صوت احتكاك في الجهة الأمامية فزعتككم ياشباب

[راعي الهدد 44]

السلام عليكم

فزعتكم الله يسعدكم
عندي لاندكروزر هدد 2002 فيه صوت احتكاك بسيط في الكفر الأمامي اليمين مشابه لصوت انتهاء الفحمات لكن الفحمات جديدة وغير متواصل يجي ويروح لكن اذا كنت ماشي وهديت بألف يمين يطلع صوت واضح اول ما أمسك فرامل الصوت واضح وناعم وينخفض تدريجياً حتى الوقوف (رررررررررررررررررررر)
لاهنتم انتظر ردودكم يالنشاما

[ابوراكان تبوك]

مافهمت شرحك مضبوط
لكن الصوت حسب وصفك مع الفرامل وباللفه فقط
لكن هل اذا اخذت اللفه بدون فرامل يجي الصوت ؟؟؟

عموما تأكد من تركيب الاقمشة
ارفع الكفر الحاله
وخلي احد يأشر ع الفرامل ولف الكفر بيدك لاحظ الصوت يجي او لا
والافضل تفك الكفر وتتأكد من وجود الصاجات حقات القماش وتتأكد ايضا من وجود الخوابير حقت الكليبر لانها اثنين يمسكهم سيم منحني بين الخابورين فقط
اذا القاماش والصاجات والخوابير موجوده وثابته
تأكد من ربط الهوب له صواميل بظهر الهوب من جهه العكس شد عليها
ونظف الهوب بماء جيدا
واذا استمر الصوت عندك حلين
1- ياتصنفر الهوب بقطعه قيمتها 5 ريال ( اسمها صنفرة بلوف ) ممتازة جدا للهوبات صنفر بالجهه الخشنه
2- او تصبر عليه اسبوعين لين ينمسح ويتنصفر الحاله

[m a s]

احتمال الرمان الامامي
اذا لفيت يمين يطلع واذا لفيت يسار مايطلع بدون فرامل
هذا الرمان الامامي الايسر والعكس صحيح

[ابوراكان تبوك]

احتمال الرمان الامامي
اذا لفيت يمين يطلع واذا لفيت يسار مايطلع بدون فرامل
هذا الرمان الامامي الايسر والعكس صحيح
بأعطيك قصتي
سالفة الرمان هذا طلعت الشيب براسي
كان الموتر مابه اي شي
جتني سفره خارج المنطقة ومسكت الخط ولاحظت صوت مثل ماذكرت المهم عرفت انه رمان وقلت اخذه من المدينه اللي تقابلني
المهم اتصلت على احد الاخوان هناك وسألته عن افضل ورشه ووصفني ورشه على كلامه 100%
رحت للورشه من بدري ولقيتها مسكره ورحت لمحل القطع واخذت 2 رمان لجهه واحده واحد صغير والثاني كبير واعتقد ان الكبير 120 والصغير 94 وكاله
المهم فكت الورشه وقلت له عندي رمان بالجهه اليسرى باغيره ( لان الصوت اسمعه يسار )
قال لازم افحص وقلت اوكيه
وفحص وقال الصوت من الخلف هههههههههه المهم الله يصلحك فك الرمان الامامي الايسر الصوت قدام اسمعه يسار واشعر به تحت اقدامي اعزكم الله وفكه وطبق الجديد
وجربنا الموتر ونفس الصوت ماتغير
هنا اقتنعت بكلامه وقال الصوت من عرموطه القير وغيرناها بـ 200 وشغل يد 100
وجربنا الموتر ونفس الشي ماتغير وقال الميكانيكي ابو يمن هذا صوت عكس خلفي ولازم نفك العكوس ونفحصها مخرطه هنا قدحت الاخلاق معي وقلت لازم تقنعني ان الصوت من العكوس الخلفية وجاب لي الف مثال بغى يخليني افك العكوس الخلفية وادخل في مشروع 1000 ريال خساره ع الاقل

المهم قلت ماني مقتنع من كلامك وقلت له ارفع الموتر
ورفعناه وانا جالس بالموتر
وعشقت بـ d ودعست للموتر مافيه اصوات
وعشقت الدبل الصغير لفحص العكوس الامامية ومشيت لسرعه 40 وطلع الصوت
وخليته يمسك الكفر الامامي الايسر ودعست لسرعه 40 وطلع الصوت ( وللمعلومية اي كفر معلق يستطيع اي شخص تثبيته بيديه هنا يثبت مايدور )
وخليته يمسك الكفر الامامي الايمن ودعست لسرعه 40 واختفى الصوت

وقلت نزل السياره وهو الحاله راح وجاب الرمان القديم حق الجهه اليسرى اللي غيرته مسبقا وطلع سليم وفك الكفر الايمن وركبه بدون مايناقشني

والنتيجة 100%

وهذه قصتي ههههههه استفدت منها
فحص رمانات العكوس بواسطة تعليق السياره
الخراب اللي انت مقتنع لاتخلي احد يغير رايك عنه
اصوات رمانات تلحس مخك تسمعها يمين وهي يسار

[راعي الهدد 44]

مشكورين جميعاً الله يجزاكم خير
وسامحوني على التاخير
جاري فحص الرمانات الأمامية
وباعطيكم النتيجة بإذن الله

دمتم بود

[راعي الهدد 44]

اخوي ابو راكان شيكت على مجموعة الهوبات كل شي سليم وفي مكانه....

[ابوراكان تبوك]

افحص الرمانات عند اي ميكانيكي واذا قال مابها شي خله يفحص والموتر مرفوع واستخدم الدبل الخفيف حتى يدور الكفر الامامي
كذلك بعض خبراء الترصيص الارضي يحدد لك الخلل
ركز على بعض