مشكلة كتمة بالسيارة

[أبوعبدالله6]

السلام عليكم,
يا اخوان عندي هالمشكلة اللي ماعرفت حلها للحين ولا ودي أتسرع وأسوي كل شي. إذا دعست للبنزين على الخفيف قومة السيارة خفيفة واذا زدت من بعد البداية إلى ماقبل النهاية السيارة تكتم وتنكبني كثير بالاشارات والطرق ويثبت عزم السيارة والار بي ام مايزود, القير مغير كلاتشاته من قريب وللعلم أنه تماتيك.

[SGL]

عليكم السلام ورحمة الله وبركاته
ياليت توضح نوع موترك ياأبو عبدالله
وبذكر لك كم سبب بسيط إحتمال منهم إن شاء الله قبل المخاسير
1-فلتر الهوا+خرطوش قربة الفلتر تأكد مافيه قطع أو خرم ولو صغير يسبب تنسيم
2-فلتر البنزين وبعض الأحيان يكون ضعف طرمبة البنزين
3-تاكد من الليات الصغيرة خاصه للهوا في الثلاجة وحول المكينة يمكن واحد منهم منفصل أو منقطع

[أبوعبدالله6]

عليكم السلام ورحمة الله وبركاته
ياليت توضح نوع موترك ياأبو عبدالله
وبذكر لك كم سبب بسيط إحتمال منهم إن شاء الله قبل المخاسير
1-فلتر الهوا+خرطوش قربة الفلتر تأكد مافيه قطع أو خرم ولو صغير يسبب تنسيم
2-فلتر البنزين وبعض الأحيان يكون ضعف طرمبة البنزين
3-تاكد من الليات الصغيرة خاصه للهوا في الثلاجة وحول المكينة يمكن واحد منهم منفصل أو منقطع
يعافيك ربي على هالمساعدة, والموتر هو باترول 4500.
أول شي فكيته فلتر الهواء, وشفت أنه على شبك الفلتر من الداخل عليه قراطيسه معطله دفع الهواء. والحمدلله بشي بسيط أنحلت المشكلة ورجعت السيارة لوضعها الطبيعي بدون الخساير.