضعف الشنبر

اذا بتمشي عليه حاليا خلي علبة زيت معك وكل 500 كيلو عايره
وترا اللاند كروزر مستحيل يعطيك عيار صحيح 100% الا بعد وقوف اكثر من 10 ساعات
يعني اذا بتعايره وتزيده خليه الصباح افضل قبل تشغل طبعاً

موووفق

[رياح الشرق1]

يعطيك العافيه يابو راكان ياراع الاوله والله ياخوك ان النقص كثير من الناس عندهم نفس الموتر او ربع يقوالي عادي طبيعي يبخر الزيت من بلف التبخير وقلت اكيد انها طبيعيه من حرارة الجو يتبخر رغم اني شاك بس يوم اشوف بلف التبخير كله زيت ارجع اقول طبيعيه طيب ابو راكان بكم يكلف مع جلد البلوف وشغل اليد وبلف التبخير تنصحني اغيره وتسلم يابو راكان الينك ماقصرت

[رياح الشرق1]

وما ركب عليه لا هدرز ولا غيره

[ابوراكان تبوك]

يكلف 1200 او 1300 بالكثير

بلف التبخير ب50ريال

[فهد88]

اخوي رياح الشوق

انا ماراح احددلك مشكله ولا شي

لاكن بقولك مشكلتي مع جلد البلوف بس الموتر نيسان 98

شريت الموتر قبل خمس سنوات من معرض مالاحظة على الموتر ولاعود

المهم اخذ معي شهر الموتر وصار بعد الشهر اذا ابطى الموتر شغال وهو واقف في الصباح او في غيره

لادعست يطلع دخان بين الابيض والازرق

وجلست على المشكله هذي حول السنه ولاحظته ينقص علبه الاربع في 3000 كيلو وحيان متفاوت

المهم قالولي جلد بلوف المهم دورت ورشه بدون فك راس وفعلا حصلت

واخذ الموتر عندهم يوم واحد بس والمبلغ 500 ريال

الجلد من الوكاله والله ناسي سعرها الظاهر ب150 ريال او 250

بعد تركيب الجلد ولله الحمد وصل 5000 كيلو اعلى حد لتغيير الزيت مانقص ولا قطره الى يومك هذا

والدخان راح لو يقعد ساعات شغال

الكلام ياحبيبي ماهو على السعر الكلام على تجربتي مع جلد البلوف اول

والثاني اذا انت في بريده وقررت تغير جلد بلوف اشوفلك الورشه اذا هم على حالهم او لا

اذا تبي امر الورشه ردلي خبر هنا

[ابوراكان تبوك]

فهد عندنا بتبوك القطع 300 وشغل اليد 600

اغلب المناطق بحكم معرفتي لكثيرين من ملاك اللاندكروزر اكثرهم غيرها 1200/1300
المناطق الثانية يطلبون شغل يد 900 مع انها بسيطة في نفس اليوم تخلص

[رياح الشرق1]

الله يعطيك العافيه اخوي فهد ماتقصر بيض الله وجهك لاوالله ماني ببريده بالجوف بعيد مشكور وما قصررت

[رياح الشرق1]

الله يعطيك العافيه يابو راكان يعني تقولي القطع 300 و600شغل يدهم انا عندي روحه للتبوك ابي تعلمني اسم الورشه الي يسونها بدون فك الراس وشغلهم زين الله لايهينك يابو راكان ومشكور وما قصرت

[ابوراكان تبوك]

الله يعافيك وحياك الله

ماني عارف ورشة محدده
لكن بأعطيك عنوان الاشخاص اللي تعاملت معهم لاكثر من 15 سنه
1- ورشة طيبة ( وانت داخل الشارع الرئيسي حق المعارض اول لفه يمين تجيك اول ورشة يمين بعد البنشر ) أسأل عن ميكانيكي اسمه نذير اذا مالقيته روح للعنوان الثاني
2- ورشة الغنام نفس الوصف اعلاه لكنها رابع ورشه تقريبا او خامس ورشه الميكانيكي منصور
كلهم اتراك وأمينين جدا وخاصة نذير بورشة طيبه خبير ونصوح جدا جدا وحتى اذا ماكان يصلحها يرسلك على شخص يضمنه
وورشة الغنام شغلهم زين وتراهم ارخص سعر غالبا
جميع الاشخاص اعلاه ماعمري صلحت عندهم شيء ورجعت لهم ماشاء الله عليهم
بقية الورش ما اعرفها ولا انصح انك تتعامل مع ورشة ماتعرفها او احد دلك عليها والورشتين اللي ذكرتها لك تكفيني عن الصناعية كلها

[رياح الشرق1]

تسلم يايو راكان ويعطيك العافيه

[SGL]

جلد البلوف نقصها خفيف بس أحيان نوع الزيت له دور في زيادة النقص
وللمعلومية دخان جلد البلوف يزيد في الشتاء