الفائده الحقيقيه من اجهزه الاسلكي الان

[النقره]

السلام عليكم
شباب عندي سؤال محيرني انا ودي اقتني جهاز كينود
لاكن ما ادري هل اقدر أستفيد منه في الوقت الحاضر
هل لايزال هناك فائده منه ..
اخاف أشتريه واطف فيه شهرين واخليه ..
ودي تشورون علي وكلام عن جميع الأجهزه سواء ايكوم او الياسو او الكينود وغيرها

[يوسف الشيخ]

انا شارية قبل 3 اشهر في جدة لحد يومك ذا غير الموجات الحكومية ماحصلت احد اسولف معاه

[ناصح]

انتهى عهده

كان مشهور وقت شبكة الجوال في المدن فقط

الأن الشبكة توصل لأغلب المناطق البرية والثريا يعمل في مكان

لذا لم يعد يستخدم إلا في مناطق نائية جدا

[النقره]

اخوي يوسف اعتقد هو مناسب اكثر في البر
حاول وانت خارج المدينة تجربه

[النقره]

انتهى عهده

كان مشهور وقت شبكة الجوال في المدن فقط

الأن الشبكة توصل لأغلب المناطق البرية والثريا يعمل في مكان

لذا لم يعد يستخدم إلا في مناطق نائية جدا
يا هلا وغلا اخوي عبدالسلام
هذا ما كنت اخاف منه اعتقد انني سوف أتراجع عن قراري بالشراء

[منصور الفايز]

اشوف استخدامه الان للمحادثه بين المواتر اثناء سفر او رحله بريه اذا كانت الرحله اكثر من سياره

[علم162]

لايزال له فايده كبيره وانا استخدمه في رحلات القنص واتواصل به مع الربع اذا بغينا نتجمع وهو نافع في الحالات الطارئه ونحذر به بعض من مخاطر الطريق

[nayf01]

اذا اخوياك معهم اجهزة لاباس
اما تشتريه وتروح للبر تنادي ماحد معك ولاحد يرد عليك لقلة استخدامه
الجوال غطاء عليه

[الدوسري2010]

لاتوجد شبكه بالبر

[هاوي الجكس]

فايدته اذا طلعت البر مع ربعك تراسل معهم ويلزمك جداً

لان مافيه تغطيه للجوال وكذالك اسهل في التحدث

[XRAY MAN]

أستخدمه أثناء الكشته أو السفر للتواصل مع الي معي أو التوصيف

وإذا لحالي أشغله واتسمع لخلق الله خصوصا البدوان

لكن في المدينه نفسها فيه ناس تعبانه تكرهك الجهاز كلامها شين وسب ولعن وقذف وشيء يشيب له الراس

[كايد]

مهم جدا ل 3 اشخاص
راعي الحلال ...سواء ابل او غنم .
راعي الطير .
هواة البر والقنص .
داخل المدن اعتقد هجرو استخدامه الناس .

زمان كانت العالم تستخدمه داخل المدن .
بس حاليا اعتقد مهم للبر .

واذا ضاع الواحد او طاح في حقن او رباضة ...بيعرف فايدته .

[خطاك ضيع غلاك]

وعليكم السسلام
ردود اخواني الاعزاء كافيه
ولكن اضيف الى كلامهم
ان صحراء الشمال اماكن كثيره مافيها اشاره جوال وبالحاله هذي الاجهزه ضروريه
والثرياء ليس بضامن الكافي لانه لايخلو من العطل وتعطل القمر قبل فتره قصيره
وبالنسبه للشبكات للان في ناس على الشبكه في المدن وفي قنوات الغاز وقصيد وقنوات فرق انقاذ .

[أبومشعل9]

الى الآن له فايدته بالبر وبالقصيم الى الان الشبكة ما تغطي اماكن المكاشيت زين
واذا طلعت انت واخوياك بالسفر والا مقناص يوسع الصدر
واذا غرزت ب طين والا غيره ما عندك شبكة يفيدك
واهل القرى يستخدمونه واذا سالت عن شي قريب يفيدونك كم مرة صارت معي
اما داخل المدن ما اظن الآن له فايدة اغلب فايدته بالبر والسفر

[سامي العنزي]

وعليكم السسلام
ردود اخواني الاعزاء كافيه
ولكن اضيف الى كلامهم
ان صحراء الشمال اماكن كثيره مافيها اشاره جوال وبالحاله هذي الاجهزه ضروريه
والثرياء ليس بضامن الكافي لانه لايخلو من العطل وتعطل القمر قبل فتره قصيره
وبالنسبه للشبكات للان في ناس على الشبكه في المدن وفي قنوات الغاز وقصيد وقنوات فرق انقاذ .

صدقت فهو المنقذ بعد الله في الرحلات البرية البعيدة المنقطعة عن ابراج الجوال
كم من مأساة حدثت في البراري الصحراوية رغم ان معهم كل ماتحتاجه الرحلة وبعد الحادثة نكتشف انه لا يوجد جهاز نداء كنود ..
فهو اساسي حتى هذه اللحظة فهناك اهل الابل في المناطق الصحراوية البعيدة لا يتركونه واذكر من اهل الحلال انقطعت به سيارته نوع جيب شاص بعيد جدا في منطقة الطبيق شمال شرق تبوك والله بعد معاناه حتى استلمنا الاشاره واضحه فتم إنقاذه ولله الحمد ..
الجهاز ضروري لاهل الرحلات البرية المنقطعه عن ابراج الجوال ..

الله يعطيكم العافية ..!

[رويلي]

وعليكم السلام ورحمة الله وبركاته
مهم لأهل البر والمكاشيت
في المدن تلقى مراسلين لكن راح تنصدم من "بعضهم" لانه راح يكرهك بالهواية

[علم162]

شفت الموضوع وقلت اعقب راعي الطير ماله غناة عن هالجهاز ابد والمكاشيت اذا طلعت مع اهل طيور تغدي كنك اطرم ولاتدري وش السالفه وتتعب اللي معك