استفسار عن توضيب أو شراء مكينة جديدة

[k777]

السلام عليكم ورحمة الله وبركاته

أول شي الحمد لله على كل حال وقدر الله وماشاء فعل
سيارتي كيا كادينزا 2012 فل كامل تشغيل بصمة قبل أسبوع تقريباً مع الامطار دخلت بشارع وكان الشارع مليان موية المهم قدر الله ومشيت ووصلت الموية للمكينة وطفت السيارة
حسبت المشكلة بسيطة وتركتها يومين وجربت أشغلها ماتشتغل أبد والكهرب شغال داخل السيارة المهم وديتها أقرب ورشة فحصها يقول واحد من البساتم مكسور ويبيلها نص توضيب
بعدها أخذتها بسطحة ووديتها للوكالة بالرياض علشان يفحصونها وردوا علي بعد يومين إنها بتكلف 47000 :no: !!!
وأنا في مشكلة الحين ماعندي سيارة ولا أقدر أطول في تصليحها ولا أقدر أدفع مبلغ كبير في تصليحها كنت أحسب بتكلف بالكثير 5000

أبي نصيحتكم ومشورتكم الله يجزاكم خير
ماأدري التوضيب كم يكلف في ورشة ؟
ولو بشتري مكينة جديدة من التشليح أفضل ولا التوضيب أفضل ؟
إذا التوضيب أفضل لي ودي تنصحوني بورشة ممتازة وثقة ويخافون الله أوديها عندهم (وقطع غيار المكينة أجيبها من الوكالة ؟)
واذا تركيب المكينة أفضل اذا تعرفون محلات في التشليح عندهم مكينة للكادينزا تعطوني رقمهم (وكم سعر المكينة تقريباً)
واذا شريت مكينة من التشليح ياليت تدلوني على ورشة ممتازة تركب لي المكينة

وأي نصائح ثانية أكون شاكر لكم

والله يعطيكم العافية

[ابوراكان تبوك]

47000 قيمة سيارتك الحالها

اتذكر قيمة مكينة اللاندكروزر 2012 بنفس السعر

ضرب من الخيال

ياصاحبي
ماذا كان تقرير الوكالة
هل ذكرو ان الخلل من المكينة ؟؟
احتمال كمبيوتر ضارب
وكلام الميكانيكي ان البستم مكسور عذر العاجز فهو يقول اي عذر لان مفكاته طارفه ويبي يقطع الكيكة لانها مشروع تسمين له

هل يعقل انه يعرف بأن البستم مكسور بدون مايكسر المكينه اتوقع عنده اشعه مقطعيه
البستم ما احد يقرر انه مكسور الا اذا مثلا كسر المكينة وطلع يخرم المكينة خرم ويطلع الزيت
او اذا تم فك المكينة يتضح ذلك
جميع مايذكر يا اخي تخمينات حتى انا كلامي تخمينات وتوقعات
ياليت توضح تقرير الوكاله ماذا فيه
هل الخلل كهربائي ام يستوجب فك المحرك

اذا الشغله فعلا توظيب وضب اوفر لك عند ورشة مضمونه
بأعطيك قصة
احد الزملاء في سيول منطقة تبوك عام 1434 انكسر مكينة سيارته بسبب الامطار لانه نزل للماء في احد الشوارع وبروده الماء تفاعلت مع اجزاء المحرك الحار وانكسر السرندل
وقدم على لجنة التعويضات بالاماره بموجب تقرير من الدفاع المدني او البلديه تقريبا وتقرير من الورش يثبت ان محرك سيارته تعطل بسبب الماء وطلبوه تسعيره وتم تعويضة
هو مقتدر ماديا ولا عليه لكن قلت اعطيك القصة لتستفيد انت او احد يقرا الموضوع
سيارته اكسبلورر 2008 تم تعويضه بقيمة مكينة جديده


بالتوفيق اخي العزيز وأسأل الله أن ييسر أمرك

[الخالدي999]

اخوي اذا السلندر منشعر او مكسور يوضح بالعين ارأيي الشخصي تدور مكينه استخدام كوري بتحصلها ب حدود 9000 او اكثر شوي عليها ضمان شهر

[الخالدي999]

ترى التوضيب يخلفك لا فكيت المكينه يتلاحق الشغل واسمع ان الكوري صعب توضيبه

[k777]

الله يعطيكم العافية
ابوراكان تبوك (http://www.mekshat.com/vb/member.php?92170-%C7%C8%E6%D1%C7%DF%C7%E4-%CA%C8%E6%DF)
الخالدي999
الوكالة نصابين ماعندهم سالفة أصلاً الجبر من أسواً الوكالات وجربتهم في الصيانة والضمان سيئين جداً جداً في كل شي لكن قلت يمكن المشكلة بسيطة والوكالة يحلونها
أخذت تقرير منهم الظاهر كاتبين لي أجزاء المكينة كلها مافيه شي ماكتبوه ! ويقول هيكل المكينة نفسه فيه كسر ! كيف يعرف ان فيه كسر وهو مافك المكينة! واسألهم الكمبيوتر فيه مشكلة ولا تمام يقولي مانقدر نحدد بعد ماتشتغل السيارة نشوف !
أخذتها من عندهم لابارك الله فيهم وياحسافة الصيانات اللي سويتها عندهم ومااستفدت من الضمان شي حتى يوم خرب المكيف وماكان يبرد ماصلحوه على الضمان يقول مافيه شي المكيف سليم !

المهم اخذتها ووديتها ورشة وبيشوف اذا تتوضب أو بشوف مكينة من التشليح
اذا فيه احد جرب يوضب مكينة كيا ولا هونداي من فترة ياليت يفيدني
واذا فيه أحد يعرف محل مضمون وثقه في التشليح عنده مكينة لها أكون شاكر له

ويعطيكم العافية