تسجيل الدخول

مشاهدة النسخة كاملة : مشلون أغير بطارية الذاكرة الداخلية لقارمن 3+


مخاوي الليل
11/03/2003, 01:47 PM
كل ما شغلت القارمن تطلع لي رسالة تقوا ان البطارية حقت الذاكرة الداخلية ضعيفة
هالحين ودي اعرف كيف اغير البطارية وشهو نوعها وين القاها والا لازم اودي الجهاز للموزع علشان يلهف له كم ريال

وسلامتكم




http://www.mekshat.com/pix/upload/images/thood.jpg
القماري
11/03/2003, 02:42 PM
ياخوي الموزع يلهف له كم ريال أفضل من أن تغامر بجهازك إلا إذا شار عليك واحد خبير في ذي المسألة
الكاشت للبر
12/03/2003, 09:13 AM
ركب بطاريات اصبع جديدة من النوع الممتاز واتركها اسبوع في الجهاز
وعند تشغيل الجهاز تختفي الرسالة
وعلى كذا الجهاز تمام التمام ولايحتاج تغير بطارية الذاكرة
وشكراً
اخوك
الكاشت للبر
مخاوي الليل
12/03/2003, 10:51 AM
اخوي القماري
والله ان اكن المساله سهله ليش ما نجرب نغيرها بدون فلسفة ابوهنود

الأخ الكاشت

على ماظن ان فيه بطارية ثانيه داخل الجهاز لأني انا أصلا استخدم توصيلة الولاعة على طول
مشعل
12/03/2003, 11:48 AM
اخوي مخاوي اليل السلام عليك وعلى الأخوان جميعا
بالنسبه لبطارية الذاكره انا مثلك اشغلتن هالرساله اللى تطلع تقول بطاريه الذاكره غيروووون وانااقوله ماني مغيرك وكل مره انا وياه شيل وحط وفي اجازة الحج كشت ويوم توسطت بالدهناء اللهم ياكافي ويتلخبط الجهاز وينحاس ويحذف الإحداثيات المخزنه ويتحول للميل قالت يوم اقولك غيرن وانت رافض وما صدقت على الله اني اصل للرياض وينك ياعماير الصالحيه وروح لدار موجه قلت غيروالبطارية ويغيرونه ب100ريال واشار علي الفني اني اضع بطاريه اصبع بالجهاز على طول بحيث تحافظ على بطارية الذاكره ،،،
واشير عليك اخوي مخاوي اليل انك تغيرها احسن من انك تخبط وترقع ولا تفك جهازك وينحاسك عليك ،،
والله يوفقك وجميع الأعضاء
والسلام عليكم ورحمة الله ,
مخاوي الليل
15/03/2003, 08:38 AM
والله انك خوفتني ياخوي مشعل
والله ما امها داعي يومك تحوس وتدور ماتدري وينك موجه

والله ياخوي انا كان قصدي من الموضوع زيادة علم والا الله يهديك يومك تدفع 100 ريال وراك جدعت راسك وناظرت وشلون يغير البطاريه ( ترى اللقافه بعض المرات زينه ) لأني متأكد أن السالفة ابسط من شرب الببسي بالمربعانيه

يمكن يجيك يوم مثل ماصار عليك بالدهناء وتحتاج تغير البطاريه

هاذي كل السالفة
مشعل
15/03/2003, 09:26 AM
السلام عليكم ورحمة الله وبركاته
اخوي مخاوي اليل يوم جاء يغير البطاريه قال يبيلها ثلاث ساعات قلت منيب جالس ثلاث ساعات لين يغيرها اروح ورجعله بعد العصر ، وبعدين شكله مايبيك تناظر ويش يسوي ،،
والله يحفظك,,,