المساعد الشخصي الرقمي

مشاهدة النسخة كاملة : السلام عليكم عندي مشكله استيشن لكزس


ابو_هيفا
19/12/2016, 09:22 AM
عندي مشكله استيشن لكزس موديل 98

اول مشكله اسمع صوت ضرب حديد داخل مكينه وقت تكون واقفه بس اعشق قير يروح صوت

ومشكله ثانيه بلقير سياره بين ثانيه وثالث عداد سرعه يرتفه ل3 وبعدين يبدل اذا كنت ماشي على راحه بس اذا كنت ماسرع يبدل عادي ومن غير مشاكل
SGL
19/12/2016, 08:16 PM
مالي خبره بنوع موترك
بس المشكلة الاوله أتوقع لها دور بالمشكلة الثانية
لان حسب كلامك تقول الصوت مع التعشيق يختفي وحسب خبرتي المتدهوره :D إن مشكلتك في طنجرة القير أو حذاف لاكن هل تلاحظ رجه خفيفه مع التقويم أو بعد تعشيق النمرة الثانية لان الطنجرة تسوي هالحركة
ابو_هيفا
25/12/2016, 07:40 AM
مشكووور اخوي على ردك

لا ما شي رجفه

وش حلها تصليح قير ولا تبديل
ابو_هيفا
25/12/2016, 07:42 AM
وعندي بطبلون تولع لمبه اوفر درايف وتبند على طول كذا تطفي وتشتغل
ابوراكان تبوك
25/12/2016, 12:46 PM
بالنسبه للمبه هذا احتمال حساس الاوفر درايف خربان او الزر حقه فيه مشكله
ابو_هيفا
28/12/2016, 12:07 PM
مشكووووووووووور اخوي ما قصرت
SGL
28/12/2016, 10:41 PM
مشكووور اخوي على ردك

لا ما شي رجفه

وش حلها تصليح قير ولا تبديل

الطنجرة تقصد هذي تتغير بس ينفك القير ضروري بسبب موقعها بس إنت لاتغير حتى تتأكد إن الخلل منها وإنت بنفسك تقول لمبة أوفر درايف مبنده يمكن يكون السبب من الأوفر درايف
ابوراكان تبوك
29/12/2016, 10:54 AM
صحيح اخ sgl انت نبهتني لنقطة مهمه

اخونا عنده الاوفر درايف يشبك ويفصل

الاوفر درايف شغلته يرجع الموتر للترس اللي قبل الاخير
مثلا كانت على 5 يرجعها على 4
مثلا كانت على 4 يرجعها على 3
وظيفته مايخلي الموتر يريح بآخر ترس

فإحتمال لما يكون مسرع يشتغل الاوفر درايف فجأة الحاله هو اللي يسبب اللخبطة وصوت الضرب لانه يرجع الموتر ترس
مهم جدا يصلح الاوفر درايف او اذا له فيوز يشيله كـ حل مؤقت

اذا كنت تشتغل السياره بنفسك
فك ديكور عصى القير وافصل سلك الاوفر درايف وطبق الديكور واستخدم الموتر طبيعي
اذا بقيت المشكلة ولاحظت ان الاوفر درايف نفس حالته يفصل ويشبك هنا اعرف ان الخلل من ظفيرة الاوفر درايف او من حساس الاوفر درايف
اما اذا راحت المشكلة فالسبب هو من الزر خربان بدله
ابو_هيفا
02/01/2017, 07:37 AM
بخصوص صوت بلقير طلعت مشكله طنجره بين مكينه وقير وبخصوص اوفر درايف حساس مالها خربان ولازم يتبدل
ابو_هيفا
02/01/2017, 09:02 AM
بس استفسار موتر عندي موديل 98 يركبه عليه قير 2003
ابوراكان تبوك
02/01/2017, 11:33 AM
اذا الظفيرة تركب ممكن
SGL
02/01/2017, 06:26 PM
بخصوص صوت بلقير طلعت مشكله طنجره بين مكينه وقير وبخصوص اوفر درايف حساس مالها خربان ولازم يتبدل

طيب إذا القير سليم ومافيه مشكلة بدل الطنجرة فقط وحساس الأوفر درايف بدله
ابو_هيفا
03/01/2017, 07:37 AM
وانشالله هذا بسويه او ببيع موتر وباخد 2003