مافيه واحدن منا الا مر على مطعم !طيب ودي اسأل ؟؟؟؟ [الأرشيف]

مشاهدة النسخة كاملة : مافيه واحدن منا الا مر على مطعم !طيب ودي اسأل ؟؟؟؟

فزاااع

01/02/2007, 10:41 PM

مسااااكم الله بالخير يااعضاء منتديات مكاشيتو

اخواني الاعضاء .... مافيه واحد منا الا مر على مطعم وطلب مشوي مثلا وخصوصا اذا طلبت اوصال لحم مشوي او اوصال دجاج وانت قاعدن منرز تنتضر طلبك :d وكلهااربع دقايق او خمس بالكثر على بال مايطلع
اللحم من الثلاجه ويقلبها كم تقليبه على الجمر ويجيك المشوي لونه اشقر وطعمه طيب جدا ...... :d :d
طيب اخواني المشكله مهيب هنا المشكله يخوان وش هالسر اللي يخلي المشوي يجيك بخلال اربع دقايق وهو جاهز
وانت لابغيت تسويه بالبيت خصوصا اذا كان لحم يبيله ثلث ساعه او اكثر ولا يضبط معك وفي اغلب الحالات يجيك تقل رضم :d رضم لغير الناطقين بالعربيه (حصى ) :d ومحترق يعني وس هالسر يخوان
هل فيه مثلا تتبيله معينه او اشياء تضااف للمشووي الاوصاال حتى انه يجيك اشقرن ومستوي وفي خلال اربع دقايق تكفون يالربع نبي ارائكم ولا تبخلون علينا عشان نستفيد منكم وننوي ان شالله نعزمكم لاعرفنا السر

تلسكوب 1

01/02/2007, 10:48 PM

الليمون والكمون مفعولهم رهيب في المشوي مع البهارات الأخرى ولازم بعد وضعهم يتركون فتره .

أدقس

02/02/2007, 02:09 AM

هذا بارك الله فيك الخل بالدرجة الأولى

و على ذكر المطاعم و المشوي
يقولون فيه ملح ياباني لو اللحمة خضراء و معفنة يطلعها لك حمراء هذا زينها

أجل اللحم حق المطاعم طازج و لذيذ

لا و الله أنا أخوك كله تيوس استرالية بس مع الملح الياباني و معززات النكهة يتغير شكلها

فزاااع

02/02/2007, 01:41 PM

تلسكوب اخووي يعطيك العافيه على مرورك الكريم ولاهنت وان شالله بنجرب

ادقس الشكر كل الشكر لك اخي ...يعني قصدك ان اللحم يتنقع مثلا بالخل ويبيله كم ساعه ارجو التوضيح اخي وهل الملح
اللي انت ذكرت الياباني متوفر بمحلات بيع المواد الغذائيه ؟

الربذي

02/02/2007, 05:33 PM

اخوي اما انه ماينضجها او يكون قبل معطيها كم وجه اي مفوحه بماء قبل او جاهزه ومجرد تحميه
انا اول كنت ماعرف اشوي لكن الحين ياسلام احسن من المطاعم
فقط ملح واشوي لاتضيف اي شي ثاني جرب جرب والجمر يكون خفيف انت جرب وشوف مع البهارات مو حلوه والدجاج مع الملح فقط لايمكن قبول طعمه عكس اللحم

طلحة

02/02/2007, 09:30 PM

سمعت أنهم ينقعون اللحم بمادة تساعد على نضجه بسرعة وهذه المادة مسرطنة

المتهني

02/02/2007, 11:41 PM

غيث الحيا

03/02/2007, 01:07 PM

الخل لوحده يقطع بك أكثر من نصف المشوار في الشوي ... وشكرا

الشيهاني

04/02/2007, 10:01 PM

هذا طال عمرك يشويه نص شوا قبل لايدخله الثلاجه وبعدها يعني ( نص أستواء ) وبعدين يقلبه على الفحم شوي وأنتهى الموضوع

ولد الديرة

05/02/2007, 10:46 AM

ملح ياباني ... وين بوه ذا ؟ يباع ولا خاص ...!!

حسب علمي القاصر نوعا ما : يربص بخل من دون أي تتبيله وقبل وضعه في الاسياخ ثم يرش عليه الملح ويوضع في الاسياخ وللثلاجه دغري وإذا طلبته جاك أشقر ومستوي في ظرف 5 - 10 دقائق ...

لكن كلام أخوي البذي في محله ...

الملح مع اللحم فقط بدون أي أضافات أخرى طعم خيالي ... والطريقة كالتالي :

بعد تقطيع اللحم و غسله ( ذر ) أي رش الملح على اللحم أو إذا كان خشن أمسكه بيدك وأفرك اللحم ... وعلى النار مباشره ...

لأن البهارات و الصلصله وخلافه تعفس طعم اللحم ...

وهنالك طريقه أخرى مجربه وجميله سأذكرها لاحقا ..

معليش طولنا عليكم .

ابوقاسم

09/02/2007, 09:04 PM

ترى يا اخوان التجميد له دور يعني يخلي اللحمه تستوي بسرعه لانه يكسر صلابة اللحم ويخليه جاهز وع خل ورشة الملح يستوي بسرعة لان الطازج تكون خلاياه متماسكه

AbuAnas

10/02/2007, 02:22 PM

السلام عليكم و رحمة الله و بركاته

من واقع خبرة في الشوي اقول لك إن التنقيع الطويل (أحيانا الأهل ينقعون الدجاج من الليل علشان نشوي للغداء) في الخل و البهارات هو اللي يسرع عملية الشوي ، و بعدين عشان تضمن عدم الاحتراق و يطلع على قولتك تقل رضم ، عليك بالتقليب السريع . طبعا معلمين المطاعم ما يقلب بسرعة لأنه ضابط وزنية الوقت ..

الأخوان ذكروا بالنسبة للحم الاكتفاء بالملح و أقول صحيح و لكن ملح و فلفل أسود ، هذا شغل الحضارم حقين المظبي و لو تقدر بعد تروح لقصاب يعرف تقطيع يسمونه "تفصيل حضرمي" و هو خاص بالمظبي ..

أبوأنس

واحد من البشر

11/05/2007, 05:03 PM

انا مع الأخ أدقس لا والخل تراه زين مع المشوي

مجازف2010

12/05/2007, 03:14 AM

انا اقول مثل ما قالوا الشباب الخل هو الي يخلي اللحم ينضج بسرعة ولكن انا ابي اتطرق لموضع احتراق اللحم في الشواء وهذي السر الي ما يعرفه كثير من الناس وهو انهم لما يتبلون اللحم او الدجاج ينسون حاجه مهمه وهي الزيت اي نوع زيت يعني لما تحط البهارات تخلطها بالزيت ثم تتبل بها اللحم او الدجاج وانا شخصيا اضع زيت في علبه بخاخ وانا اشوي اذا حسيت اللحم او الدجاج بدء ينشف ابخ عليه شوي زيت ولا تخاف الزيت كله يبي يروح مع الشوي بس يطلع لك اللحم والدجاج اشقر ما عندك احسن منه

تحياتي للجميع

نديم السهر

12/05/2007, 03:35 AM

يعطيكم العافيه جميعآ

بعد هالموضوع بسأل واتاكد

مجرد توقع انه لازم يطبخ قبل الشوي

ع العمرو

04/10/2007, 11:36 PM

http://zombie.ghorab.net.googlepages.com/rats_eating_01.jpg اخواني الله لايقول اني انت يانا اكل اكل مطاعم وبعضهم يطبخ مثل ذولي:D